IBRANI 2:2 - Kitta' Passitallikang Bau KAREBA BAJI'

² Saba' pau nuripabattu injo patteteang risikonjo malaeka' tulusu laa'rupai, na sikonjo kasalaang surang kageleang tunru' languppai pa'balasa nusiratang.

IBRANI 2:2 Iomraidhean Croise

PAU-PAUWANNA SIKONJO SURO-SURO 7:53

Kaui maeng mutarimai hukkung Tora' nulapabattu injo malaeka' Allataala, mingka gelei muturuki.”

GALATIA 3:19

Ampa appakonjoi, apamo battuanna hukkung Tora' injo? Hukkung injo ritambai kanara sikonjo kasalaang – sa'genna ambattu tuina nurikuangang lalang ri sapatta injo – na ripala'bangi patteteang risikonjo malaeka' antama' ri limanna se're tau laa'jari passisambungang.

IBRANI 1:1

Ri jammang riolomo Allataala akkuling-kulingi na lalang rilohe rupanna bisara mange ri puwa-puwata patteteang risikonjo nabbi.

IBRANI 10:28

Ampa rie' tau gele minahang ri hukkung Musa, ia rihukkung matei tide' pa'rikodongang assituru' ripassa'bina rua iyareka tallu tau sa'bi.

IBRANI 10:35

Injomo saba'na, akolalo lappasangi katappakammu, saba' bakka'i passahalang attajang injo.

IBRANI 11:26

Ia larapangi pattua-tuai kanara Almase assimpole kakalumannyangang nula'bi bakkakang na injo kakalumannyangang bakka' battu ri iangase'na pa'barang-baranganna tana Massere, saba' ia lapa'batu pikkiranna mange ripassahalang larie' injo sallo'.

IBRANI 11:6

Mingka ampa gele rie' katappakang gelei ma'ring tau inni ringai ri Allataala. Saba' inai a'giling mange ri Allataala, ia parallui tappa' ma'nassana rie' toje' Allataala, na ma'nassana Allataala assare passahalang mange ri tau attoje'-toje' injo a'boja ri Ia.

IBRANI 12:25

Katutuilalo solanna kau anda nolla' ri Ia tuappau injo. Saba' ampa iyai, tunolla' injo ri Ia tuappiu'rangi injo ri iyai ri lino inni gele lappasa, apa pole ditte, ampa a'bokoki battu ri Ia tua'bisara injo battu ri suruga?

2 PETRUS 1:19

Ri appakonjona, kambe pela' ripakajarre' rikanara pauna Allataala numaeng lapabattu risikonjo nabbi. Sanna'i baji'na ampa kau appariati assimpole appariati ribola' kanjoli injo ri tampa' kalammang sa'genna danniari na bintoeng bakka' ambassi' injo ri timoro sinara'na lasinari atimu.

YUDAS 1:5

Mingka, manna injo maeng muissekimu iangase'na injo na gele pole mubata-batai, nakke a'ra' appiu'rangi ri kau ma'nassana toje'i Karaeng lapakasalama'i umma'Na battu ri tana Massere, mingka maeng injo lapakamate ngase'i sikuanna tau gele injo tappa' ri Ia.