IBRANI 4:16 - Kitta' Passitallikang Bau KAREBA BAJI'

¹⁶ Injomo saba'na, maemaki lalang rikabaraniang seppa' mange ri kadera pattolonganna Allataala, solanna ditte narima dalle' na nguppa barakka' pattulungang rihattunna.

IBRANI 4:16 Iomraidhean Croise

EFESUS 2:18

saba' patteteang ri Ia ditte rua tuassibaliang lalang rise're Nyaha nguppa pa'lalangang antama' lamange ri Amma.

EFESUS 3:12

Lalang ri Ia ditte nguppa kabaraniang surang pa'lalangang lamange ri Allataala surangang rassi kajarrekang patteteang katappakanta mange ri Ia.

IBRANI 13:6

Injomo saba'na surangang kajarrekang akkulleki appau, ”Karaeng iamo intu Panulungku. Nakke gelema lamalla'. Apamo akkulle lalageokang rupatau inni mae ri nakke?”

IBRANI 3:6

Mingka Almase mallangi anjama assimpole Ana' attanggongjawa' ri saponna Allataala; na saponna Allataala iamo intu ditte, ampa a'bitantang jarre'ki rikatappakang surang ripattajalliang nuripa'bangga-banggaang sa'genna ambattu mange rikala'busang.

IBRANI 7:19

Hukkung Tora' injo gelei sikalii akkulle ngurang mange rikasangkakang. Injomo saba'na, ripappiissekangi mae riditte se're pattajalliang nula'bi bajikang, nulapakaseppa' injoki mange ri Allataala.

IBRANI 7:25

Kanara injomo, Ia akkulle todo'i appakasangka' kasalamakang risikuanna tau nupatteteang ri Ia ambattu mange ri Allataala. Saba' Ia tulusu attallasai laa'jari petteteang ri iyai.

IBRANI 9:5

Na rateanna rie' rua malaeka' kala'birang larangka'i panongko' passidameang injo. Mingka passala inni gelepai akkulle ribisara surang risesei baji' rikonni-konnina.

1 PETRUS 2:10

Kau, turiolo gele umma' Allataala, mingka konni-konnina maeng a'jarimo umma'Na, nuriolo gele rikamaseang mingka konni-konnina maeng nguppamo pangamaseang.