IBRANI 6:2 - Kitta' Passitallikang Bau KAREBA BAJI'

² iamo intu ajarang ripassala lohe rupanna panrio, pappatompangang pala'lima, attallasa'na sikuanna tau mate na hukkungang tide' injo tappu'na.

IBRANI 6:2 Iomraidhean Croise

MATIUS 28:19

Injomo saba'na a'lampaimoko, sikuanna tau paa'jarii ana' gurungKu na rio ngase'i lalang arenNa Amma, Ana' surang Nyaha Tangkasa,

MATIUS 3:14

Mingka Yahya ngampang ri Ia, lakua: ”Nakkemo parallu ririo ri Kau, mingka Kau battu mae ri nakke?”

MARKUS 16:16

Inai tappa' na ririo languppai kasalamakang, mingka inai gele tappa' larihukkungi.

MARKUS 7:4

na ampa muliangi battu ri pasara injo iyai gele nganre ampa gelepai maeng labissai kalenna la'bi riolo. Lohe kabiasaang maraeng pole nulapinahangi, ebara'na ambissai galasi, bengki, na sikonjo pakakasa salaka surang tampa' patinroang.

MARKUS 7:8

Parentana Allataala gele mupariati na kabiasaanna rupatau inni muteteng jarre'.”

LUKAS 11:38

Lannasa ngase' tau Farisi injo lajanjanna ma'nassana Isa gele labissai limanNa rigelenapa nganre.

LUKAS 12:50

Nakke parrallu ririo lalang se're rioang, na anteemu kamua susana atiKu, rigelenapa a'rupa passala injo!

LUKAS 14:14

Lasungguko intu, saba' iyai injo gele rie' apa-apanna lalapa'balasang mange ri kau. Saba' lamuuppai sallo' pabalasa'na, ri allo ripakaattallasa'na muliang sikuanna tau naba.”

LUKAS 3:16

appihali Yahya na appaui mange ri tau lohe injo: ”Nakke ere jua kupario ri kaui, mingka Ia Tula'bi kahasaang injo battu ri nakke larie'i mae na manna pallekkesi tulu' sandalaNa gelea siratang. Ia lalarioko ri Nyaha Tangkasa surangang api.

YAHYA 1:33

Na manna nakke riolo gele todo'i kuisse', mingka Ia, tuassuro injo ri nakke lanrio tau surangang ere, maengi appau mae ri nakke: Ampa mujanjangi Nyaha Tangkasa injo naung rise're tau na ammari ri baho ulunNa, Iamo lanrio tau surangang Nyaha Tangkasa.

YAHYA 5:29

na iyai tumaeng injo anggeokang nubaji' laansulu'i na laattallasai muliang ritallasa mannannungang, mingka iyai tumaeng injo anggeokang nudaa attallasai larisare hukkungang.

PAU-PAUWANNA SIKONJO SURO-SURO 10:47

”Akkulleka tau inni ripisangkai laririo ere, na iyai inni maeng ngase'mu narima Nyaha Tangkasa assimpole ditte?”

PAU-PAUWANNA SIKONJO SURO-SURO 13:3

Jari appuasa surang ngera dowaang ngase'i na sungka'i maengimo lapatompang pala' limanna mange ri tau rua injo, lalappasangimu ruaiya a'lampa.

PAU-PAUWANNA SIKONJO SURO-SURO 16:15

Sungka'i maemmo ririo surangang sibatu assinna saponna, ia lakeo'kang, lakua, ”Ampa pa'ngare'mu ma'nassana nakke toje' tappa'ku mange ri Karaeng, maeko assekka ri sapongku.” Ia akkeo' passai jari ammiokang ripakkeo'na.

PAU-PAUWANNA SIKONJO SURO-SURO 16:33

Rihattu injo jua ponggahana pattarungkuang injo laurangi na labissai loko'-loko'na. Rihattu injomo ia surang sikonjo bija-bijanna ririo.

PAU-PAUWANNA SIKONJO SURO-SURO 17:18

Lohe pole tau sara'de' battu risossorang Epikuros na Stoa assikuta'nangi surangang ia, na rie'mo tau appau, ”Apamo a'ra' lapau tau pa'buraang inni?” Mingka rie' tumaraeng appau, ”Ia assimpole tuappala'bang ajarang somba-sombaang maraeng.” Saba' ia appala'bangi Injili passala'na Isa na paattallasa'Na muliang.

PAU-PAUWANNA SIKONJO SURO-SURO 2:38

Appihali Petrus mange ri iyai, ”Jarrako na parralluko tasse're-se're tau ririo lalang arenna Isa Almase lariampungi kadorakaammu, jari narimako pangamaseang, iamo intu Nyaha Tangkasa.

PAU-PAUWANNA SIKONJO SURO-SURO 2:41

Sikuanna tau allangngere injo pau a'ra'mu ririo na ri allo injo jumallana katambaangi barang tallungsa'bu tau lohena.

PAU-PAUWANNA SIKONJO SURO-SURO 23:6

Saba' laisse'i ma'nassana rie' sibageang ri iyai injo tau Saduki na sibageang pole tau Farisi; ia appaui lalang ri Pangadelang Agama injo lakua, ”Oe, urang siana', nakke inni tau Farisi saba' rianakanga ri tau Farisi; nakke riparapa' mange ri Pangadelang inni, saba' pattanjengku riattallasa'na muliang tau mate inni.”

PAU-PAUWANNA SIKONJO SURO-SURO 24:15

Nakke rie' panrannuangku mange ri Allataala, assimpole todo' iyai intu ma'nassana larie' katallasang muliang risikuanna tau mate, baji' injo tau naba iyareka tau gele injo naba geo'na.

PAU-PAUWANNA SIKONJO SURO-SURO 24:21

Iyareka ma'ringi kanara ripau nukupa'nga'ngarang injo, rihattu ammentengku a'bora tangnga ri iyai, iamo intu: Kanara passala attallasa'na muliang tau mate inni, nakke allo inni riparapa' mange ri kau.”

PAU-PAUWANNA SIKONJO SURO-SURO 24:25

Mingka rihattunna Paulus a'bisara passala katojekang, panahangang napasu daa na pangadelang larie' injo sallo', a'jari malla'i Feliks na lakua, ”Sa'gennamo injo riolo na konni-konnina a'lampamoko, rie'pa isse' hattu baji', nakusuro keo'ko.”

PAU-PAUWANNA SIKONJO SURO-SURO 26:8

Ngurai namurapangi nugele ma'ring ma'nassana Allataala appakaattallasa muliang tau mate?

PAU-PAUWANNA SIKONJO SURO-SURO 4:2

Iyai injo sarro kuku'na saba' Petrus surang Yahya ngajarai ri tau lohe na lapappiissekangi ma'nassana lalang ri Isa rie' katallasang battu rikamateang.

PAU-PAUWANNA SIKONJO SURO-SURO 6:6

Iyai injo ripaa'ra' mange ngase'i ri suro-suro injo, jari suro-suro injo ngera dowaangi na lapatompangi pala' limanna rateang ulunnai.

ROMA 2:16

Passala injo lakajanjangangi rihattu ampa Allataala, patteteang ri Isa Almase, langadeli sikuanna nutassa'bu lalang ri atina rupatau inni, assituru' Injili kupala'bang inni.

1 KORINTUS 10:2

Laa'jari papinahang ri Musa iyai ngase' maemmu ririo lalang ri rammang surang lalang ri tamparang.

1 KORINTUS 12:13

Saba' ditte ngase' lalangki rise're Nyaha, baji' injo tau Yahudi, iyareka tau Yunani, baji' injo ata, iyareka tau laloasa, maeng ririo ngase'mu a'jari se're tubu na ditte ngase' inni risare ere inung battu rise're Nyaha.

2 KORINTUS 5:10

Saba' kambe ngase' parallu lamange ri kadera pangadelang Almase, solanna sikuanna tau nguppai apa nusiratang latarima assituru' panggeokanna lalang rikatallasang inni, baji' iyareka daa.

FILIPI 3:21

lalapinra tubu kasara'ta inni, sa'genna assimpolei surangang tubu-Na nula'biri injo, assituru' kahasa-Na nuakkulle injo appatunru' ri iangase'na mange ri kalen-Na.

KOLOSE 2:12

passabakang ri Iamo kau rikuburu lalang ripanrioang, na lalang ri Iamo kau minahang todo' ripakaattallasa muliang patteteang rikatappakammu mange ripanggeokanna Allataala nurassi injo kahasa, numaeng appakaattallasa injo ri Ia battu ri tau mate.

2 TIMOTIUS 2:18

tumaeng a'lili injomo battu riajarang naba injo rihattu lapangajarannai ma'nassana pattallasangta muliang injo kajanjangammu na ri appakonjona manrakii katappakang risibageang tau.

IBRANI 11:35

Kanara katappakang, bahi'-bahine injo larumpa' ngase'i muliang sikuanna tau maeng matena, passabakang ripakaattallasa'na muliang. Tau maraeng injo lapassareangi kalenna risissa na gele a'ra' narima pallappasi, solanna iyai injo nguppai tallasa muliang nula'bi bajikang.

IBRANI 9:10

saba' atorang injo sangga mange jua ripassala kanre-kanreang, inu'-inungang na lohe rupanna ere panangkasi, iamo intu atorang-atorang ritallasa'na rupatau inni nusangga akkulle jua ripake sa'genna larapi' hattu appakabau.

2 PETRUS 3:7

Mingka rikanara pau Allataala injo todo' langi' na lino konni-konnina takkatuho battu ri api na ritaroi tujunna allo pangadelang surang rihattu kamateanna sikuanna tau gele tappa' ri Allataala.