IBRANI 8:3 - Kitta' Passitallikang Bau KAREBA BAJI'

³ Saba' sikonjo Imang Bakka' ritantuangi laappassidakka koro'bang na assare passidakka na kanara injomo Imang Bakka' injo parallui ngampunnai se're passala laripassidakkaang.

IBRANI 8:3 Iomraidhean Croise

YAHYA 6:51

Nakkemo roti katallasang numaeng injo turung battu ri Suruga. Ampa rie' se're tau lakanre roti inni, ia languppai tallasa mannannungang, na roti Kupassareang injo iamo intu assingKu, Kupassareang ritallasa'na lino inni.”

ROMA 4:25

iamo intu Isa, tumaeng injo ripassareang rikanara kasalaanta na ripakaattallasai muliang laappa'naba ri ditte.

ROMA 5:6

Saba' rihattunta juapa lamma, Almase maemmu lakamatei sikuanna tau doraka rihattu nuritantuang injo ri Allataala.

ROMA 5:8

Mingka, Allataala lapappijanjangangi mae ri ditte pangamaseanNa lalang ripassala inni: Rihattunta juapa doraka, Almase maeng lakamateiki.

GALATIA 2:20

nakke attallasa, mingka gelemo nakke jua attallasa, passangadinna Almase attallasa lalang ri nakke. Tallasa kuerang injo konni-konnina ri mata kasara iamo intu tallasa rikanara katappakang lalang ri Ana' Allataala tumaeng ngamaseang injo mae ri nakke na lapassareang kalenNa ri nakke.

EFESUS 5:2

na tallasa lalang ripangamaseang, appaanteekamua Isa Almase maeng todo'mu ngamaseang mange ri kaui na maeng lapassareammu kalenNa mae ri ditte assimpole passidakka surang koro'bang hau' ri Allataala.

TITUS 2:14

Iamo maeng lapassareang kalenNa mae ri ditte laappakalappasa ri ditte battu riiangase'na sipa' daa na lapakatangkasaki laa'jari umma'Na, nusanging anggeokang nubaji'.

IBRANI 2:17

Iamo injo saba'na, lalang risikuanna passala Ia parallui ripassimpole surangang sikonjo urang siana'Na, solanna Ia a'jari Imang Bakka' nuassare pangamaseang na mallang mange ri Allataala laappaa'dame rikadorakaanna umma'.

IBRANI 3:1

Injomo saba'na, Urang siana' julu katappakang, tunguppa injo dahuang ripakkeo'na Allataala, pariatimu Isa, Suro na Imang Bakka' nuriakui injo,

IBRANI 5:1

Saba' sikonjo imang bakka' ripilei battu ri rupatau, naritantuangi laa'jari passisambungang ri iyai surangang Allataala, solanna ia appabattu passidakka na koro'bang kanara kadorakaang.

IBRANI 7:27

Ia gelei assimpole sikonjo imang bakka' nuallo-allona parallui appassidakka koro'bang tujunna rikadorakaanna to'jua na rimaengnapa injo ampamo kadorakaanna risikonjo umma'. Saba' passala injo Ia maemmu lageokang sikali na situlusu'na, rihattunna Ia lapassidakkaang kalenNa to'jua.

IBRANI 8:4

So'di injo Ia rie'i ri lino inni, Ia attantu gelena laa'jari imang, saba' ri inni rie'mo lohe tau maeng assare passidakka assituru' hukkung Tora'.

IBRANI 9:14

La'bipa pole rara Almase, nupatteteang ri Nyaha mannannungang maeng lapassidakkaammu kalenNa mange ri Allataala assimpole passidakka nutide' sallaanna, laappakatangkasa ri ati si'nongta battu risikonjo panggeokang tide' injo matu-matunna, solanna ditte akkulleki assambajang mange ri Allataala nuattallasa injo.