IBRANI 2:3 - Kitta' Passitallikang Bau KAREBA BAJI'

³ Anteeki kamua lalappasa, ampa gele ripa'matu-matui kasalamakang bakka' injo, nupakaramula ripappiissekang ri Karaeng na ripattoje'i mae ri ditte ri iyai tumaeng allangngere ri Ia?

IBRANI 2:3 Iomraidhean Croise

MATIUS 23:33

Oe kau daa intu sipa'na, oe kau sossorang daa intu! Anteeko kamua lama'ring lappasa battu rihukkunganna naraka?

MATIUS 4:17

Rihattu injo Isa pakaramulamu appala'bang, ”Jarralaloko, saba' gelemu dere Pakkaraengang Suruga!”

MARKUS 1:14

Sungka'i rijakkala Yahya rie'mu Isa mange ri Galilea laappala'bang Injili Allataala,

LUKAS 1:2

assimpole numaeng injo lapabattui mae ri ditte, numinang ripakaramulana iyaimo sa'bi na pajampangi ri Pau Allataala.

LUKAS 1:69

Ia appatimbo se're tanru' kasalamakang mae ri ditte lalang ri ampu piu'-piu'na Daud, atanNa,

LUKAS 24:19

Lakuamo Isa mange ri iyai, ”Apa injo barang?” Lakuaimo, ”Apa kajariang ri Isa tau Nazaret injo. Ia se'rei nabbi, tau akkahasa lalang ri jama-jamaang na pappau ri a'rakang Allataala na risikuanna tau bangsaba.

YAHYA 15:27

Mingka kaui lassa'bi todo'ko, saba' kaui minang ripakaramulana assurang-surangki.”

PAU-PAUWANNA SIKONJO SURO-SURO 1:22

iamo intu pakaramula rihattu anriona Yahya sa'genna allo ritarangka'na Isa mange ri suruga labokoi ngase'kang, laassurangkang aj'ari sa'bi risesena pattallasa'Na muliang.”

PAU-PAUWANNA SIKONJO SURO-SURO 2:22

Oe kau tau Israele, pilangngeri pau inni: Isa tau battu injo ri Nazaret iamo tau maeng ritantuang ri Allataala na ripappisa'biangi mange ri kau lalang risikonjo kagassingang na kajariang numasagala surang tanra numara'-maraeng nulageokang Allataala patteteang lalang ri Ia ritangnga-tangngamui, assimpole numuisseki injo.

PAU-PAUWANNA SIKONJO SURO-SURO 4:12

Gele rie' kasalamakang manna ri inai jua rimaraenganna lalang ri Ia, saba' rahanganna langi' inni gele rie' areng maraeng risareangi mange ri rupatau inni nurikanaranamo akkulleki salama'.”

ROMA 11:14

iamo intu so'di injo nakke akkulle kupa'rie' panyannung lalang ri atina julu kampongku na nakke akkulle appakasalama' lohe tau battu ri iyai.

ROMA 2:3

Na kaui intu, kau tuassare intu hukkungang mange ri tau a'geo' appakonjo injo, manna mugeokang todo'i, apa pangisse'mu ma'nassana lalappasiko battu rihukkungang Allataala?

1 KORINTUS 1:21

Saba' gelena laisse' Allataala, lino inni ripassabakang kasara'dekanna to'jua, jari Allataala assituru' pangisse'Na a'ra'i lapakasalama' iyai tutappa' injo ri kareba Injili, nularapang injo kaba'gaang ri lino inni.

1 TESALONIKA 5:3

Ampa rie' lapaui: Dame surang amangi sikuanna – injo iyai gelei lasanna-sanna latabai kapanrakang, assimpole se're bahine tianang lataba pa'risi pamana' – iyai tantu gelena akkulle lappasa.

1 TIMOTIUS 1:15

Pau inni nabai na pato'i ritarima ngase' Isa Almase rie'i antama' mae ri lino inni laappakasalama' tau doraka, ri iangase'na injo nakkemo kaminang doraka.

TITUS 2:11

Saba' barakka' pangamaseang Allataala nuappakasalama' injo risikuanna rupatau kajanjangammu.

IBRANI 1:1

Ri jammang riolomo Allataala akkuling-kulingi na lalang rilohe rupanna bisara mange ri puwa-puwata patteteang risikonjo nabbi.

IBRANI 1:14

Gelejua iyai ngase' iamo sikonjo nyaha anjampangi, nurisuro laanjampangi ri iyai tuharisi injo kasalamakang.

IBRANI 1:2

Mingka rijammang kala'busang inni Ia a'bisarai mae ri ditte patteteang ri Ana'Na numaeng injo Ia latantuang laharisi risikuanna. Patteteang ri Isa Almase maeng appaa'jari risikuanna.

IBRANI 12:25

Katutuilalo solanna kau anda nolla' ri Ia tuappau injo. Saba' ampa iyai, tunolla' injo ri Ia tuappiu'rangi injo ri iyai ri lino inni gele lappasa, apa pole ditte, ampa a'bokoki battu ri Ia tua'bisara injo battu ri suruga?

IBRANI 4:1

Injomo saba'na, baji'muki tutu, solanna anda rie' manna se're tau ri kau rirapang ribokoi, manna injo rie' juapa sapatta laammari ri tampa' ripammariang nulapakasadia injo Allataala.

IBRANI 4:11

Kanara injomo, baji'mu ditte apparri-parri laantama' ri tampa' nulapakasadia injo Allataala, solanna anda rie' manna sitau a'dappe' kanara minahanna rikageleang tunru' assimpole injo.

IBRANI 5:9

na rimaennamo Ia ripisangkaki, Ia a'jarii poong kasalamakang mannannungang mange risikuanna tau tunru' injo mange ri Ia

IBRANI 9:28

appakonjo todo'i Almase pinsikali juai lapa'koro'bangang kalenNa lananggong rikadorakaanna lohe tau. Rimaengna injo Ia lalapappijanjangi pole kalenNa makapinruang, na gelemu lananggong kadorakaang, mingka laassarei kasalamakang mange ri iyai tutajalli injo ri Ia.

1 YAHYA 1:1

Apa numaeng rie' ripakaramulana, numaeng talangngere, numaeng tajanjang mata, numaeng tasa'bikang surang numaeng takaraha ri limamba passala Pau katallasang, injomo taukiri mange ri kau.

YUDAS 1:17

Mingka kau, urang siana' mala'biri'ku, u'rangilalo apa nuriolo maeng ripau mange ri kau battu risikonjo suro-surona Karaengta, Isa Almase.

PANJANJANNA YAHYA 7:10

Lalang risa'ra' iyai a'nga'ngara, ”Kasalamakang battu ri Allataalaba Tuattolong injo rate ri kadera na battu ri Ana' Jimbala!”