LUKAS 1:20 - Kitta' Passitallikang Bau KAREBA BAJI'

²⁰ Sitoje'na laa'jari pepeko na lageleko akkulle appau sa'genna rihattu a'rupana ngase' inni, kanara gelemu tappa' ripauku nulakajanjangang injo patoje'na rihattunna.”

LUKAS 1:20 Iomraidhean Croise

MARKUS 16:14

Rikala'busanna Ia lapappijanjangangi kalenNa mange ri sampuloiya se're suro-suroNa rihattu attangngana nganrei, na Ia lasalla ngase'i pagelena tappa' na paterasa'na atina, rikanara gelena tappa' mange risikuanna tau maeng injo anjanjang ri Ia rihattu attallasa'Namo muliang battu rikamateang.

MARKUS 9:19

Jari appaui Isa mange ri iyai, ”Oe kau tau gele intu tappa', lasikurapa salloKu laammari ri kaui? Lasikurapa salloKu lasabbara mange ri kaui? Erangi mae ana' intu!”

LUKAS 1:19

Appihali malaeka' injo mange ri ia, ”Nakkemo Jibraele tuanjampangi injo Allataala na nakke risuro mae konni a'bisara ri kau laappabattu kareba baji' inni mange ri kau.

LUKAS 1:21

Na rihattu injo lohe tau attajang-tajang ri Zakharia. A'jari lannasimu, saba' sallona lalang ri Sapo Allataala.

LUKAS 1:22

Sungka'i ansulukang, ia gelemu akkulle a'bisara mange ri iyai, jari lapahangimu, ma'nassana ia anjanjangi se're numasagala lalang ri Sapo Allataala. Maeng injo ia assare tanra mange ri iyai, saba' tulusu pepei.

LUKAS 1:45

Sunggulalo tau tappa' injo, saba' apa ripau mange ri ia nubattu ri Karaeng Allataala, laripa'rupa.”

LUKAS 1:64

Rihattu injo jua sikali ta'bungkara babana na a'geo'mu lilana, jari ia allagarai na appakala'biri Allataala.

ROMA 3:3

Jari anteekamua, ampa ritangnga-tangnganai rie' tau gele mallang, akkulle juaika pagelena mallang injo appakabuili kamallanganna Allataala?

2 TIMOTIUS 2:13

ampa geleki mallang, Ia tuli mallangi, saba' Ia gelei akkulle labokoi kalenNa.”

TITUS 1:2

na asituru' pattajalliang languppa tallasa mannannungang numinang ripakaramulana jammang maemmu lasapattaang Allataala na Ia gelei ma'ring laa'bura-bura.

IBRANI 6:18

Rua injo passala nugele akkulle appinra na Allataala gelei ma'ring a'bura-bura ripassala injo. Injomo saba'na ditte tua'boja inni pa'lengukang, nguppaki katerasang laa'bitantang ripattajalliang nurie' injo ri a'rakanta.

PANJANJANNA YAHYA 3:19

Inai Kukamaseang, ia Kuto'ro surang Kurabung; injomo saba'na, attoje'-toje'ko na jarrako!