LUKAS 1:7 - Kitta' Passitallikang Bau KAREBA BAJI'

⁷ Mingka iyai tide' ana'na, saba' Elisabet tamanangi na toaimu ummuru'na.

LUKAS 1:7 Iomraidhean Croise

LUKAS 1:5

Ri jammanna Herodes, karaeng ri tana Yudea, rie' se're imang turiareng Zakharia battu ribakkalanna Abia. Bahinenna battu todo'i risossoranna imang Harun, arenna Elisabet.

LUKAS 1:6

Ruayai naba tallasa'na ri a'rakanna Allataala na laturuki sikonjo passuroang na katantuanna Allataala na gele rie' geo' salana.

LUKAS 1:8

Rie' se're allo, rihattu larapi'na lili' bakkalanna, Zakharia lalageokangi jama-jamaang imang inni ri a'rakanna Karaeng Allataala.

ROMA 4:19

Katappakanna gele a'jari lamma, manna injo ia laisse'i ma'nassana lamatemu batangkalenna, saba' ummuru'na rie'mu barang sibilangang taung, na ma'nassana pompong pamanakanna Sara tattongko' todo'mu.

IBRANI 11:11

Kanara katappakang, manna injo tamanangi Sara, Abraham appada'darai ampu piu'-piu', padahala toamu ummuru'na, kanara ia anrapang ri Ia, tuassare injo talli' mallangi.