IBRANI 6:1 - Kitta' Passitallikang Bau KAREBA BAJI'

¹ Injomo saba'na, maemaki ribokoi sikonjo pappoonganna riajarang passala Almase, mingka nuparallu ripipahangi sa'genna rikasangkakanna. Baji'i ampa ditte appariati gele sangga ripassala pappoongang pajarraang battu risikonjo panggeokang tide' matu-matunna, na poong katappakang mange ri Allataala,

IBRANI 6:1 Iomraidhean Croise

IBRANI 9:14

La'bipa pole rara Almase, nupatteteang ri Nyaha mannannungang maeng lapassidakkaammu kalenNa mange ri Allataala assimpole passidakka nutide' sallaanna, laappakatangkasa ri ati si'nongta battu risikonjo panggeokang tide' injo matu-matunna, solanna ditte akkulleki assambajang mange ri Allataala nuattallasa injo.

2 KORINTUS 7:1

Urang siana' mala'biri'ku, saba' ditte konni-konnina riampunnai sapatta injo, mae ngase'ki ritangkasi kalenta battu risikuanna nuapparammasa batangkale surang bateng, na ri appakonjona ripakasangka'i katangkasanta lalang tunru' ri Allataala.

PAU-PAUWANNA SIKONJO SURO-SURO 26:20

Mingka pakaramulana kupau-paui mange risikuanna tau ri Damsyik, ri Yerusalem na risibatu tana Yudea, na mange pole risikuanna bangsa tau maraeng ma'nassana parallu ngase'i jarra na a'giling tappa' mange ri Allataala surang anggeokang sikonjo panggeokang assituru' ripajarraang injo.

IBRANI 12:13

na pakalapparangi pa'lalanganna bangkemmu, jari gelei tatturang tau kempang injo, mingka a'jari baji'i.

MATIUS 21:32

Saba' Yahya rie'i lalapappiissekangi pa'lalangang kanabaang mange ri kau, na kau gele tappa' mange ri ia. Mingka palele sima na bahine bandarang injo tappa'i mange ri ia. Manna injo muisse'i, mingka gele musassala kalemmu na gele todo'ko tappa' mange ri ia.”

IBRANI 7:11

Umma' Israele maengimu narimai Tora'. Mingka, so'di patteteang rikaimanganna injo maeng ngimbolong kasangkakang inni, ngura parallu juapai ritantuang se're tau maraeng laa'jari imang bakka' assituru' atoranna Melkisedek na ripassala'na ia gelei ripau assituru' atoranna Harun?

EFESUS 4:12

laappakasangka' risikuanna tau tappa' mange rijamaang panjampangi, mange ri pappaentengang tubu Almase,

YAHYA 12:44

Maeng injo appau bakka'i Isa, ”Inai jua tappa' ri Nakke, injo gele Nakke lakatappaki, mingka mange ri Ia, ri Tusasuro injo ri Nakke;

YAHYA 5:24

Sitoje'na Nakke appau mange ri kaui: Inai jua lapilangngeri pauKu na tappa'i mange ri Ia Tuassuro injo ri Nakke, ia languppai tallasa mannannungang na gele languppa hukkungang, saba' ia a'lette'mu battu rikamateang antama' rikatallasang.

MATIUS 3:2

”Jarrako, saba' Pakkaraengang Suruga gelemu dere!”

1 TIMOTIUS 3:16

Sitoje'na sanna' bakka'na pangajarang nulapassareang injo Allataala mae riditte, ”Ia, tumaeng lapappisa'biang injo kalenNa lalang ri rupatau, ripa'nabai lalang ri Nyaha; tumaeng lapappijanjangang injo kalenNa mange risikonjo malaeka', ripala'bangi mange ri tau maraeng; turipatappa' lalang ri lino inni, riangka'i lalang rikala'birang.”

2 KORINTUS 7:10

Saba' kapa'risang assituru' a'ra' Allataala appabattui kajarraang nungerang kasalamakang na gele risesse'lalangi, mingka kapa'risang nubattu ri lino inni appabattui kamateang.

2 TIMOTIUS 2:19

Mingka poong nulataro injo Allataala sa'ga'i na segele'na iamo intu: ”Karaeng laisse'i inai anunNa” na ”Sikuanna tau lapau injo arenna Karaeng sibaji'na a'bokoi risikonjo sipa' daa.”

PAU-PAUWANNA SIKONJO SURO-SURO 20:21

nakke sanging assa'bi mange risikuanna tau Yahudi na mange ri tau Yunani, solanna jarrai na ngu'rangi mange ri Allataala surang tappa'i ri Karaengta, Isa.

PAU-PAUWANNA SIKONJO SURO-SURO 11:18

Rihattu lalangngerinnamo passala injo, ammakkang ngase'mu, maeng injo lapakala'biri Allataala, lakua, ”Jari, mange ri tau maraeng pole Allataala assare pangamaseang lajarra nulangurang ri iyai mange rikatallasang.”

