KOLOSE 4:3 - Kitta' Passitallikang Bau KAREBA BAJI'

³ Pangera dowaang todo'kang, solanna Allataala lapambungkarangkang babaang ripappala'bangamba, jari akkullekang a'bisara ripassala harasiana Almase, nupassabakannamo injo nakke ritarungku.

KOLOSE 4:3 Iomraidhean Croise

MATIUS 13:11

Appihali Isa, ”Mange ri kaui risare barakka' langisse' harasia Pakkaraengang Suruga, mingka gele mange ri iyai.

PAU-PAUWANNA SIKONJO SURO-SURO 14:27

Riambattuinnamo ri injo lakeokimu jamaah injo laasse're, maeng injo lalagarangimu sikuanna nulageokang Allataala ripatteteannai, na ma'nassana Ia maeng lapambungkarangi babaang risikuanna tau maraeng mange rikatappakang.

ROMA 16:25

Ri Ia, tukahasa injo lapakaterasako, – assituru' Injili nukupakabakka' injo na nukupala'bang injo ripassala'na Isa Almase, assituru' passa'bi harasia, nuritaro injo a'bila'-bilangang taung sallona,

1 KORINTUS 16:9

Saba' rie' sa'la' hattungku laanjama jama-jamaang bakka' surang nuparallu, manna injo rie' lohe tau a'bali.

1 KORINTUS 4:1

Appakonjomu paralluna tau inni anjanjang geo' ri kambe: Assimpole ata ri Almase, tumange ri ia ripassareang harasia Allataala.

2 KORINTUS 2:12

Rihattungku ambattu ri Troas laappala'bang Injili Almase, kurumpa'i ma'nassana Karaeng maeng ambungkarai babaang jama-jamaang ri injo.

EFESUS 3:1

Injomo saba'na nakke inni, Paulus, ritarungku kanara Isa Almase tujummu tau gele intu Yahudi.

EFESUS 3:3

Iamo intu anteekamua Allataala lapappissekang harasia injo mae ri nakke patteteang lalang ripanjanjang, assimpole numaeng kuukiri bo'do' injo sumpae'.

EFESUS 3:4

Ampa maemmu muajii, injo kau akkullei mupahangi pangisse'ku ripassala harasia Almase,

EFESUS 3:9

Na lalabua'i sikuanna tau laanjanjang naha-naha harasia numaeng a'bilangang taung injo tassa'bu lalang ri Allataala tuappaa'jari injo risikuanna,

EFESUS 4:1

Injomo saba'na, nakke appiu'rangi mange ri kaui, nakke tau ritarungku kanara Karaeng Isa, appiu'rangi mange ri kaui, solanna kau tumaeng intu rikeo' tallasa assituru' ripakkeo' injo.

FILIPI 1:19

Saba' kuisse'i ma'nassana rikala'busanna inni iamo intu ripakalappasa battu ri pattarungkuang kanara ripangera dowaammu surang pattulungang ri Nyahana Isa Almase.

FILIPI 1:7

Toje' siratammu nakke appikkiri appakonjo passala ri kau ngase', saba' kau ngase' rie' lalang ri atiku, rikanara minahangimmu nguppa dahuang lalang ripangamaseang nuripassareang injo mae ri nakke, baji' rihattungku rie' ri pattarungkuang, iyareka rihattungku assa'bi surang appakajarre' Kareba Injili.

KOLOSE 1:26

iamo intu harasia nutassa'bu injo a'bila'-bilangang taung surang battu rise're bija pamanakang mange ribija pamanakang maraeng, mingka konni-konnina ripappisa'biammu mange risikuanna tau tapppa'Na.

KOLOSE 4:18

Sallang battu ri nakke, Paulus. Sallang inni kuukirii surangang limangku to'jua. U'rangilaloi ma'nassana nakke lalang juapa ri pattarungkuang. Barakka' pangamaseang larurungiko.

1 TESALONIKA 5:25

Urang siana' pangera dowaangikang.

2 TIMOTIUS 1:16

Bisannabali Karaeng lapassareangi pambarakkakinNa mange ripassiana'na Onesiforus tumaeng a'mole-mole injo allengung-lengung mae ri nakke. Ia gelei siri' lauranga assijanjang ri pattarungkuang.

2 TIMOTIUS 2:9

Passabakang ripappala'bangang Injili innimo nakke marasai, la'bipa pole rirante assimpole se're palukka', mingka pauna Allataala gelei ta'rante.

2 TIMOTIUS 4:2

Pala'banglaloi pauna Allataala, sanging sadiako baji' iyareka daa hattu, pappisa'biangi apa nusala, to'ro surang piu'rangilaloi lalang risikonjo kasabbarang surang pangajarang.

FILEMON 1:22

Ri injo sadia todo'ko assare pamminsamboang mae ri nakke, saba' nakke tajalli ri Allataala lalapitoli pangera dowaammu solanna nakke akkullea muliang mange ri kau.