IBRANI 4:2 - Kitta' Passitallikang Bau KAREBA BAJI'

² Kanara mae ri ditte ripappiissekang todo'i kareba kate'neang assimpole mange ri iyai, mingka pau nurilangngere injo tide' matu-matunna mange ri iyai, saba' geleinna tappa' assimpole tau maraeng allangngere injo todo'.

IBRANI 4:2 Iomraidhean Croise

PAU-PAUWANNA SIKONJO SURO-SURO 13:46

Mingka lalang rikabaraniang Paulus surang Barnabas appau, ”Toje'i mange ri kauimo pauna Allataala parallu ripabattu la'bi riolo, mingka gele mutarimai na muare'i kalemmu gele siratang languppa tallasa mannannungang. Injomo saba'na a'gilimmakang mange ri bangsa tau maraeng.

PAU-PAUWANNA SIKONJO SURO-SURO 3:26

Ri kaumo uru-uruna Allataala appaenteng AtanNa na Ia lasuro mange ri kau, solanna Ia labarakkakiko na lapakaa'gilingko battu risikonjo sipa' daamu.”

ROMA 2:25

Sunna' intu toje'i rie' matu-matunna, ampa mupinahangi hukkung Tora'; mingka ampa gele mupinahang hukkung Tora', injo sunna'mu tide' jua matu-matunna.

ROMA 3:3

Jari anteekamua, ampa ritangnga-tangnganai rie' tau gele mallang, akkulle juaika pagelena mallang injo appakabuili kamallanganna Allataala?

1 KORINTUS 13:3

Manna injo kupaa'dahu-dahuangi sikuanna nurie' ri nakke, injo pole kupassareang batangkalengku laritunu, mingka ampa nakke gelea ngampunnai pangamaseang, manna siso'di' tide'jua matu-matunna ri nakke.

GALATIA 3:2

Sangga inni jua a'ra' kuisse' battu ri kaui: Apa maengiko nguppa Nyaha kanara anggeokammu hukkung Tora' iyareka rikanara tappa' mange ripappala'bangang Injili?

GALATIA 3:8

Na Kitta' Tangkasa, nuriolonganna laisse'i ma'nassana Allataala lapana'bai tau gele injo Yahudi assituru' katappakang, maeng la'bi riolomo appala'bang Injili mange ri Abraham: ”Patteteang rikaumo iangase'na bangsa laribarakkaki.”

GALATIA 4:13

Muissekii ma'nassana rihattu bungasa'ku appala'bang Injili mange ri kau kanara garringku.

1 TESALONIKA 1:5

Saba' Injili nutapala'bang injo gelei ripabattu mange ri kaui sangga ripau jua, mingka pole surangang katerasang ri Nyaha Tangkasa na surangang se're katappakang jarre'. Toje'i muissekinna, anteekamua kambe anjama ritangnga-tangngamu rikanara kau.

1 TESALONIKA 2:13

Injomo saba'na gele todo'kang minang ammari-mari appanai' sukkuru mange ri Allataala, saba' maeng mutarimana pauna Allataala nutapala'bang injo, gelei assimpole pau rupatau, mingka assimpolei pau Allataala, injo todo'mo anjama ri kau tutappa' intu.

1 TIMOTIUS 4:8

Pangajara ri batangkale injo rie' matu-matunna, mingka sambajang injo rie' matu-matunna lalang risikuanna passala, saba' ngimbolongi sapatta, baji' injo ritallasa konni-konnina iyareka ritallasa larie' injo sallo'.

IBRANI 11:6

Mingka ampa gele rie' katappakang gelei ma'ring tau inni ringai ri Allataala. Saba' inai a'giling mange ri Allataala, ia parallui tappa' ma'nassana rie' toje' Allataala, na ma'nassana Allataala assare passahalang mange ri tau attoje'-toje' injo a'boja ri Ia.

IBRANI 3:12

Tutuiko, Urang siana', solanna ri kau tide' kauppaang manna se're tau daa atina na gele tappa' sa'genna a'boko battu ri Allataala attallasa injo.

IBRANI 4:6

Jari, baji'mu riisse'na ma'nassana larie' tau laammari ri tana pammariang nulapakasadia injo Allataala, mingka iyai tula'bi riolo injo nguppa kareba kate'neang, gelei laantama' kanara geleinna a'ra' tunru'.

YAKOBUS 1:21

Injomo saba'na, pela'i iangase'na nurammasa inni surang sipa' daa lohe injo na tarimai lalang rikalumuang nyaha pau nuta'lamung injo lalang ri atimu, nuakkahasa injo laappakasalama' ri batemmu.

1 PETRUS 1:12

Mange risikonjo nabbi maeng ripappiissekangi ma'nassana iyai injo gele sangga kalenna jua lalajampangi. Mingka iyai laanjampangi ri kau lalang ri iangase'na numaeng ripala'bang injomo konni-konnina mange ri kaui patteteang battu ri tau ngerang injo kareba Injili. Iyai injo lapala'bangi kareba injo mange ri kaui patteteang rikahasa Nyaha Tangkasa nurisuro injo battu ri suruga. Na malaeka' injo pole a'ra'i lapiisseki kareba nulapala'bangi injo.