IBRANI 7:11 - Kitta' Passitallikang Bau KAREBA BAJI'

¹¹ Umma' Israele maengimu narimai Tora'. Mingka, so'di patteteang rikaimanganna injo maeng ngimbolong kasangkakang inni, ngura parallu juapai ritantuang se're tau maraeng laa'jari imang bakka' assituru' atoranna Melkisedek na ripassala'na ia gelei ripau assituru' atoranna Harun?

IBRANI 7:11 Iomraidhean Croise

GALATIA 2:21

Nakke gelea nolla' pangamaseang ri Allataala. Saba' so'di injo rie' pappa'naba patteteang ri hukkung Tora', injo tide' matu-matunna kamateanna Almase.

GALATIA 4:3

Appakonjo todo'i ditte: Ampa gelepaki taruna, injo ditte tunru' todo'ki mange risikonjo nyaha ri lino inni.

GALATIA 4:9

Mingka konni-konnina sungka'na muissekimo Allataala, iyareka nula'bi baji', sungka'na kau riisse' ri Allataala, anteekamua lamuliang pole mange ri somba-sombaang ri lino nulamma surang nukaasi-asi na a'ra'i pole mubua' ata kalemmu mange ri iyai?

IBRANI 5:10

na Iamo rikeo' a'jari Imang Bakka' ri Allataala, assituru' atoranna Melkisedek.

IBRANI 5:6

assimpole pauna Allataala lalang ripappau maraeng, ”Kaumo intu Imang situli-tulinna, assituru' atoranna Melkisedek.”

IBRANI 6:20

Isa maengmu antama' ri tampa' injo assimpole se're pauluang mae ri ditte, rihattunna Ia a'jari Imang Bakka' sa'genna situli-tulinna, assituru' atoranna Melkisedek.

IBRANI 7:10

Saba' Lewi rie' juapai lalang ri batangkalenna puwa-puwana ammanna, rihattunna Melkisedek laruppai puwa-puwana ammanna.

IBRANI 7:12

Saba', ampa appinrai kaimangang injo, appinra kale-kale todo'i hukkung Tora' intu.

IBRANI 7:13

Saba' Ia, turikuangang ri inni, antama'i ripinangka' maraeng; battu ripinangka' inni gele rie' manna se're tau maeng anjampangi ri mejang panaroang pakkoro'bangang.

IBRANI 7:15

Passala injo la'bi kaissekangi pole, ampa ritantuangi se're tau imang maraeng assimpole Melkisedek.

IBRANI 7:21

mingka tau se're inni a'jari imangi nalapinahangi sapatta, kanara Allataala maeng appau mange ri Ia, ”Karaeng maeng assapatta na Ia gele lasassali: Kaumo Imang lasituli-tulinna.”

IBRANI 8:7

Saba', so'di passitallikang makase're injo gelei panra', gelemu pole riboja tampa' rinumakarua.

IBRANI 9:6

Appakonjomu ta'ranna tampa' tangkasa injo riatoro. Jari, sikonjo imang tulusu antam'i lalang ri kema nukaminang ri a'rakang injo laanggeokang sambajannai.