IBRANI 3:7 - Kitta' Passitallikang Bau KAREBA BAJI'

⁷ Injomo saba'na, assimpole nulapau injo Nyaha Tangkasa, ”Allo inni, ampa mulangngere sa'ranNa,

IBRANI 3:7 Iomraidhean Croise

MATIUS 17:5

Sikalinna rihattu appauna juapa rie'mo salihu' sinara lakalimbukii na battu lalang ri salihu' sinara injo rie' sa'ra lalangngeri, lakua, ”Innimo Ana' Kukamaseang, mange ri Ia jua Kukarannuang, Iamo pilangngeri.”

MATIUS 22:43

PauNa mange ri iyai, ”Ampa appakonjo, anteekamua Daud ripangajara'na Nyaha Tangkasa akkulle laare' Ia injo Karaenna, rihattunna ia appau:

MARKUS 12:36

Daud to'juamo turirurung injo ri Nyaha Tangkasa appau: Karaeng Allataala maeng appau mange ri Karaengku; Attolommoko risa'ri kanangKu, sa'genna sikonjo balimMu Kutaro rahangang pala' bangkemMu.

YAHYA 10:16

Mingka rie' todo' jimbala maraeng nugele battu ri bara inni; jimbala injo parallu todo'i Kuerang na iyai lapilangngeri todo'i sa'rangKu na iyai injo laa'jari se're bakkalang bakka' na se'rejua pakalahakinna.

YAHYA 10:27

Sikuanna jimbala'Ku lapilangngeri sa'rangKu na Kuisse' ngase'i na minahang ngase'i ri Nakke,

YAHYA 10:3

Pajaga injo lapambungkarangi babaang na sikonjo jimbala laisse'i sa'ranna na ia lakeo' tasse're-se'rei jimbala'na assituru' arenna na laerangi ansulukang.

YAHYA 5:25

Sitoje'na Nakke appau mange ri kaui: Larie' hattunna narie'mu ma'nassana sikuanna tau mate laallangngere pau Ana' Allataala, na iyai tuappilangngeri injo ri Ia, laattallasai.

PAU-PAUWANNA SIKONJO SURO-SURO 1:16

”Oe urang siana', pauna Kitta' Tangkasa inni parallui ripa'rupa nulapabattu la'bi riolo injo Nyaha Tangkasa lapattetei babana Daud risesena Yudas, ponggahana risikuanna tau lajakkali injo Isa.

PAU-PAUWANNA SIKONJO SURO-SURO 28:25

Maeng injo assiboko-bokoimu tau a'rappung injo na tide' passamaturukang ri iyai. Mingka lapau juapai Paulus passala se're inni, ”A'rupamu pau nulappabattu injo Nyaha Tangkasa mange ri puwa-puwata patteteang ri Nabbi Yesaya:

PAU-PAUWANNA SIKONJO SURO-SURO 8:29

Jari lakuamo Nyaha Allataala mange ri Filipus, ”A'lampamoko mange konjo na muampiki bendi injo!”

IBRANI 10:15

Na Nyaha Tangkasa assare todo'i passa'bi mae ri ditte,

IBRANI 3:13

Mingka allo-alloko assipiu'rangi, ampa rie' juapa hattummu allo inni laappau, solanna gele rie' ri kau a'jari terasa atina kanara pambanja'-banja'na kadorakaang.

IBRANI 3:15

Rihattunna ripau, ”Allo inni, ampa mulangngere sa'ranNa, akolalo pakaterasa atimu assimpole rihattummu maronta'”,

IBRANI 4:7

Kanara injomo, Ia appattantu pole se're allo, nurisa'bu' injo allo inni. Passala rihattu injo Ia lapaui patteteang ri Daud sallo ribokoanganna mae, assimpole nuripau injo sumpae', ”Allo inni, ampa mulangngere sa'ranNa, andalaloi pakaterasa atimu!”

IBRANI 9:8

Ri atorang innimo Nyaha Tangkasa lapappiissekangi ma'nassana pa'lalangang mange ri tampa' tangkasa injo gelepai ta'bungkara, ampa rie' juapai kema makase're injo.

2 PETRUS 1:21

saba' gelei minang panjanjang ripassala ri allo riboko ambattu ria'ra'na rupatau inni, mingka Nyaha Tangkasa lakahasai sikuanna tau a'bisara laappabattu pauna Allataala.

PANJANJANNA YAHYA 3:20

Janjangi, Nakke ammenteng ri a'rakang babaang na akkatto'-katto'; ampa rie' tau lalangngerei sa'rangKu na ambungkarai babaang, Nakke laantama' Kupiuppaii na nganrea surangang ia, na ia assurang Nakke.