LUKAS 10:2 - Kitta' Passitallikang Bau KAREBA BAJI'

² Lakua pauna Isa mange ri iyai, ”Lohe toje' duruang, mingka so'di' paduru. Injomo saba'na ngerako ri opuna duruang, solanna Ia assuro paduru riduruang injo.

LUKAS 10:2 Iomraidhean Croise

MATIUS 20:1

”Passala Pakkaraengang Suruga assimpole se're tau rie' koko anggoro'na nungesala kalejuapa ansulu'mu a'boja tulanjama ri kokonna.

MARKUS 13:34

Hattu injo assimpole juai tau a'lampa-lampa, labokoi saponna na assare tanggongjawa' mange risikonjo atanna, massing-massing rijama-jamaanna, na assare parenta ripajaga babaang solanna a'jaga-jaga.

MARKUS 16:15

Jari appaui Isa mange ri iyai, ”A'lampamoko mange risibatu lino, pala'bangi Injili mange risikonjo mahallo'.

MARKUS 16:20

Na iyai a'lampaimu appala'bang Injili mange risibatu lino, na Karaeng minahangi anjama na lapakasa'ga'i pauNa injo lalang ritanra-tanra lapinahangi injo.]

LUKAS 9:1

Isa lakeo'i sampuloiya rua suro-suroNa, ampai assare tangkahuku na kahasa mange ri iyai laappakatunru' sikonjo rupanna setang surang laappakagassing tau garring.

PAU-PAUWANNA SIKONJO SURO-SURO 11:19

Rihattu injo sikonjo urang siana' julu katappakang tassia'-tassiarai saba' rie'na passissa rimaennamo Stefanus, a'lettekimu sa'genna mange ri Fenisia, Siprus na Antiokhia, mingka iyai appala'bangi Injili mange ri tau Yahudi injo jua.

PAU-PAUWANNA SIKONJO SURO-SURO 13:2

Rie' se're allo rihattu assambajanginna mange ri Karaeng Isa surang appuasa, appaumu Nyaha Tangkasa injo, ”Sa'la'i Barnabas surang Saulus tujungKu lalajamai numaeng Kutantuang injo mange ri iyai.”

PAU-PAUWANNA SIKONJO SURO-SURO 13:4

Saba' risuroi ri Nyaha Tangkasa, Barnabas surang Saulus a'lampai mange ri Seleukia, na battu ri injo a'lopi mange ri Siprus.

PAU-PAUWANNA SIKONJO SURO-SURO 20:28

Jagai kalemmu na jagai todo'i sikonjo urammu, saba' kauimo ritantuang ri Nyaha Tangkasa laa'jari tutoa-toa laakkalahaki jamaah Allataala nulauppa injo lalang ri raraNa to'jua.

PAU-PAUWANNA SIKONJO SURO-SURO 22:21

Mingka appaui Karaeng Isa ri nakke: A'lampamoko, saba' Nakke assuro ri kau laa'lampa dere battu ri inni lamange risikuanna bangsa tau maraeng.”

PAU-PAUWANNA SIKONJO SURO-SURO 8:4

Iyai tau tassia'-siara injo lapila'bangi risikonjo kampong rie' ri injo ampai appala'bangi Injili.

1 KORINTUS 12:28

Allataala maeng lapattantumu sikura lohena tau lalang ri jamaah: Makase're laa'jari suro, makarua laa'jari nabbi, makatallu laa'jari tulangajara. Sitarrusu'na iyai tunguppa injo barakka' laappaa'jari nugele samara, laappakagassing tugarring-garring, laanjampangi, laa'jari ponggaha, na laappau-pau lalang lohe rupanna bisara.

1 KORINTUS 15:10

Mingka kanara pangamaseang Allataala nakke injo appaanteekamua nakke rikonni-konnina, na pangamaseang nulapassareang injo Allataala mae ri nakke gele nutide' matu-matunna. Sibale'na, nakke la'bi terasa anjama battu ri iyai ngase'; mingka gele sangga nakke, passangadinna pangamaseanna Allataala numinahang injo ri nakke.

2 KORINTUS 6:1

Assingkamua urang sipanjamaang, kambe appiu'rangi ri kau, solanna andaiko appakaassolong pappidalle' battu ri Allataala numaeng mutarima injo.

FILIPI 2:21

saba' sanging kaparalluannai to'jua laboja, gelemo kaparalluang ri Isa Almase.

FILIPI 2:25

Na kurapang parallu todo'i pole kusuro Epafroditus mange ri kaui, iamo intu urang siana' katappakangku na urang sipanjamaang surang urangku sipa'lingkaang tau musuro injo laanjampangi ri nakke lalang risikuanna kaparalluangku.

FILIPI 2:30

Saba' ia so'dippa matei rikanara panjamana lapa'bisonaang nyahana mange ri Allataala lanyangkaki apa nugele injopa sangka' lalang ripanjampangimmu mae ri nakke.

KOLOSE 1:29

Injomo kukaresoi na kupapparri-parriang lalang risikonjo kagassingang assituru' kahasaNa nuanjama injo lalang ri nakke.

KOLOSE 4:12

Sallang battu ri Epafras mange ri kaui ia se'rei tau battu ri kau, ata ri Isa Almase, tusanging poso naha-nahanna ripangera dowaang tujummu, solanna kau ammenteng ka'jang, assimpole tau toa pangisse' surang rassi kajarrekang lalang risikonjo passala nulakaa'raki injo Allataala.

1 TESALONIKA 2:9

Saba' muu'rangi juapai, Urang siana', kareso surang panjama terasa'ba riolo. Allo bangngikang anjama, solanna gelei a'jari pamberaki mange ri kaui, rihattunna kambe appala'bang Injili Allataala mange ri kaui.

1 TESALONIKA 5:12

Taerai ri kau, Urang siana', solanna kau appakala'biri mange ri iyai tuakkareso terasa injo ritangnga-tangngamu, turipile injo ri Karaeng na laappisangka ri kau;

2 TESALONIKA 3:1

Sitarrusu'na, Urang siana', pangera dowaangangkang, solanna paunna Karaeng pela' baji' latarimana tau surang ripakala'biri, assimpole numaeng kajariang injo ri kau,

1 TIMOTIUS 4:10

Injomo saba'na ditte apparri-parri surang akkareso terasa, saba' annanroki pattajalliang mange ri Allataala attallasa injo, Pappakasalama'na sikuanna rupatau, kaminang poong mange ri iyai tutappa' injo.

2 TIMOTIUS 4:5

Mingka kau, kahasai kalemmu lalang risikuanna passala, sabbarako assinsara, geokanglaloi jama-jamaang appala'bang Injili na geokangi jamaang panjampangimmu!

FILEMON 1:1

Battu ri Paulus, se're turitarungku kanara ri Isa Almase na battu ri Timotius urang siana' julu katappakanta. Mange ri Filemon tukukamaseang, urang sipanjamaamba

IBRANI 3:6

Mingka Almase mallangi anjama assimpole Ana' attanggongjawa' ri saponna Allataala; na saponna Allataala iamo intu ditte, ampa a'bitantang jarre'ki rikatappakang surang ripattajalliang nuripa'bangga-banggaang sa'genna ambattu mange rikala'busang.

PANJANJANNA YAHYA 2:1

”Ukirilaloi mange ri malaeka' jamaah ri Efesus: Iamo inni Pau battu ri Ia, tulateteng injo tujuiya bintoeng ri lima kananNa na a'lingkai ritangnga-tangngana tujuiya bangkeng kanjoli bulaeng injo.