PAU-PAUWANNA SIKONJO SURO-SURO 3:19

Injomo saba'na ngu'rangiko na jarrako, solanna riampungi kadorakaammu,

YAHYA 14:1

”Andalalo balisa atimu; tappa'moko ri Allataala, tappa' todo'ko mae ri Nakke.

MARKUS 6:12

Jari a'lampaimu appala'bang ma'nassana tau inni parallui jarra rikadorakaanna,

MARKUS 1:1

Iamo inni pakaramulana Injili passala'na Isa Almase, Ana' Allataala.

MATIUS 4:17

Rihattu injo Isa pakaramulamu appala'bang, ”Jarralaloko, saba' gelemu dere Pakkaraengang Suruga!”

1 YAHYA 4:12

Tide' manna se're tau minang anjanjang Allataala. Ampa assikamaseangki, injo Allataala tulusu rie' lalang ri ditte, na pangamasaeanNa sangka'i lalang ri ditte.

1 PETRUS 1:21

Patteteang ri Iamo kau tappa' mange ri Allataala. Allataala maeng injo lapakaattallasai muliang Ia battu rikamateang na maeng appakala'biri ri Ia, sa'genna katappakammu na pattajalliammu a'ma'ra' mange ri Allataala.

YAKOBUS 1:4

Paa'jarilalo kasabbarang injo appabattu hassele nuappakasa'ga' nyaha, solanna kau a'jari sangka' na ganna' na gele rie' kakurangang manna se're.

IBRANI 11:6

Mingka ampa gele rie' katappakang gelei ma'ring tau inni ringai ri Allataala. Saba' inai a'giling mange ri Allataala, ia parallui tappa' ma'nassana rie' toje' Allataala, na ma'nassana Allataala assare passahalang mange ri tau attoje'-toje' injo a'boja ri Ia.

KOLOSE 4:12

Sallang battu ri Epafras mange ri kaui ia se'rei tau battu ri kau, ata ri Isa Almase, tusanging poso naha-nahanna ripangera dowaang tujummu, solanna kau ammenteng ka'jang, assimpole tau toa pangisse' surang rassi kajarrekang lalang risikonjo passala nulakaa'raki injo Allataala.

KOLOSE 1:28

Injomo tapala'bang ampa rie' tau tapiu'rangi surang ampa rie' tau taajara lalang risikonjo pangisse', langurang sikuanna tau solanna laa'jari toa pangisse'na lalang ri Almase.

EFESUS 2:5

maeng lapakaattallasaki assurangang Almase, manna injo ditte maeng matemuki rilohena kasalaanta – ri pangamaseang kau ripakasalama' –

1 PETRUS 5:10

Na Allataala, poong riiangase'na barakka' pangamaseang, tumaeng akkeo' injo ri kau lalang ri Almase mange rikala'biranNa nutide' injo la'busu'na, laappakasangka', laappakajarre', laappakagassing surang laappakasa'ga' ri kau, rimaemmumo sissa sinampe'.

EFESUS 2:1

Riolo maeng matemoko kanara panggeokang sala surang kadorakaang.

1 KORINTUS 13:10

Mingka ampa nusangka' injomo ambattu, lannya'mu nugele injo sangka'.

PAU-PAUWANNA SIKONJO SURO-SURO 17:30

Manna gelemu lajampangi hattu kaba'gaang, konni-konnina Allataala laparentai sikuanna tau ri antee-tee juai mae lajarra.

PAU-PAUWANNA SIKONJO SURO-SURO 2:38

Appihali Petrus mange ri iyai, ”Jarrako na parralluko tasse're-se're tau ririo lalang arenna Isa Almase lariampungi kadorakaammu, jari narimako pangamaseang, iamo intu Nyaha Tangkasa.

MATIUS 7:25

Maeng injo turummu bosi na rie'mo a'ba bakka', jari ngiri'mu anging ka'bu lataba sapo injo, mingka sapo injo gele anra'ba saba' ripaentengi rate ri batu.

MATIUS 5:48

Injomo saba'na, sibaji'na kaui sangka', assimpole sangka'na Ammammu ri Suruga.”

1 TIMOTIUS 6:19

na ri appakonjona apparappungi se're pa'barang-barangang assimpole poong nubaji' mange ri kalenna rihattu larie' injo sallo' languppa tallasa toje' injo.

LUKAS 6:48

ia assimpole se're tau appaenteng sapo: Lakeke anralangi pallanggana na lataroi rate ri batu. Sungka'i battu a'ba na a'ba injo laso'lo'i sapo injo, sapo injo gele miriang, saba' jarre'i paentenna sapo injo.

MATIUS 21:29

Pappihalinna ana' injo: Nakke gelea attua. Mingka maeng injo ia lasassala kalenna na a'lampai.

1 KORINTUS 2:6

Manna mamo appakonjo kambe appala'bang kareba pangisse' mange ri iyai tubaji' injomo tappa'na, iamo intu pangisse' nugele battu ri lino inni, na nugele battu ri tukahasana lino inni, iamo intu tukahasa nularipakatide' injo.

KOLOSE 3:14

Lalang ri iangase'na injo: Pakelaloi pangamaseang, assimpole panga'ba' nuappasse're surang nuappakasangka'.