IBRANI 2:9 - Kitta' Passitallikang Bau KAREBA BAJI'

⁹ Mingka nurijanjang iamo intu ma'nassana Isa lalang rihattu siso'di' ripaa'jari la'bi rahangang battu risikonjo malaeka', na kanara kasissaang kamateang, risarei songko' kakaraengang surangang kala'birang na kangalikang, patteteang ribarakka'na Allataala, Isa anrumpa'i kamateang ritujunna sikonjo rupatau.

IBRANI 2:9 Iomraidhean Croise

MATIUS 16:28

Sitoje'na Nakke appau mange ri kaui: Risikuanna tau ri inni rie' tugele lamate rigelenapa maeng anjanjang Ana' Rupatau battu a'jari Karaeng lalang ri PakkaraenganNa.”

MATIUS 6:28

Ngura kaui bata-bata ripassala pakeang? Pariatisai taju'-taju' intu ri parang, nuattimbo na gele anjama surang gele attannung,

MARKUS 9:1

Lakua pole pauNa mange ri iyai, ”Sitoje'na Nakke appau mange ri kaui, turie' injo ri inni rie' tulagele mate ampa gelepai maeng lajanjang ma'nassana rie'mu Pakkaraengang Allataala surangang kahasa.”

LUKAS 9:27

Sitoje'na Nakke appau mange ri kaui: Risikuanna tau rie' injo ri inni rie' tugele lamate ampa gelepai lajanjang Pakkaraengang Allataala.”

YAHYA 1:29

Rimintara'namo mae Yahya lajanjangi Isa ambattu mange ri ia na lakuamo, ”Janjangimu Ana' jimbala'na Allataala, nulaappakalappasa injo kadorakaang ri lino inni.

YAHYA 10:17

Amma ngamaseang ri Nakke, rikanara Nakke a'ra'i Kupa'bisonaang nyahaKu solanna Kutarimai muliang.

YAHYA 12:32

na Nakke, ampa Nakkemo ripakala'biri ri lino, laKubeso' ngase'i sikuanna tau battu injo mae ri Nakke.”

YAHYA 3:16

Saba' pammate lakamaseanNa Allataala assinna lino inni, sa'genna Ia lapassareammu Ana' sitau-tauNa, solanna sikuanna tau tappa' mange ri Ia gele lamate tulusu, mingka nguppai tallasa mannannungang.

YAHYA 8:51

Nakke appau mange ri kaui: Inai jua laturuki pauKu, ia gele languppa kamateang situlusu'na.”

YAHYA 8:52

Lakuaimo ponggaha Yahudi injo mange ri Ia, ”Konni-konnina taisse'mu ma'nassana ladongkoki toje'Ko setang. Saba' Abraham sallomu maeng matena na appakonjo todo'i sikonjo nabbi, mingka Kau appau: Inai jua laturuki pauKu, ia gele languppa kamateang situlusu'na.

PAU-PAUWANNA SIKONJO SURO-SURO 2:33

Sungka'i maemmo ripakala'biri risa'ri kananNa Allataala na narimai battu ri Amma, Nyaha Tangkasa nulatallikang injo, jari lapaturumMu Nyaha injo assimpole numujanjang na numulangngere ri inni.

PAU-PAUWANNA SIKONJO SURO-SURO 3:13

Allataala ri Abraham, ri Ishak surang ri Yakub, Allataalana puwa-puwata maeng lapakala'biri suroNa, iamo intu Isa tumaeng mupassareang injo na musangkali ri a'rakanna Pilatus, manna injo Pilatus latappuki lalapakalappasa Isa.

ROMA 5:18

Jari, assimpole patteteang rise're kasalaang lohe tau nguppa hukkungang, appakonjo todo'i patteteang rise're panggeokang kanabaang lohe tau nguppa kanabaang laattallasa.

ROMA 5:8

Mingka, Allataala lapappijanjangangi mae ri ditte pangamaseanNa lalang ripassala inni: Rihattunta juapa doraka, Almase maeng lakamateiki.

