LUKAS 10:7 - Kitta' Passitallikang Bau KAREBA BAJI'

⁷ Ammariko ri sapo injo, kanrei na inungi nuripatala injo mange ri kaui, saba' se're pajama siratangi lauppa sahala karesona. Akolalo a'lette'-lette' sapo.

LUKAS 10:7 Iomraidhean Croise

MARKUS 6:10

Lakua Isa, ”Ampa rise're tampa' antama'ko rise're sapo, ammariko ri injo sa'gemmu a'lampai ri tampa' injo.

LUKAS 10:6

Ampa ri injo rie' tau siratang narima dame salehangang, jari barasallammu ammari ri ia. Mingka ampa gele, barasallammu injo muliangi ri kau.

LUKAS 9:4

Ampa rie' latarimako ammari lalang rise're sapo, ammariko ri injo sa'gemmu a'lampai pole battu ri injo.

PAU-PAUWANNA SIKONJO SURO-SURO 16:15

Sungka'i maemmo ririo surangang sibatu assinna saponna, ia lakeo'kang, lakua, ”Ampa pa'ngare'mu ma'nassana nakke toje' tappa'ku mange ri Karaeng, maeko assekka ri sapongku.” Ia akkeo' passai jari ammiokang ripakkeo'na.

PAU-PAUWANNA SIKONJO SURO-SURO 16:34

Maeng injo ia laurangi mange ri saponna na appatalai kanre mange ri iyai. Na ia sanna' rannuna ma'nassana ia surang sibatu saponna a'jari tappa'mu ri Allataala.

PAU-PAUWANNA SIKONJO SURO-SURO 16:40

Jari a'lampamu Paulus na Silas battu ri pattarungkuang injo na mange ri saponna Lidia; na rimaennamo assijanjangi urang siana' julu katappakang rie' ri injo na lapakajarre' ngase'i, a'lampaimu suro rua injo.

GALATIA 6:6

Jari sibaji'na ia, tunarima injo pangajara lalang ripauna Allataala, assare todo'i nubaji' rituassare injo pangajara ri kau.

1 TIMOTIUS 5:13

La'bipa pole, riansulu' antama'na tau inni ri sapo, iyai lapakanarangi kalenna jamala na gele sangga jamala'na jua, mingka sanging allagara daai na lapantamai passilolonganna tau maraeng na appau-paui passala nugele siratang.

2 TIMOTIUS 2:6

Se're inni pakoko anjama terasa parallui iamo kaminang riolo lakasia'i hassele karesona.