LUKAS 10:20 - Kitta' Passitallikang Bau KAREBA BAJI'

²⁰ Mingka mannamamo appakonjo, ako rannu kanara tunru'na sikonjo setang injo mange ri kau, mingka rannuimoko kanara rie'na aremmu ta'ukiri ri Suruga.”

LUKAS 10:20 Iomraidhean Croise

MATIUS 10:1

Isa lakeo' sampuloiya rua suroNa na assare kahasa mange ri iyai langga'gara setang na laappakagassing tau battu risikuanna garring-garring na kalammaang.

MATIUS 26:24

Ana' Rupatau toje'i laa'lampa assituru' nurie' injo ta'ukiri ripassala'na Ia, mingka silakamu tau injo ampa rikanarana Ana' Rupatau ripassareang. La'bi bajikangi mange ri tau injo ampa ia gele rilaherang.”

MATIUS 27:5

Jari Ia lapamballungi doe' salaka injo antama' ri Sapo Allataala, ampai a'lampa battu ri injo na lagojeng kalenna.

FILIPI 4:3

La'bipa pole, kuera todo'i ri kau, Sunsugos, urang mallangku: Tulungilalo bahine rua injo. Kanara iyai injo maemmu anjama terasa surangang nakke lalang ripappala'bangang Injili, assurang-surangi Klemens na baha'-bahaang sipanjamaangku tumaraeng injo, turie' injo ngase' ta'ukiri lalang ri kitta' katallasang.

IBRANI 12:23

na mange ri jamaah risikonjo ana' lihua, nuarenna maeng ta'dattaramo ri suruga. Ambattuimoko mange ri Allataala, tulangadeli injo risikuanna tau, na mange risikonjo nyaha tau naba maemmu risangkaki,

PANJANJANNA YAHYA 13:8

Sikuanna tau ammari ri lino inni lanyombai ri ia, iamo intu sikuanna tau numinang rikaramulana ripaa'jari lino gelei ta'ukiri arenna lalang ri kitta' katallasang battu ri Ana' Jimbala, tumaeng risumbele injo.

PANJANJANNA YAHYA 17:8

Binantang numujanjang injo, maengi rie', na rikonni-konnina gelemu rie', mingka ia laansulu' juapai battu ri balo kamateang, na ia lamangei rikamateang. Iyai tuammari injo ri lino inni, iamo intu iyai tugele injo ta'ukiri lalang ri kitta' katallasang minang riuruna ripaa'jari lino, latakkajanna'i. Saba' binantang injo maengi rie', na rikonni-konnina gelemu rie', mingka laammumba juapai.

PANJANJANNA YAHYA 20:12

Na nakke anjanjanga lohe tau mate, baji' injo tuki'di' iyareka tubakka', ammenteng ri a'rakang pattolongang kakaraengang injo. Maeng injo risungkei sikonjo kitta' na risungke todo'i se're kitta' maraeng, iamo injo kitta' katallasang. Sikuanna tau mate larihukkungi assituru' panggeokanna, assituru' anteekamua rie' ta'ukiri lalang ri kitta' injo.

PANJANJANNA YAHYA 20:15

Sikuanna tau gele injo rirumpa' arenna ta'ukiri lalang ri kitta' katallasang injo, iamo laripabuang antama' ri api a'bola' injo.

PANJANJANNA YAHYA 21:27

Mingka gelei laantama' lalang ri injo sikuanna nurammasa na tau anggeokang nurammasa iyareka bura, passangadinna iyai jua tuarenna ta'ukiri lalang ri kitta' katallasanna Ana' Jimbala injo.

PANJANJANNA YAHYA 3:5

Inai jua ambeta, ia laripipakei pakeang pute appakonjo; Nakke gelei laKulu'lu' arenna ri kitta' katallasang, mingka Kuani arenna ri a'rakanna AmmangKu surang ri a'rakanna sikonjo malaeka'Na.