IBRANI 8:8 - Kitta' Passitallikang Bau KAREBA BAJI'

⁸ Saba' Ia lato'roi ngase'i rihattunna Ia appau, ”Sitoje'na, larie' hattunna,” appakonjomu pauna Karaeng, ”Nakke laa'bua' passitallikang bau surangang pinangka' ri Israele na surangang pinangka' ri Yehuda,

IBRANI 8:8 Iomraidhean Croise

MATIUS 26:28

Saba' iamo inni raraKu, rara passitallikang, nuta'to'lo'kang ri tau lohe lallappasi kadorakaang.

MARKUS 14:24

Na appaui Isa mange ri iyai, ”Iamo inni raraKu, rara passitallikang, nuripaatti' mange rilohe tau.

LUKAS 17:22

Maeng injo lakuamo Isa ri ana'-ana' gurunNa, ”Larie' hattunna sallo' a'ra'i mujanjang siallo battu allonna Ana' Rupatau, mingka gelei akkulle mujanjangi.

LUKAS 22:20

Lageokang appakonjo todo'i ri galasi anggoro injo rimaenginnamo nganre; lakua Isa, ”Galasi inni iamo passitallikang bau ri raraKu, nuripato'lo' mange ri kaui.

LUKAS 5:38

Mingka anggoro bau parallui ripuna lalang ripamunaang bau todo'.

1 KORINTUS 11:25

Appakonjo todo'i Ia ngalle santeng, rimaenna nganre, ampai appau, ”Santeng inni iamo intu se're passitallikang bau nurisegele surangang raraKu; geokangi inni, ampa muinungi, injo a'jari pappiu'rangi mae ri Nakke!”

2 KORINTUS 3:6

Iamo labua' todo'kang akkulle a'jari pajampangi battu rise're passitallikang bau, nugele battu ri hukkung riukiri, mingka battu ri Nyaha Tangkasa, saba' hukkung ta'ukiri intu appakamatei, mingka Nyaha Tangkasa appakaattallasai.

IBRANI 12:24

na mange ri Isa, tua'jari injo Patteteang ripassitallikang bau, na mange ri rara pambe'bese injo, nua'bisara la'bi bakkakang battu ri rarana Habel.

IBRANI 7:22

Injomo saba'na Isa a'jarimu boro' battu rise're passitallikang nula'bi baji'.

IBRANI 8:13

Rihattunna Ia appau ri passala'na passitallikang bau injo, Ia lapappiissekangi numakase're injo assimpole passitallikang nusallomo. Na apa numaemmo a'jari toa na lambu-lambuangi, gelemu dere mange ri kapanra'kanna.

IBRANI 8:6

Mingka konni-konnina Ia nguppai jama-jamaang laanjampangi nula'bi bakkakang, kanara ia a'jari Patteteang battu ripassitallikang nula'bi la'biri, nuripatolong rate talli' nula'bi la'biri todo'.

IBRANI 9:15

Injomo saba'na, Iamo Patteteang battu rise're passitallikang bau, solanna iyai tumaeng rikeo' injo akkulle narima kaharisang tide' la'busu'na nuripassitallikang injo, saba' rie'mo tumate laallappasi sikonjo kasalaang numaeng injo rigeokang rihattunna passitallikang makase're injo.