IBRANI 8:10 - Kitta' Passitallikang Bau KAREBA BAJI'

¹⁰ ”Iamo inni passitallikang Kubua' injo surangang pinangka' ri Israele na rilappasana'mo hattu injo,” appakonjomu pauna Karaeng. ”LaKutaroi hukkungKu lalang ri akkala pikkirannai na lariukirii lalang ri atinai, jari Nakke laa'jari Allataala ri iyai na iyai laa'jari umma'Ku.

IBRANI 8:10 Iomraidhean Croise

MATIUS 22:32

Nakkemo Allataalana Abraham, Allataalana Ishak na Allataalana Yakub? Ia gelei Allataala ri tau mate, mingka Allataala ri tau attallasa.”

ROMA 11:27

Na iamo inni passisapattaangKu surangang iyai, ampa Kulappasi kadorakaanna.”

1 KORINTUS 6:16

Iyareka geleika muisseki ma'nassana inai jua lapassareang kalenna ri bahine balere, a'jari intu se're batangkale surangang ia? Saba', appakonjomu pauna kitta' inni: ”Ruaiya a'jari se're batangkale.”

2 KORINTUS 3:3

Saba' maeng kaissekammu ma'nassana kaumo sura' Almase, nuriukiri ripanjampangi ri kambe, riukiri gele battu ri daha', mingka surangang Nyaha battu ri Allataala attallasa injo, gele todo' ri batu, mingka ri assi, iamo intu lalang ri atina rupatau inni.

TITUS 2:14

Iamo maeng lapassareang kalenNa mae ri ditte laappakalappasa ri ditte battu riiangase'na sipa' daa na lapakatangkasaki laa'jari umma'Na, nusanging anggeokang nubaji'.

IBRANI 11:16

Mingka konni-konnina iyai sanna' pa'bojainna tampa' pammariang nubaji', iamo intu tampa' pammariang ri suruga. Injomo saba'na, Allataala gelei siri' a'jari Allataala ri iyai, saba' Ia maeng lapakasadiaammu se're kota mange ri iyai.

YAKOBUS 1:18

Rikanara a'ra' kale-kaleNa Ia maeng lapaa'jariki passabakang ri pau kanabaang solanna ditte rihattu nulatantuang injo a'jariki ana' lihua battu risikonjo nulapaa'jari Allataala.

YAKOBUS 1:21

Injomo saba'na, pela'i iangase'na nurammasa inni surang sipa' daa lohe injo na tarimai lalang rikalumuang nyaha pau nuta'lamung injo lalang ri atimu, nuakkahasa injo laappakasalama' ri batemmu.

1 PETRUS 1:23

Kanara maengimmu rilaherang muliang gele nubattu rilamungang lala'busu injo, mingka nubattu rilamungang nugele lala'busu, patteteang ri pau Allataala, nuattallasa na nutide' tappu'na.

1 PETRUS 2:9

Mingka kaumo tau maeng ripile, imang laanjampangi karaeng, tau tappa', umma' kalenna Allataala, solanna kau appala'bang sikonjo panggeokang bakka' battu ri Ia tumaeng lakeo' injoko ansulu' battu rikalammang mange risinara'Na nugele injo laambang naha-naha: