LUKAS 10:42 - Kitta' Passitallikang Bau KAREBA BAJI'

⁴² mingka se're jua nuparallu: Maria lapilemu dahuang nukaminang baji' injo, nugele injo akkulle rialle battu ri ia.”

LUKAS 10:42 Iomraidhean Croise

MARKUS 8:36

Apamo matu-matunna se're inni tau lauppa ngase'i assinna lino, mingka tappela'i nyahana?

LUKAS 10:39

Bahine injo rie' uranna siana' bahine riareng Maria. Maria attolongi riampi' bangkenna Isa na tarrusui lapilangngeri pauNa,

LUKAS 11:1

Rie' se're hattu ngera dowaangi Isa rise're tampa'. Sungka'i maemmo ngera dowaang, rie'mo se're ri suro-suroNa appau mange ri Ia, ”Karaeng, riajarakang ngera dowaang, assimpole nulapangajarang injo Yahya mange ri ana'-ana' gurunna.”

LUKAS 12:20

Mingka pauna Allataala mange ri ia: Oe kau tau ba'ga, bangngi inni jua nyahamu larialle battu ri kau, na apa numaeng muparappung, inaimo opuna injo sallo'?

LUKAS 12:33

Balukang ngase'i barang-barammu na assareko passidakka! Pa'buakangi kalemmu pannanroang doe' nugele lakanre toa, se're pa'barang-barangang ri Suruga nugele lala'busu, nugele akkulle laseppaki palukka' na gele akkulle lapanra'ki bu'bu'.

LUKAS 16:2

Jari lakeo'i pagahe pananro doe' injo na lakuta'nangi: Apa toje'i nukulangngere inni ripassala'mu? Ukiri baji'i apa numujama injo, saba' gelemoko akkulle anjama laa'jari pananro doe'ku.

LUKAS 16:25

Mingka appaui Abraham: Oe ana', u'rangisai ma'nassana kau maeng mutarimai sikonjo nubaji' rihattu attallasa'mu juapa ri lino, mingka Lazarus sanging nudaa. Konni-konnina iamo ripakarannu na kau sanna' ripakamarasai.

LUKAS 18:22

Rilalangngere'na injo appaui Isa mange ri ia, ”Rie' juapa pole se're passala nuparallu mugeokang: balukang ngase'i apa nurie' ri kau na pa'dahu-dahuangi injo mange ri tau kaasi-asi, languppako pa'barang-barangang ri Suruga, maeng injo maeko konni na minahangko ri Nakke.”

LUKAS 8:18

Injomo saba'na, pakabaji' ta'rammu appillangngeri. Saba' inai rie' laampunnai, larisare, mingka inai gele rie' laampunnai, larialle battu ri ia, injo pole nularapang injo rie' ri ia, larialle ngase'.”

YAHYA 11:1

Rie' se're tau attangngai garring, arenna Lazarus, battu ri Betania, desa pamarianna Maria surang uranna siana', Marta.

YAHYA 11:19

Ri injo lohemo tau Yahudi battu latimporongi Marta na Maria saba' matena uranna siana'.

YAHYA 12:3

Maeng injo ngalle Maria sitangnga katti minnya' narwastu ka'jala ballinna, ampai laminnyaki bangkenna Isa na uhu'na lapake allu'lu'; na honduna minnya' injo laganna'i sibatu sapo injo.

YAHYA 17:3

Iamo inni tallasa mannannungang, iamo intu ma'nassana iyai ngisse'i ri Ditte, Allataala tide' ruana, na laisseki todo'i Isa Almase Tumaeng injo Risuro.

YAHYA 4:14

mingka inai jua nginung ri ere nulaKusareang injo mange ri ia, injo gelemu latirere situlusu'na. Sibale'na ere nulaKusareang injo mange ri ia, laa'jari ere attimbula' lalang ri kalenna, nutarru'-tarrusu a'lo'loro sa'genna ambattu ritallasa mannannungang.”

YAHYA 5:24

Sitoje'na Nakke appau mange ri kaui: Inai jua lapilangngeri pauKu na tappa'i mange ri Ia Tuassuro injo ri Nakke, ia languppai tallasa mannannungang na gele languppa hukkungang, saba' ia a'lette'mu battu rikamateang antama' rikatallasang.

YAHYA 6:27

Anjamako, gele ri kanre akkulle injo lala'busu, mingka kanre attahang injo sa'genna mange rikatallasang tide' tappu'na, nulapassareang injo Ana' Rupatau mange ri kau; saba' Iamo maeng risegele ri Allataala Amma.”

1 KORINTUS 13:3

Manna injo kupaa'dahu-dahuangi sikuanna nurie' ri nakke, injo pole kupassareang batangkalengku laritunu, mingka ampa nakke gelea ngampunnai pangamaseang, manna siso'di' tide'jua matu-matunna ri nakke.

GALATIA 5:6

Saba' mange ri tau rie' injo lalang ri Isa Almase passala assunna' iyareka gele assunna' tide' jua battuanganna, sangga katappakang jua anjama rikanara pangamaseang.