IBRANI 5:9 - Kitta' Passitallikang Bau KAREBA BAJI'

⁹ na rimaennamo Ia ripisangkaki, Ia a'jarii poong kasalamakang mannannungang mange risikuanna tau tunru' injo mange ri Ia

IBRANI 5:9 Iomraidhean Croise

MATIUS 17:5

Sikalinna rihattu appauna juapa rie'mo salihu' sinara lakalimbukii na battu lalang ri salihu' sinara injo rie' sa'ra lalangngeri, lakua, ”Innimo Ana' Kukamaseang, mange ri Ia jua Kukarannuang, Iamo pilangngeri.”

LUKAS 13:32

Lakuamo Isa mange ri iyai, ”A'lampaimoko na paui mange ri asu borong injo: Nakke ambongka setang na appakagassing tau garring, allo inni surang mintara, na ri allo makatallunapa ampaa laammono'.

YAHYA 19:30

Rimaenna lainung Isa anggoro kassi injo, Ia appaui, ”A'maemmu.” Maeng injo Ia lapadukku ulunNa na lapassareang nyahaNa.

PAU-PAUWANNA SIKONJO SURO-SURO 3:15

Kauimo maeng muhunoi pappoonganna katallasang inni, mingka Allataala lapakaattallasai muliang Isa battu risikuanna tau mate; na ripassala injo kambemo sa'bi.

PAU-PAUWANNA SIKONJO SURO-SURO 4:12

Gele rie' kasalamakang manna ri inai jua rimaraenganna lalang ri Ia, saba' rahanganna langi' inni gele rie' areng maraeng risareangi mange ri rupatau inni nurikanaranamo akkulleki salama'.”

PAU-PAUWANNA SIKONJO SURO-SURO 5:32

Kambemo inni sa'bi risesena kajariang injo, kambe na Nyaha Tangkasa, nulapassareang injo Allataala mange risikuanna tau tappa' ri Ia.”

ROMA 1:5

Patteteang ri Iamo kambe nguppa barakka' surang pangka' suro saba' arenNa langajara sikuanna tau, solanna tappaki na tunru'i.

ROMA 10:16

Mingka gele iangase'na tau maeng narima kareba baji'. Yesayamo appau, ”Karaeng, inaimo latappa' mange ripau numupabattu injo?”

ROMA 15:18

Saba' nakke gelea labarani appau manna se're passala maraeng, passangadinna passala apa numaeng lageokang injo Almase patteteang ri nakke, iamo intu langurang sikuanna tau maraeng mange rikatunrukang, lalang pappau na panggeokang,

ROMA 2:8

mingka pangukuki surang kahussangang mange ri tau a'boja injo kaparalluang kalenna to'jua, tugele intu minahang rikanabaang, passangadinna minahangi mange rigeo' sala.

ROMA 6:17

Mingka sukkurumoko mange ri Allataala! Riolo kau ata kadorakaang, mingka konni-konnina kau surangang sisukku'na atimu maeng muturuki pangajara numaeng ripabattu injo mange ri kau.

2 KORINTUS 10:5

Kambe tapela'i sikonjo naha-naha daana tau inni na tapakalammai sikonjo pa'lengukang nuripaenteng injo rikatampoanna rupatau laa'bali pangisse' ri Allataala. Kambe a'bali sikonjo pikkirang na lataerangi mange ri Almase,

FILIPI 2:12

Urang siana' mala'biri'ku ngase', tulusu tunrukiko; injomo saba'na tulusu geokangi a'ra'na Allataala surangang malla' na bentere, gele sangga ririe'ku jua, mingka la'bipa pole rihattu tide'ku,

2 TESALONIKA 1:8

Ia laa'bua'i pa'balasang mange ri iyai tugele injo a'ra' tappa' ri Allataala na gelei a'ra' tunru' ri Injili'na Isa, Karaengta.

