KOLOSE 2:4 - Kitta' Passitallikang Bau KAREBA BAJI'

⁴ Kupau passala inni, solanna andarie' tuappalinga-linga ri kau lalang ripau-pau ballo beloinna.

KOLOSE 2:4 Iomraidhean Croise

MATIUS 24:24

Saba' lalohe Almase palusu surang nabbi palusu laammumba na iyai injo lappaa'jari tanra-tanra bakka' na nugele samara, sa'genna so'di injo ma'ringi, iyai injo laappakalingu todo'i tau ripile injo.

MATIUS 24:4

Pappihalinna Isa mange ri iyai, ”Tutulaloko solanna anda rie' tau appa'lingu mange ri kau!

MARKUS 13:22

Saba' lohe Almase palusu na lohe todo' nabbi palusu laammumba na iyai laa'bua'i tanra-tanra surang nugele samara, solanna so'di injo ma'ringi, laappakalingu ri tau ripile injo.

PAU-PAUWANNA SIKONJO SURO-SURO 20:30

Na ri kau intu larie' todo' ammumba lohe tau, riajarang bura lapakkulle-kulleangi langalle tau tappa' ri Isa battu ripa'lalangang naba injo solanna minahangi riajaranna.

1 KORINTUS 2:4

Baji' injo pauku iyareka kareba kupala'bang injo gele kupabattu lalang ripau-pau pangisse' nuappakatappa', mingka surang tappa' rikahasana Nyaha Tangkasa,

2 KORINTUS 11:3

Mingka malla'a, sikalinna pikkirammu ripa'lingui battu rikamallangang toje'mu mange ri Almase, assimpole Hawa ripa'maling-malingi ri saa injo rikasara'dekanna.

GALATIA 2:4

Toje'i rie' tumassa-massa battu ri urang siana' palusu antamaki injo, iamo intu tuantama' sa'bu-sa'bu injo lamarampa' rikalaloasaanta nuriuppa injo ri Isa Almase, solanna rita'ra appakonjonai iyai injo akkulleki lapaa'jari ata.

EFESUS 4:14

sa'genna ditte gelemo ana'-ana', turipalinga-linga ri ajarang, ripau burana rupatau inni lalang rikasara'dekanna laappakalingu.

EFESUS 4:17

Injomo saba'na, passabakang ri Karaeng kupaui na kupattoje'i inni mange ri kaui: Andaimoko pole tallasa assimpole tau gele injo tappa' ri Allataala ripikkirang tide' matu-matunna

EFESUS 5:6

Akolalo lapa'lingu tau ripau-pau baji' tide' battuanna, saba' passala appakonjo injo appabattui kuku'na Allataala mange ri tau doraka injo.

KOLOSE 2:18

Akolalo pa'biangi pametaammu ripaolle ri tau a'bura-bura injo lapakatuna kalenna surang assambajang mange ri malaeka', surang appakala'biri panjanjang na tide'jua alasanna laattampo-tampo ripikkiranna lino inni,

KOLOSE 2:8

Tutuilaloko, solanna andarie' tulapa'linguiko surangang ripau-pau ballo nutide' battuanna na nupalusu assituru' pangajarang riolo mariolo surang ri nyaha pappalinguna lino inni, mingka gelei assituru' Almase.

2 TIMOTIUS 2:16

Mingka lilianglaloi pau bura surang nugele injo tangkasa nusangga lanambai jua rikamunapekang.

2 TIMOTIUS 3:13

na tau daa injo sipa'na surang pabura-bura injo laattamba daai sipa'na, iyai injo laappakalingu na laripakalingu.

1 YAHYA 2:18

Ana'-ana'ku, hattu inni iamo intu hattu kala'busang, na assimpole numaeng mulangngere ma'nassana larie'i battu balinna Almase, konni-konnina lohemo ammenteng balinna Almase. Battu ripassala innimo ditte riisse'i ma'nassana hattu inni toje'i hattu kala'busammo.

1 YAHYA 2:26

Iangase'na inni kuukirii mange ri kau, iamo intu passala'na sikuanna tau apparri-pari injo laappakalingu ri kau.

1 YAHYA 4:1

Urang siana' mala'biri'ku, akolalo tappa' mange risikonjo nyaha, mingka so'ri ngase'i sikonjo nyaha, apa injo assala'na nubattu ri Allataala; saba' lohe nabbi palusu maeng ammumba na a'lampai lapila'bangi sibatu lino.

2 YAHYA 1:7

Saba' lohe pappalingu maeng ammumba na a'lampai mange lapila'bangi sibatu lino, tugele ngaku ma'nassana Isa Almase maemmu rie' assimpole rupatau. Iamo injo tuappalingu na balinna Almase.

PANJANJANNA YAHYA 12:9

Saa bakka' injo, saa toamo, nuriare' Ibilisi iyareka setang, nulaappalingu-lingu injo risibatu lino, ripamballungi naung; ia ripamballungi mange ri lino, assurang-surang sikonjo malaeka'na.

PANJANJANNA YAHYA 13:8

Sikuanna tau ammari ri lino inni lanyombai ri ia, iamo intu sikuanna tau numinang rikaramulana ripaa'jari lino gelei ta'ukiri arenna lalang ri kitta' katallasang battu ri Ana' Jimbala, tumaeng risumbele injo.

PANJANJANNA YAHYA 20:3

na lapabuangi naung ri balo kamateang injo, ampai latongko' balo kamateang injo na lasegelei ribahonna, solanna ia andai appalingu pole lohe bangsa, rigelenapa la'busu hattu sisa'bu taung injo. Rimaennapa injo ampai rilappasang sinampe'.

PANJANJANNA YAHYA 20:8

na ia laa'lampai appakalingu risikonjo bangsa ri lino ri appa'iya sulapa'na, iamo intu Gog surang Magog. Na sibatu lino lapasse'rei ngase'i laa'bundu' na jumallana assimpolei bone ri biring tamparang lohena.