IBRANI 2:10 - Kitta' Passitallikang Bau KAREBA BAJI'

¹⁰ Saba' appakonjo memang todo'i Allataala appakasangka' todo'i Tunyungke pa'lalangang lalaurang ngase'i mange rikasalamakang patteteang rikasissaang. Allataala mange ri Ia na nubattu ri Ia iangase'na ripaa'jari, iamo intu Allataala ngurang injo lohe tau mange rikala'birang.

IBRANI 2:10 Iomraidhean Croise

LUKAS 13:32

Lakuamo Isa mange ri iyai, ”A'lampaimoko na paui mange ri asu borong injo: Nakke ambongka setang na appakagassing tau garring, allo inni surang mintara, na ri allo makatallunapa ampaa laammono'.

LUKAS 2:14

”Kala'birang ri Allataala ri tampa' nukaminang la'biri, na dame salehangang ri lino ritangngana rupatau ringai injo ri Ia.”

LUKAS 24:26

Gelejua Almase parallui la'bi riolo marasai risikuanna injo ampai antama' rikala'biranNa.”

LUKAS 24:46

PauNa mange ri iyai, ”Rie' ta'ukiri appakonni: Almase parallui sissa na attallasai muliang battu rikamateang ri allo makatalluna,

YAHYA 11:52

na gele sangga bangsa injo jua, mingka lapparappung todo'i na lalapasse'rei ana'-ana' Allataala nuta'bere-bere injo.

YAHYA 19:30

Rimaenna lainung Isa anggoro kassi injo, Ia appaui, ”A'maemmu.” Maeng injo Ia lapadukku ulunNa na lapassareang nyahaNa.

PAU-PAUWANNA SIKONJO SURO-SURO 3:15

Kauimo maeng muhunoi pappoonganna katallasang inni, mingka Allataala lapakaattallasai muliang Isa battu risikuanna tau mate; na ripassala injo kambemo sa'bi.

PAU-PAUWANNA SIKONJO SURO-SURO 5:31

Iamo ripakala'biri ri Allataala battu ri lima kananNa laa'jari Paulu surang Pappakasalama', solanna Israele akkulle jarra na narimai pangampungang doraka.

ROMA 11:36

Saba' iangase'na injo nubattu ri Ia, na nurie' ri Ia, na mange jua ri Ia: Ri Iamo kala'birang sa'genna situlusu'na! Aming.

ROMA 9:23

mingka lalapappijanjangangi kabakkakang kala'biranNa mange risikonjo panaroang pangamaseanNa numaeng lapakasadia injomo tujunna kala'birang,

1 KORINTUS 2:7

Mingka kareba nutapala'bang iamo intu pangisse' ri Allataala nuta'lengu' surang harasia, rigelenapa ripaa'jari lino inni, maeng lapakasadiamu Allataala tujunna kala'biranta.

1 KORINTUS 8:6

mingka mae ri ditte se're jua Allataala, iamo intu Amma, iangase'na nubattu ri Ia na mange ri Ia tallasa'ta, na se're jua Karaeng, iamo intu Isa Almase, nupatteteang ri Ia sikuanna maeng ripaa'jari na kanara ri Ia ditte nguppa tallasa.

2 KORINTUS 3:18

Ditte ngase' inni ripappijanjangangi kala'biranna Allataala ri rupa gele ta'lampang. Saba' kala'birang injo assala'na battu ri Karaeng iamo Nyaha, jari ditte maemmuki ripinra a'jari assimpole surangang ja'banganNa, lalang kala'birang nupela' bakka' injo.

2 KORINTUS 4:17

Saba' kamarasaiang ringang rikonni-konnina, laappabattui ri kambe kala'birang tide' tappu'na nualla'bi risikuanna, sarro la'bi bakkakanna battu rikamarasaiamba.

2 KORINTUS 5:18

Iangse'na inni nubattu ri Allataala, surangang patteteang ri Almase maeng lapa'dameki surangang kalenNa na maeng lapassareangi panjampangi pa'dameang injo mae ri kambe.

2 KORINTUS 6:18

Na Nakke a'jari ammammu, na kau laa'jari ana'-ana'Ku bura'ne surang ana'-ana'Ku bahine appakonjomu pauna Karaeng Tukaminang kahasa injo.”

