LUKAS 12:11 - Kitta' Passitallikang Bau KAREBA BAJI'

¹¹ Ampa rie' tau laparapa'ko mange ri pangadelang agama iyareka mange ri pamarenta na ri tukahasa injo, akomo bata-bata anteekamua na apa nuparallu lamupau passa'bi ri kalemmu.

LUKAS 12:11 Iomraidhean Croise

MATIUS 23:34

Injomo saba'na, piissekilalo, Nakke assuro sikonjo nabbi mange ri kaui, sikuanna tau mangisse' na sikonjo guru Tora': Sibageanng ri iyai lamuhuno surang lamusalli', na tumaraeng injo lamurabungi ri sapo passambajangammu na musissai battu ri kota se'reang mange ri kota maraeng,

MATIUS 6:25

”Injomo saba'na, Nakke appau mange ri kaui: Akolalo bata-bata ripassala tallasa'mu, ripassala apa nua'ra' lamukanre iyareka lamuinung, na akolalo todo' bata-bata ripassala batangkalemmu, ripassala apa nua'ra' lamupake. Gelejua tallasa intu la'bi parallu battu rikanre na batangkale intu la'bi parallu battu ri pakeang

MATIUS 6:27

Inaimo ri kau saba' kabata-bataanna akkulle latambai sirappa tallasa'na?

MATIUS 6:28

Ngura kaui bata-bata ripassala pakeang? Pariatisai taju'-taju' intu ri parang, nuattimbo na gele anjama surang gele attannung,

MATIUS 6:31

Injomo saba'na, akolalo bata-bata na appau: Apa latakanre? Apamo latainung? Apamo latapake?

MATIUS 6:34

Injomo saba'na, akolalo bata-bata ripassala allo mintara, saba' allo mintara rie' to'jua bata-batana. Kasusaang siallo ganna'mu ri siallo.”

LUKAS 12:22

Appaui Isa ri ana'-ana' gurunNa, ”Kanara injomo Nakke appau mange ri kaui: Akokalena bata-bata passala ritallasa'mu, ripassala apamo lamukanre, na ako todo' bata-bata ri batangkalemmu, ripassala apamo lamupake.