KOLOSE 3:3 - Kitta' Passitallikang Bau KAREBA BAJI'

³ Saba' kau maemmo mate na tallasa'mu tassa'bui assurangang Almase lalang ri Allataala.

KOLOSE 3:3 Iomraidhean Croise

MATIUS 11:25

Rihattu injo appaui Isa, ”Nakke sukkuru mange ri Kau, Amma, Karaeng langi' na lino, saba' iangase'na injo Kau musa'bu ri tau ngisse' na ri tau sara'de', mingka Kau mupappijanjangangi mange ri tau ki'di'.

YAHYA 14:19

Gelemu lasallo lino inni nagelema lajanjang, mingka kau lamujanjangia, saba' Nakke laattallasa na kaui pole laattallasa.

YAHYA 3:16

Saba' pammate lakamaseanNa Allataala assinna lino inni, sa'genna Ia lapassareammu Ana' sitau-tauNa, solanna sikuanna tau tappa' mange ri Ia gele lamate tulusu, mingka nguppai tallasa mannannungang.

YAHYA 4:14

mingka inai jua nginung ri ere nulaKusareang injo mange ri ia, injo gelemu latirere situlusu'na. Sibale'na ere nulaKusareang injo mange ri ia, laa'jari ere attimbula' lalang ri kalenna, nutarru'-tarrusu a'lo'loro sa'genna ambattu ritallasa mannannungang.”

YAHYA 5:21

Saba' assimpole Amma appakaambaung sikuanna tau mate na lapakaattallassai muliang, appakonjo todo'i Ana' lappakaattallasa inai jua Ia lakaa'raki.

YAHYA 5:24

Sitoje'na Nakke appau mange ri kaui: Inai jua lapilangngeri pauKu na tappa'i mange ri Ia Tuassuro injo ri Nakke, ia languppai tallasa mannannungang na gele languppa hukkungang, saba' ia a'lette'mu battu rikamateang antama' rikatallasang.

YAHYA 5:40

geleko a'ra' battu mae ri Nakke languppa tallasa injo.

ROMA 5:10

Saba' ampa ditte, rihattunta juapa gele a'baji', ripa'dameangki surangang Allataala patteteang rikamateanna Ana'Na, la'bipa pole ditte, tukonni-konnina maeng ripa'dameammuki, attantumu laripakasalama' rikanara attallasa'Na!

ROMA 5:21

solanna, assimpole kadorakaang lakahasa lalang ri linona kamateang, appakonjo todo'i pangamaseang lakahasa patteteang pappa'naba laattallasa mannannungang, rikanara Isa Almase, Karaengta.

ROMA 6:11

Appakonjomu sibaji'na panguppamu: Ma'nassana maeng matemoko rikadorakaang, mingka attallasako ri Allataala lalang Isa Almase.

ROMA 6:2

Gelei appakonjo! Gelejua ditte matemuki rikadorakaang, anteei kamua ditte naakkulle juapaki attallasa ri injo?

ROMA 8:2

Saba' hukkung Nyaha Tangkasa nuassare injo tallasa maeng lapakalappasako battu ri hukkung kadorakaang na hukkung kamateang lalang ri Almase.

1 KORINTUS 15:45

Assimpole rie' ta'ukiri: Rupatau makase're injo, Adam a'jari mahallo' attallasa, mingka Adam kala'busang injo a'jari nyaha nuappakaattallasa injo.

1 KORINTUS 2:14

Mingka ri rupatau kasara inni gele narima apa nubattu ri Nyaha Allataala, saba' passala injo se'rei kaba'gaang ri ia; na ia gele akkulle lapahang, saba' passala injo akkulle ritassere ampa rie' Nyaha Allataala.

2 KORINTUS 5:14

Saba' pangamaseang ri Almase lakahasaikang, kanara maeng taisse'na ma'nassana ampa se're tau maeng mate risikuanna tau, injo iyai maeng mate ngasekimu.

2 KORINTUS 5:7

saba' tallasa'ba inni iamo intu tallasa assituru' katappakang, gele assituru' apa nukajanjanang –

GALATIA 2:20

nakke attallasa, mingka gelemo nakke jua attallasa, passangadinna Almase attallasa lalang ri nakke. Tallasa kuerang injo konni-konnina ri mata kasara iamo intu tallasa rikanara katappakang lalang ri Ana' Allataala tumaeng ngamaseang injo mae ri nakke na lapassareang kalenNa ri nakke.

EFESUS 3:9

Na lalabua'i sikuanna tau laanjanjang naha-naha harasia numaeng a'bilangang taung injo tassa'bu lalang ri Allataala tuappaa'jari injo risikuanna,

FILIPI 4:7

Dame salehangang ri Allataala, nugele injo laalle naha-naha, lakalahaki atimu surang pikkirammu lalang ri Isa Almase.

KOLOSE 1:5

rikanara pattajalliang nuripasadiaang injo mange ri kaui ri suruga. Passala pattajalliang injo la'bi riolomo maeng mulangngere lalang pau katojekang, iamo intu Injili,

KOLOSE 2:20

Ampa maemmoko mate assurangang Almase na lappasamu battu ri nyaha lino inni, ngura mupakatunru'i kalemmu rilohe rupanna atorang, assimpolekalena attallasa juapako ri lino:

KOLOSE 2:3

saba' lalang ri Iamo tassa'bu sikonjo kasara'dekang surang pangisse'.

KOLOSE 3:4

Ampa Almase, tua'jari injo tallasa'ta, kajanjangang sallo', injo manna kau kajanjangang surang Ia lalang rikala'birang.

IBRANI 7:25

Kanara injomo, Ia akkulle todo'i appakasangka' kasalamakang risikuanna tau nupatteteang ri Ia ambattu mange ri Allataala. Saba' Ia tulusu attallasai laa'jari petteteang ri iyai.

1 PETRUS 3:4

Mingka kaballoammu iamo intu rupatau bateng nutassa'bu surangang kaballoang nugele lapanra'. Kaballoang inni assala'na nubattu ri nyaha pa'mai' baji' na ngerangi kasannangang, nasanna' langkasa anggaranna ri a'rakanna Allataala.

1 PETRUS 4:2

Injomo saba'na, hattu rie' inni juapa andalaloko pakei assituru' a'ra'na rupatau inni, mingka assituru' a'ra'na Allataala.

1 YAHYA 3:2

Urang siana' mala'biri'ku, konni-konnina ditte intu ana'-ana'na Allataala, mingka gelepai kajanjangang anteekamua katallasangta sallo', mingka, riisse'i ampa Almase ri pappisa'biang, ditte laa'jari assimpole Ia, saba' dittemo laanjanjang ri Ia lalang rikatallasang toje'Na.

PANJANJANNA YAHYA 2:17

Inai jua attoli, sibaji'na ia appilangngeri apa nulapau injo Nyaha mange risikonjo jamaah. Inai jua ambeta mange ri ia laKusarei Manna nutassa'bu ri suruga; na Nakke laassare mange ri ia batu pute, nuribahonna rie' ta'ukiri areng bau, natide' tulaisse'i manna se're tau, rimaraenganna ri tunarima injo.”