LUKAS 10:21 - Kitta' Passitallikang Bau KAREBA BAJI'

²¹ Rihattu injo te'ne todo'i Isa lalang Nyaha Tangkasa, na lakua, ”Nakke sukkuru mange ri Kau, Amma, Karaeng ri Suruga na ri lino, saba' iangase'na injo Musa'bui ri tau anralang injo pangisse'na surang mange ri tau sara'de' injo, mingka Mupappiissekangi ri tau ki'di' inni. O Amma, iamo injo nubaji' mange ri Kau.

LUKAS 10:21 Iomraidhean Croise

MATIUS 16:17

Appaui Isa mange ri ia, ”Sunggulaloko Simon ana'na Yunus saba' gele rupatau appau mange ri kau, mingka AmmangKu ri Suruga.

MATIUS 21:16

maeng injo appauimu mange ri Ia, ”Mulangngere nulapau injo ana'-ana' inni?” Lakuamo Isa mange ri iyai, ”Kulangngere; gelepai minang muaji: Battu ri babana sikonjo ana' lolo surang sikonjo ana' nyusu injo juapa Kau maeng appakasadia kelong-kelong?”

MATIUS 3:7

Mingka rihattu lajanjanna lohe tau Farisi na tau Saduki rie' laririo, appaumu mange ri iyai, ”Oe kau tui saa moso intu. Inaimo appau mange ri kaui ma'nassana kaui intu akkulle a'lili battu rihukkungang nularie' injo?

MARKUS 10:15

Sitoje'na Nakke appau mange ri kaui: Inai jua gele anruppai Pakkaraengang Allataala assimpole ana'-ana' ki'di' inni, ia gele laantama' ri injo.”

LUKAS 15:5

Ampa lauppamu, lasompoi jimbala injo lalang rikarannuang,

LUKAS 15:9

Ampa lauppamu, ia lakeo' ngase'i bahaanna surang limbo-limbona na lakua: A'rannu-rannuki saba' kuuppamu bulaengku nutappela' injo.

YAHYA 11:41

Jari lapalesangimu batu panongko'na kuburu injo. Jari Isa ammongai nai' ri langi' na appaui, ”Amma, Nakke masa barakka' mange ri Kau, saba' Kau maeng appilangngeri ri Nakke.

2 KORINTUS 4:3

Ampa Injili nutapala'bang injo tattongko' juapai, Injili injo tattongko'i mange ri iyai tulamate injo,

EFESUS 1:11

Nakke appau ”lalang ri Almase”, saba' lalang ri Iamo kambe risare dahuang – ditte tuminang ripakaramulana maeng ripile ri Allataala assituru' a'ra'na Allataala, tuanjama injo ri iangase'na assituru' katappukang ria'ra'Na to'jua –

EFESUS 1:5

Lalang pangamaseang Ia maeng lapattantuki battu ripakaramulana patteteang ri Isa Almase laa'jari ana'-ana'Na, assituru' ria'ra'Na,