KOLOSE 2:2 - Kitta' Passitallikang Bau KAREBA BAJI'

² solanna ta'lengung-lengung atina na iyai assamaturu' lalang ripangamaseang, sa'genna iyai nguppa iangase'na kalammorang surang kajarrekang pappahang, na laisse'i harasiana Allataala, iamo intu Almase,

KOLOSE 2:2 Iomraidhean Croise

MATIUS 11:25

Rihattu injo appaui Isa, ”Nakke sukkuru mange ri Kau, Amma, Karaeng langi' na lino, saba' iangase'na injo Kau musa'bu ri tau ngisse' na ri tau sara'de', mingka Kau mupappijanjangangi mange ri tau ki'di'.

MATIUS 11:27

Iangase'na maeng ripassareangi mae ri Nakke battu ri AmmangKu na gele rie' manna se're tau laisse'i Ana' maraenganna Amma, na gele rie' manna se're tau laisse'i Amma maraenganna Ana' na ri tau numange ri ia Ana' injo a'ra' lapappiissekang.

MATIUS 13:11

Appihali Isa, ”Mange ri kaui risare barakka' langisse' harasia Pakkaraengang Suruga, mingka gele mange ri iyai.

LUKAS 1:1

Teofilus mala'biri'ku, Lohemo tau maeng a'naha-naha nyusung se're kareba passala risikonjo kajariang numaeng a'jari ritangnga-tangngata,

YAHYA 10:30

Nakke na Amma nuse're.”

YAHYA 10:38

mingka ampa Nakke anggeokang na geleiko a'ra' tappa' mae ri Nakke, tappa'moko rijama-jamaang injo, solanna akkulle muisse' na mupahang ma'nassana Amma lalang ri Nakke na Nakke lalang ri Amma.”

YAHYA 16:15

Iangase'na nulaampunnai Amma injo anungKu; injomo saba'na Nakke appau: Ia laappa'rupai mange ri kaui apa numaeng latarima injo battu ri Nakke.”

YAHYA 17:3

Iamo inni tallasa mannannungang, iamo intu ma'nassana iyai ngisse'i ri Ditte, Allataala tide' ruana, na laisseki todo'i Isa Almase Tumaeng injo Risuro.

YAHYA 5:17

Mingka Ia appaui mange ri iyai, ”AmmangKu anjamai sa'genna allo inni, jari Nakke anjama todo'.”

YAHYA 5:23

solanna sikuanna tau ngali' ri Ana' assimpole ngali'na ri Amma. Inai jua gele ngali' ri Ana', ia gele todo'i ngali' ri Amma, Tuassuro injo ri Ia.

YAHYA 6:69

na kambe inni tappa'makang na taisse'i ma'nassana Dittemo Tutangkasa battu ri Allataala.”

PAU-PAUWANNA SIKONJO SURO-SURO 4:32

Passe're-se'reanna tau tappaki injomo a'julu ati surang assamaturu' ngase'i, na gele rie' manna se're tau appau ma'nassana ampa rie' pakkalumanyanganna injo gele anu kale-kalena to'jua, mingka sanging nulapa'jului.

ROMA 15:13

Bisannabali Allataala, poong pattajalliang injo, lapirassiiko lalang risikonjo kate'neang na dame salehangang lalang katappakammu, solanna rikagassingang Nyaha Tangkasa kala'bi-la'biangiko lalang ripattajalliang.

ROMA 16:25

Ri Ia, tukahasa injo lapakaterasako, – assituru' Injili nukupakabakka' injo na nukupala'bang injo ripassala'na Isa Almase, assituru' passa'bi harasia, nuritaro injo a'bila'-bilangang taung sallona,

ROMA 2:4

Apa murapangi gele bakka' kalammoranNa, kasabbaranNa surang kalogaang nyahaNa? Geleika muisse' ma'nassana battuang kalammorang Allataala iamo intu larurungko mange ripangu'rangi ri Allataala?

1 KORINTUS 14:31

Saba' kau ngase' akkulle assare panjanjang tasse're-se're tau, sa'genna kau ngase' akkulle appilajara surang nguppa katerasang.

1 KORINTUS 2:12

Ditte geleki narima nyaha lino inni, mingka nyaha assala'na nubattu ri Allataala, solanna ditte riisse'i, apa nulapassareang Allataala mae ri ditte.

GALATIA 3:28

Lalang ri passala inni, gelemo rie' tau Yahudi iyareka tau Yunani, gelemo rie' ata iyareka tau laloasa, gelemo rie' bura'ne iyareka bahine, saba' kau ngase' intu se're lalang ri Isa Almase.

EFESUS 1:7

Saba' lalang ri Isa ditte nguppa pallappasi rikanara raraNa, iamo intu pangampungang kadorakaang, assituru' kalammorang pangamaseanNa,

EFESUS 3:16

Nakke ngera dowaang solanna Ia, assituru' kakalumannyangang kala'biranNa, appakaterasa ri kau surangang kahasa patteteang ri NyahaNa lalang ri batemmu,

EFESUS 3:3

Iamo intu anteekamua Allataala lapappissekang harasia injo mae ri nakke patteteang lalang ripanjanjang, assimpole numaeng kuukiri bo'do' injo sumpae'.

EFESUS 6:22

Ripattujuang innimo ia kusuro mange ri kaui, iamo intu solanna muisseki kareba passala ri kambe na solanna ia assihi-sihi ri atimu.