GALATIA 3:26

Saba' kau ngase' intu ana'-ana'na Allataala patteteang katappakang lalang ri Isa Almase.

EFESUS 2:7

solanna rihattu larie' injo sallo' Ia lapappijo'jokangi mae ri ditte kakalumannyangang pangamaseanNa nulohe injo assituru' rikabajikanNa mae ri ditte lalang ri Isa Almase.

EFESUS 3:10

solanna konni-konnina patteteang ri jamaah ripappiissekangi lohe rupanna kasara'dekang Allataala mange ri pamarenta, na tukahasa ri suruga,

KOLOSE 3:4

Ampa Almase, tua'jari injo tallasa'ta, kajanjangang sallo', injo manna kau kajanjangang surang Ia lalang rikala'birang.

2 TIMOTIUS 2:10

Injomo saba'na, sabbarai kuerang iangase'na injo mange risikuanna tau pileang Allataala, solanna nguppai todo'i kasalamakang lalang ri Isa Almase lalang rikala'birang mannannungang.

IBRANI 12:2

Maemaki rigeokangi surangang mata ammonga mange ri Isa, tulaurang injoki lalang ri katappakang na laerang katapakanta injo mange rikasangkakang. Ia gelei lapiduli katunaang inni na sabbarai nyompo salli' passambe kate'neang nuripasadiaang injo mange ri Ia, nukonni-konina attolongi risa'ri kanang kadera pattolonganna Allataala.

IBRANI 6:20

Isa maengmu antama' ri tampa' injo assimpole se're pauluang mae ri ditte, rihattunna Ia a'jari Imang Bakka' sa'genna situli-tulinna, assituru' atoranna Melkisedek.

IBRANI 7:26

Saba' Imang Bakka' appakonjomo riparalluang: iamo intu tumallang ri Allataala, tide' geo' salana, tide' daana, assisalai battu risikuanna tau doraka na la'bi langkasangi battu risikonjo alla'-alla'na suruga.

IBRANI 7:28

Saba' hukkung Tora' anjo'jo' tau rie' kalammaanna laa'jari Imang Bakka', mingka sapatta nuripau injo rilappasa'namo hukkung Tora', anjo'jo'i Ana' numaeng ripaa'jari sangka' situli-tulinna.

1 PETRUS 1:12

Mange risikonjo nabbi maeng ripappiissekangi ma'nassana iyai injo gele sangga kalenna jua lalajampangi. Mingka iyai laanjampangi ri kau lalang ri iangase'na numaeng ripala'bang injomo konni-konnina mange ri kaui patteteang battu ri tau ngerang injo kareba Injili. Iyai injo lapala'bangi kareba injo mange ri kaui patteteang rikahasa Nyaha Tangkasa nurisuro injo battu ri suruga. Na malaeka' injo pole a'ra'i lapiisseki kareba nulapala'bangi injo.

1 PETRUS 5:1

Nakke appaiu'rangi mange risikonjo tutoa-toa ri kau, nakke todo' uranna tutoa-toa injo surang sa'bi kasissaanna Almase, ri tunguppa injo todo' dahuang lalang ri kala'birang nularipappijanjangang injo sallo'.

1 PETRUS 5:10

Na Allataala, poong riiangase'na barakka' pangamaseang, tumaeng akkeo' injo ri kau lalang ri Almase mange rikala'biranNa nutide' injo la'busu'na, laappakasangka', laappakajarre', laappakagassing surang laappakasa'ga' ri kau, rimaemmumo sissa sinampe'.

PANJANJANNA YAHYA 4:11

”O Karaeng surang Allataala ri kambe, Kau siratang lanarima kelong-kelong na pappakala'biri surang kahasa; saba' Kaumo appaa'jari risikuanna; na kanara ria'ra'Mu, rie'i iangase'na injo na ripaa'jari.”

PANJANJANNA YAHYA 7:9

Maenna injo kujanjangi rie' sigo'loang bakka' tau lohe gelei akkulle rirekeng jumallana, tubattu risikuanna bangsa na sossorang surang pinangka' na bisara, ammenteng ri a'rakang kadera injo surang ri a'rakanna Ana' Jimbala, makei baju bakka' pute na netengi taha ihusu ri limanna.