ROMA 8:3

Saba' apa nugele ma'ring lageokang hukkung Tora' kanara tide' pakkullena ria'ra' rupatau, maeng lageokammu Allataala. Rilasurona Ana'Na a'jari assimpole rupatau doraka, na lallappasi kadorakaang, Ia maeng assaremu hukkungang mange rikadorakaang rie' injo lalang ri rupatau inni,

ROMA 8:32

Ia, tugele injo lapassayang Ana' kalenNa, mingka Ia lapassareangi mae ri ditte ngase', anteekamua lama'ring Ia gele lapasareang ngase' pangamaseanna mae ri ditte assurang ri Ia?

2 KORINTUS 5:15

Almase maemmu mate risikuanna tau, solanna tuattallasi injo, gelemu attallasa rituju kalenna to'jua, mingka tujunna ri Ia tumaeng mate injo na maeng attallasai muliang tujunnai.

2 KORINTUS 5:21

Ia tugele injo ngisse' doraka Ia maeng ribua'mu a'jari doraka rikanarata, solanna lalang ri Ia ditte ripa'naba ri Allataala.

GALATIA 4:4

Mingka sungka'i ganna'mu hattunna, injo Allataala lasuro Ana'Na turianakang injo battu rise're bahine na tunru'i mange ri hukkung Tora'.

1 TIMOTIUS 2:6

numaeng lapassareang injo kalenNa a'jari pallappasi mange risikuanna rupatau: Inni passa'bi rihattu ritantuang injo.

IBRANI 1:9

Kau angngai kaadelang na liking rikadorakaang; injomo saba'na Allataala, AllataalaMu maeng anrio songkabala ri Kau surangang minnya' assimpole tanra karannuang, nula'bi baji' battu risikonjo urang bahaamMu.”

IBRANI 10:5

Injomo saba'na, rihattunna Ia antama' mae ri lino, Ia lapaui, ”Koro'bang na passidakka Kau gelei mukaa'raki – mingka Kau appakasadia batangkale mae ri nakke.

IBRANI 11:5

Kanara katappakang Henokh riangka'i, solanna ia gele anrumpa' kamateang, na ia gelei rirumpa', kanara maengmu laangka' Allataala. Saba' rigelenapa riangka', ia nguppai passa'bi ma'nassana Allataala angngai mange ri ia.

IBRANI 12:2

Maemaki rigeokangi surangang mata ammonga mange ri Isa, tulaurang injoki lalang ri katappakang na laerang katapakanta injo mange rikasangkakang. Ia gelei lapiduli katunaang inni na sabbarai nyompo salli' passambe kate'neang nuripasadiaang injo mange ri Ia, nukonni-konina attolongi risa'ri kanang kadera pattolonganna Allataala.

IBRANI 2:7

Mingka Kau maengi mupaa'jari lalang rihattu siso'di' la'bi rahangang battu risikonjo malaeka', na maeng musarei songko' kakaraengang lalang rikala'birang na kangalikang,

IBRANI 7:25

Kanara injomo, Ia akkulle todo'i appakasangka' kasalamakang risikuanna tau nupatteteang ri Ia ambattu mange ri Allataala. Saba' Ia tulusu attallasai laa'jari petteteang ri iyai.

IBRANI 8:3

Saba' sikonjo Imang Bakka' ritantuangi laappassidakka koro'bang na assare passidakka na kanara injomo Imang Bakka' injo parallui ngampunnai se're passala laripassidakkaang.

1 PETRUS 1:21

Patteteang ri Iamo kau tappa' mange ri Allataala. Allataala maeng injo lapakaattallasai muliang Ia battu rikamateang na maeng appakala'biri ri Ia, sa'genna katappakammu na pattajalliammu a'ma'ra' mange ri Allataala.

1 YAHYA 2:2

Iamo appaa'dame mae risikonjo kadorakaanta na gele sangga kadorakaanta jua, mingka kadorakaanna todo' sibatu lino.

PANJANJANNA YAHYA 19:12

MatanNa assimpolei bola' api na rate ribaho ulunNa rie' lohe songko' kakaraengang. Ri Ia rie' ta'ukiri se're areng na tide' laisse'i manna se're tau, rimaraenganna Ia to'jua.

PANJANJANNA YAHYA 5:9

Iyai injo akkelongi se're kelong-kelong bau lakua, ”Kau siratang narima kitta' ta'balu' injo surang laallekkesi risikonjo segele'na; saba' Kau maeng risumbele na passabakang ri raraMu Kau maeng muhallimu iyai tujunna Allataala battu risikonjo sossorang surang bisara na umma' surang bangsa.