KOLOSE 2:3 - Kitta' Passitallikang Bau KAREBA BAJI'

³ saba' lalang ri Iamo tassa'bu sikonjo kasara'dekang surang pangisse'.

KOLOSE 2:3 Iomraidhean Croise

MATIUS 10:26

Jari, akolalo malla' mange ri iyai, saba' gele rie' manna se're nutattongko' lagele ribungkara, na gele rie' manna se're nutassa'bu lagele ripappiissekang.

LUKAS 11:49

Injomo saba'na, pangisse' ri Allataala appau: Nakke lassuro mange ri iyai sikonjo nabbi surang sikonjo suro-suro, na sibageang battu ri nabbi-nabbi surang ri suro-suro injo lalasissai ampai lahunoi,

ROMA 11:33

O, sanna' lohena kakalumannyangang, pangisse' na kasara'dekanna Allataala! Toje'i gele akkulle risalidiki sikonjo katappukanNa na toje'i gele akkulle riamu-amu sikonjo pa'lalanganNa!

1 KORINTUS 1:24

mingka mange ri iyai turikeo' injo, baji' injo tau Yahudi, iyareka tau gele injo Yahudi, Almase iamo kagassingang ri Allataala surang pangisse' ri Allataala.

1 KORINTUS 1:30

Mingka rikanara Ia kau rie' lalang ri Isa Almase, nubattu ri Allataala maeng a'jari kasara'dekangi mae ri ditte. Ia appa'nabai na appakatangkasai surang allappasi ri ditte.

EFESUS 1:8

nulapassareang injo Allataala mae ri ditte lalang risikonjo kasara'dekang na pangisse'.

KOLOSE 1:19

Saba' sikonjo nurie' ri Allataala ammarii lalang ri Ia,

KOLOSE 1:28

Injomo tapala'bang ampa rie' tau tapiu'rangi surang ampa rie' tau taajara lalang risikonjo pangisse', langurang sikuanna tau solanna laa'jari toa pangisse'na lalang ri Almase.

KOLOSE 1:9

Injomo saba'na, sungka'i talangngere, ripassala'mui gelekang ammari-mari tapangera dowaangiko. Taerai, solanna kau nguppa riiangase'na kasara'dekang surang pappahang langisse' ria'-ra'na Karaeng.

KOLOSE 3:16

Parallui pau-pauna Almase ammari surangang kala'bi-la'biang ritangnga-tangngamu, sa'genna kau lalang risikuanna kasara'dekang akkulle ngajara surang appiu'rangi tau maraeng na akkelong-kelong masmuru surang kelong-kelong pappakala'biri na kelong pallengung-lengung, kau appanai' sukkuru mange ri Allataala lalang ri atimu.

KOLOSE 3:3

Saba' kau maemmo mate na tallasa'mu tassa'bui assurangang Almase lalang ri Allataala.

2 PETRUS 1:5

Iamo injo saba'na, paralluko lalang rikatojekang apparri-parri lanambai kabajikang mange rikatappakammu, na nambai kabajikang mange ripangisse'.

PANJANJANNA YAHYA 2:17

Inai jua attoli, sibaji'na ia appilangngeri apa nulapau injo Nyaha mange risikonjo jamaah. Inai jua ambeta mange ri ia laKusarei Manna nutassa'bu ri suruga; na Nakke laassare mange ri ia batu pute, nuribahonna rie' ta'ukiri areng bau, natide' tulaisse'i manna se're tau, rimaraenganna ri tunarima injo.”