IBRANI 13:9 - Kitta' Passitallikang Bau KAREBA BAJI'

⁹ Akolalo a'ra' ripakalingu rilohe rupanna ajarang nugele assituru' ajarang numaeng mutarima injo. Saba' nubaji' iamo intu atimu ripakasa'ga' surangang barakka' na gele surangang risikonjo atorang passala kanre-kanreang nugele rie' matu-matunna mange ri iyai tuminahang injo.

IBRANI 13:9 Iomraidhean Croise

MATIUS 24:24

Saba' lalohe Almase palusu surang nabbi palusu laammumba na iyai injo lappaa'jari tanra-tanra bakka' na nugele samara, sa'genna so'di injo ma'ringi, iyai injo laappakalingu todo'i tau ripile injo.

MATIUS 24:4

Pappihalinna Isa mange ri iyai, ”Tutulaloko solanna anda rie' tau appa'lingu mange ri kau!

LUKAS 5:38

Mingka anggoro bau parallui ripuna lalang ripamunaang bau todo'.

PAU-PAUWANNA SIKONJO SURO-SURO 20:30

Na ri kau intu larie' todo' ammumba lohe tau, riajarang bura lapakkulle-kulleangi langalle tau tappa' ri Isa battu ripa'lalangang naba injo solanna minahangi riajaranna.

PAU-PAUWANNA SIKONJO SURO-SURO 20:32

Konni-konnina lakupassareangiko mange ri Karaeng na mange ri pau pangamaseanNa nuakkahasa injo appakajarre' ri kaui na assare kaharisang nuritantuang injo mange risikuanna tau maeng ritangkasi ri Isa Almase.

ROMA 14:17

Saba' Pakkaraengang Allataala gele passala kanreang na inungang, mingka passala kanabaang, dame salehangang na te'ne pa'mai' lalang ri Nyaha Tangkasa.

ROMA 14:2

Rie' se're tau jarre'i ma'nassana ia akkulle nganre sikonjo rupanna kanre-kanreang, mingka tau lamma injo katappakanna sangga gangang-gangang jua lakanre.

ROMA 14:6

Inai a'bitantang rise're allo attantu, ia lageokangi injo rkanarana Karaeng. Inai nganre, ia lageokangi injo rikanarana Karaeng, saba' ia appanai' sukkuru mange ri Allataala. Na inai gele nganre, ia lageokangi injo tujunna Karaeng na ia sukkuru todo'i mange ri Allataala.

1 KORINTUS 6:13

Kanre iamo intu tujunna pompong, na pompong tujunna kanre: Mingka ruaiya ripakamate ri Allataala. Mingka batangkale gele laripake rikabalerang, passangadinna tujunna Karaeng, na Karaeng tujunna batangkale.

1 KORINTUS 8:8

”Kanre inni geleki laerang seppa' mange ri Allataala. Tide' jua karugianta, ampa geleta jua nganre surang tide' to'jua sahala'na ampa nganreki.”

2 KORINTUS 1:21

Saba' Ia tumaeng laapakajarre' injokang surang kau lalang ri Almase, iamo intu Allataala tumaeng anrio barakka'

GALATIA 6:1

Urang siana', ampa injo rie' tau anggeokang nusala, injo kau turassi injo lalang ri Karaeng, parallu ngurang ri tau injo mange ripa'lalangang naba lalang ri nyaha baji', na mukatutui todo'i kalemmu, solanna andai lataba passo'ri.

EFESUS 4:14

sa'genna ditte gelemo ana'-ana', turipalinga-linga ri ajarang, ripau burana rupatau inni lalang rikasara'dekanna laappakalingu.

EFESUS 5:6

Akolalo lapa'lingu tau ripau-pau baji' tide' battuanna, saba' passala appakonjo injo appabattui kuku'na Allataala mange ri tau doraka injo.

KOLOSE 2:4

Kupau passala inni, solanna andarie' tuappalinga-linga ri kau lalang ripau-pau ballo beloinna.

2 TESALONIKA 2:17

bisannabali allengung-lengungi na lapakaterasai nyahamu lalang risikonjo jama-jamaang na pappau baji'.

2 TESALONIKA 2:2

solanna andaiko lassiri ammangnga-mangnga surang balisa, baji' injo ripanjanjang, iyareka ripappala'bangang iyareka sura' nuripau injo battu ri kambe, assimpolekalena larapi'mu hattunna Karaeng.

1 TIMOTIUS 6:20

Oe Timotius, katutui apa numaeng injo ripassareang mange ri kau. Liliangi pau bura-bura inni na nugele injo tangkasa surang sikonjo passigagaang nuassala'na battu rinularapang injo tau pangisse', mingka sitoje'na bura-bura jua,

1 YAHYA 4:1

Urang siana' mala'biri'ku, akolalo tappa' mange risikonjo nyaha, mingka so'ri ngase'i sikonjo nyaha, apa injo assala'na nubattu ri Allataala; saba' lohe nabbi palusu maeng ammumba na a'lampai lapila'bangi sibatu lino.

YUDAS 1:12

Iyaimo inni karammasang lalang ripasse're-se'reang passikamaseammu, saba' iyai gelei siri' a'bala'-balala na sangga kalenna jua lapariati; iyai injo assimpolei salihu' nugele ngerang bosi, nuallajang lairi' anging; iyai injo assimpolei poong kaju rihattu pambuana gelei ambua, poong kaju ta'bu'buki injo surang aka'na na mate.

YUDAS 1:3

Urang siana' mala'biri'ku, rihattu attoje'-toje'ku apparri-parri ngukiri mange ri kau passala rikasalamakang pa'juluanta, nakke assimpole turisuro langukiri mange ri kau na appiu'rangi ri kau, solanna kau tulusu apparri-parri laa'bitantang rikatappakang numaeng ripabattu injo mange risikuanna tau tappa'.