LUKAS 11:13 - Kitta' Passitallikang Bau KAREBA BAJI'

¹³ Jari ampa kau tudaa intu sipa'na ngisse' assare ri ana'mu nubaji', la'bipa pole Ammammu Turie' injo ri Suruga! Ia laassare Nyaha Tangkasa mange ri tungera injo ri Ia.”

LUKAS 11:13 Iomraidhean Croise

MATIUS 5:16

Appakonjo sibaji'na sinara'mu assau ri a'rakanna tau, solanna iyai lajanjangi panggeokang baji'mu na lapakala'biri Ammammu ri Suruga.”

MATIUS 5:45

Saba' ri appakonjonamo kaui a'jari ana'-ana' ri Ammammu nurie' injo ri Suruga, nuappakaambua' matanna allo mange ri tau daa na tau baji' sipa'na na appaturungi bosi mange ri tau naba na tau gele injo naba.

MATIUS 6:14

Saba' ampa kau ngampungi kasalaang tau, Ammammu ri suruga langampungi todo' ri kau.

MATIUS 6:30

Jari, ampa appakonjo Allataala lapakaballo ruku' rie' injo ri parang, nuallo inni rie'i na mintara ripabuangi antama' ri api, gelejua Ia la'bi lapakaballoko, oe tau kurang tappa'?

MATIUS 6:32

Iangase'na injo labojai tau maraeng gele injo tappa' ri Allataala. Mingka Ammammu ri suruga laisse'i ma'nassana kau muparalluangi iangase'na injo.

MATIUS 7:11

Jari, ampa kau tudaa intu sipa'na ngisse' assare nubaji' mange ri ana'-ana'mu, la'bipa pole Ammammu ri suruga! Ia lassare nubaji' mange ri iyai tungera injo mange ri Ia.”

LUKAS 11:12

Iyareka, ampa ia ngera tannoro, kalang lasareangi mange ri ia?

LUKAS 11:2

Pappihalinna Isa mange ri iyai, ”Ampa langera dowaangiko, paui appakonni: Amma, ripakatangkasai aremMu: rie'mu PakkaraengamMu.

LUKAS 18:7

Gelejua Allataala laalleangangi sikuana tau ripile ri Allataala ampa allo bangngi akeo' mange ri Ia? Apa Ia appasoho'i hattu rigelenapa latulungi?

YAHYA 4:10

Appihali Isa mange ri ia, ”So'di injo muisse'i passala nubattu ri Allataala na inai Tau appau injo mange ri kau, Sarea ere inung! Attantu langeramu mange ri Ia na Ia laassare ere attallasa mange ri kau.”

PAU-PAUWANNA SIKONJO SURO-SURO 2:38

Appihali Petrus mange ri iyai, ”Jarrako na parralluko tasse're-se're tau ririo lalang arenna Isa Almase lariampungi kadorakaammu, jari narimako pangamaseang, iamo intu Nyaha Tangkasa.

ROMA 5:17

Saba' ampa kasalaanna se're tau, kamateang maemmu a'kahasa patteteang ri tau se're injo, jari la'bipa pole iyai, tumaeng narima injo lohe pangamaseang surang barakka' pappa'naba na laattallasai na lakahasai kanara ri tau se're injo, iamo intu Isa Almase.

ROMA 7:18

Saba' nukuisse' ma'nassana ri nakke, iamo intu lalang ri nakke assimpole sipa' rupatau, gele rie' manna se're nubaji'. Saba' a'ra' rinubaji' injo rie'i ri nakke, mingka gelea anggeokang nubaji'.

ROMA 8:32

Ia, tugele injo lapassayang Ana' kalenNa, mingka Ia lapassareangi mae ri ditte ngase', anteekamua lama'ring Ia gele lapasareang ngase' pangamaseanna mae ri ditte assurang ri Ia?

TITUS 3:3

Saba' riolo ditte tallasa todo'ki lalang rikaba'gaang: gele mallang, ripa'lingu, a'jari atai rilohe rupanna napasu daa surang a'ra' rinudaa, tallasa lalang risipa' daa surang siriati, rassi pangalikkingang, assikalikkingang.