2 TESALONIKA 2:16

Na Ia, Karaengta Isa Almase, surang Allataala, Ammanta, nulalang ribarakka'Na maeng ngamaseammu ri ditte na assare pallengung-lengung tide' la'busu'na na tulusu tajalli mange ri Ia,

2 TIMOTIUS 2:10

Injomo saba'na, sabbarai kuerang iangase'na injo mange risikuanna tau pileang Allataala, solanna nguppai todo'i kasalamakang lalang ri Isa Almase lalang rikala'birang mannannungang.

IBRANI 1:14

Gelejua iyai ngase' iamo sikonjo nyaha anjampangi, nurisuro laanjampangi ri iyai tuharisi injo kasalamakang.

IBRANI 11:40

Saba' Allataala maeng appakasadiamu se're nula'bi baji' mae ri ditte; ampa gele ditte, iyai gelei akkulle ambattu mange rikasangkakang.

IBRANI 11:8

Kanara katappakang Abraham a'jarii tunru', rihattunna ia risuro laa'lampa mange ri tampa' nulalatarima injo a'jari pappusakaanna, jari ia a'lampai manna gelei laisse' nulalamangei injo.

IBRANI 12:2

Maemaki rigeokangi surangang mata ammonga mange ri Isa, tulaurang injoki lalang ri katappakang na laerang katapakanta injo mange rikasangkakang. Ia gelei lapiduli katunaang inni na sabbarai nyompo salli' passambe kate'neang nuripasadiaang injo mange ri Ia, nukonni-konina attolongi risa'ri kanang kadera pattolonganna Allataala.

IBRANI 2:10

Saba' appakonjo memang todo'i Allataala appakasangka' todo'i Tunyungke pa'lalangang lalaurang ngase'i mange rikasalamakang patteteang rikasissaang. Allataala mange ri Ia na nubattu ri Ia iangase'na ripaa'jari, iamo intu Allataala ngurang injo lohe tau mange rikala'birang.

IBRANI 2:3

Anteeki kamua lalappasa, ampa gele ripa'matu-matui kasalamakang bakka' injo, nupakaramula ripappiissekang ri Karaeng na ripattoje'i mae ri ditte ri iyai tumaeng allangngere ri Ia?

IBRANI 9:12

Ia maengmu pinsikali na lasitulusu'nai antama' lalang ri tampa' tangkasa nagele rara bembe pallaki surang rara tedong laerang, mingka nulaerang raraNa to'jua. Ri appakonjona Ia nguppamu kalappasang mannannungang.

IBRANI 9:15

Injomo saba'na, Iamo Patteteang battu rise're passitallikang bau, solanna iyai tumaeng rikeo' injo akkulle narima kaharisang tide' la'busu'na nuripassitallikang injo, saba' rie'mo tumate laallappasi sikonjo kasalaang numaeng injo rigeokang rihattunna passitallikang makase're injo.

IBRANI 9:28

appakonjo todo'i Almase pinsikali juai lapa'koro'bangang kalenNa lananggong rikadorakaanna lohe tau. Rimaengna injo Ia lalapappijanjangi pole kalenNa makapinruang, na gelemu lananggong kadorakaang, mingka laassarei kasalamakang mange ri iyai tutajalli injo ri Ia.

1 PETRUS 1:22

Kanara maennamo mutangkasi kalemmu passabakang tunru' rikanbaang, jari akkulleiko ngamaseang mange ri urang siana' julu katappakammu. Injomo saba'na parallui mupassukku' atimu laassikamaseang.

1 YAHYA 5:20

Mingka, ditte riisse'i ma'nassana Ana' Allataala maemmu rie' na assarei pangisse' mae ri ditte, solanna ditte ngisse' ri Tunaba injo; na ditte rie' lalang ri Tunaba, lalang ri Ana'Na Isa Almase. Iamo Allataala nunaba surang tallasa mannannungang.

YUDAS 1:21

Katuho appakonjoi kalemmu lalang ripangamaseang Allataala na attajang dalle' ri Karaengta, Isa Almase, tujunna tallasa mannannungang.