FILIPI 2:1

Jari, kanara lalang ri Almase rie' pappakajarre', rie' panyihi-nyihi battu ripangamaseang, rie' passamaturukang battu ri Nyaha, rie' passikamaseangang na rie' pa'rikodongang,

FILIPI 3:8

La'bipa pole iangasena kuare'i karugiang, kanara tappa' ri Isa Almase, Karaengku, kaminang la'biri battu risikuanna. Saba' ri Iamo nakke maeng kupela' ngase'mu sikuanna injo na kurapangi loro, solanna kuuppai Almase,

KOLOSE 1:26

iamo intu harasia nutassa'bu injo a'bila'-bilangang taung surang battu rise're bija pamanakang mange ribija pamanakang maraeng, mingka konni-konnina ripappisa'biammu mange risikuanna tau tapppa'Na.

KOLOSE 1:27

Mange ri iyai Allataala a'ra'i lapappiissekang, anteekamua kalumannyanna surang la'biri'na harasia injo ritangnga-tangngana tau maraeng, iamo intu: Almase rie'i ri tangnga-tangngamu, Almase a'jari pattajalliang rikala'birang!

KOLOSE 1:9

Injomo saba'na, sungka'i talangngere, ripassala'mui gelekang ammari-mari tapangera dowaangiko. Taerai, solanna kau nguppa riiangase'na kasara'dekang surang pappahang langisse' ria'-ra'na Karaeng.

KOLOSE 2:19

na ia gelei a'bitantang jarre' ri Almase, battu ri antee mae batangkale inni risokong surang rika'ba' a'jari se're risikonjo ura' na pa'lesu-lesuang, a'bakka'i assituru' pa'bakkakang nubattu ri Allataala.

KOLOSE 3:14

Lalang ri iangase'na injo: Pakelaloi pangamaseang, assimpole panga'ba' nuappasse're surang nuappakasangka'.

KOLOSE 4:3

Pangera dowaang todo'kang, solanna Allataala lapambungkarangkang babaang ripappala'bangamba, jari akkullekang a'bisara ripassala harasiana Almase, nupassabakannamo injo nakke ritarungku.

KOLOSE 4:8

Ia kusuroi mange ri kaui, solanna muisse' kareba passala ri kambe na solanna ia assare pallengung-lengung mange ri atimu.

1 TESALONIKA 1:5

Saba' Injili nutapala'bang injo gelei ripabattu mange ri kaui sangga ripau jua, mingka pole surangang katerasang ri Nyaha Tangkasa na surangang se're katappakang jarre'. Toje'i muissekinna, anteekamua kambe anjama ritangnga-tangngamu rikanara kau.

1 TESALONIKA 3:2

Jari tasuroi Timotius urang siana' julu katappakanta surang urang sipanjamaang ri Allataala lalang ripappala'bangang Injili'na Almase, laappakaterasa ri nyahamu na laappakajarre' ri kau passala rikatappakammu,

1 TESALONIKA 5:14

Kambe appiu'rangi todo'kang ri kau, Urang siana', pisangkaii tugele injo baji' ta'ra tallasa'na, lengung-lengungilaloi tau la'ba injo nyahana, urangangi tau lamma injo, sabbaralaloko mange risikuanna tau.

1 TIMOTIUS 3:16

Sitoje'na sanna' bakka'na pangajarang nulapassareang injo Allataala mae riditte, ”Ia, tumaeng lapappisa'biang injo kalenNa lalang ri rupatau, ripa'nabai lalang ri Nyaha; tumaeng lapappijanjangang injo kalenNa mange risikonjo malaeka', ripala'bangi mange ri tau maraeng; turipatappa' lalang ri lino inni, riangka'i lalang rikala'birang.”

IBRANI 10:22

Injomo saba'na, maeki mange ri Allataala surangang ati lambusu na katappakang jarre', kanara atita maeng ritangkasimu battu ri ati daa injo sipa'na na batangkalenta maeng ribissaimu surangang ere si'nong.

IBRANI 6:11

Mingka nutakaa'raki, solanna mupappijanjangang toje'i a'rupana pattajallianta sa'genna ambattu mange rikala'busang.

2 PETRUS 1:10

Injomo saba'na, Urang siana' mala'biri'ku, apparri-parri toje'ko, solanna pakkeo' surang pamilena Allataala mange ri kau. Saba' ampa mugeokangi, geleko laminang tatto'ro.

2 PETRUS 1:3

Kahasa kakaraenganNa maeng lapassareammu mae ri ditte risikonjo nurie' matu-matunna laattallasa baji' passabakang pangisse'ta ri Ia tumaeng akkeo' injo ri ditte passabakang kahasaNa nula'biri surang nugele injo samara.

2 PETRUS 3:18

Mingka a'bakka'laloko lalang ribarakka' pangamaseang na pangisse' ri karaeng surang Pappasalama'ta, Isa Almase. Mange ri Iamo kala'birang, konni-konnina na sa'genna situlusu'na.

1 YAHYA 3:19

Appakonjomu ditte ri isse'i ma'nassana assala'ta nubattu rikanabaang na akkullei ripakasannang nyahata ri a'rakanna Allataala,

1 YAHYA 5:7

Saba' rie' tallu nuassare passa'bi lalang ri suruga: Amma, Pau na Nyaha; na talluiya injo nuse're.