IBRANI 13:7 - Kitta' Passitallikang Bau KAREBA BAJI'

⁷ U'rangilaloi sikonjo ponggahamu, tumaeng appabattu injo pauna Allataala mange ri kau. Pariatisai kala'busang tallasa'na na pinahangi katappakanna.

IBRANI 13:7 Iomraidhean Croise

MATIUS 24:45

”Inaimo ata mallang na mangisse', turiangka' ri karaenna battu risikonjo taunna laa'jari pasare kanre mange ri iyai ampa larapi' hattunna?

LUKAS 12:42

Lakuamo Isa, ”Jari, inaimo pagahe sapo mallang surang sara'de', lariangka'i ri karaenna laa'jari ponggaha risikonjo atanna laassare kanre mange ri iyai ampa hattunna.

LUKAS 5:1

Rie' se're hattu Isa ammentengi ri biring bonena Tamparang La'ba Genesaret, ri injo lohe tau a'domung riampi'Na a'ra' appilangngeri pau Allataala.

LUKAS 8:11

Iamo inni botoanna pakkalebarang injo: Lamungang injo iamo pauna Allataala.

PAU-PAUWANNA SIKONJO SURO-SURO 13:46

Mingka lalang rikabaraniang Paulus surang Barnabas appau, ”Toje'i mange ri kauimo pauna Allataala parallu ripabattu la'bi riolo, mingka gele mutarimai na muare'i kalemmu gele siratang languppa tallasa mannannungang. Injomo saba'na a'gilimmakang mange ri bangsa tau maraeng.

PAU-PAUWANNA SIKONJO SURO-SURO 14:23

Risikonjo jamaah, suro-suro injomo anjo'jo' tutoa-toa jamaah na sungka'i maeng ngera dowaang na appuasai, lapassareangimu tutoa-toa injo ri Karaeng tumange ri Ia jua lakatappaki.

PAU-PAUWANNA SIKONJO SURO-SURO 4:31

Na rihattunna juapa ngera dowaang, anggeommu tampa' pa'rappungannai na ladongkoki ngase'i Nyaha Tangkasa, maeng injo lapala'bangimu pau Allataala lalang rikabaraniang.

ROMA 10:17

Jari, tappa' inni ammumbai battu rinurilangngere, na apa nurilangngere injo assala'na nubattu ripau passala'na Almase.

1 KORINTUS 10:13

Passo'ri numuppai injo iamo intu passo'ri samara nugele alla'bi battu ri kagassingang rupatau. Saba' Allataala mallang na kanara injomo Ia geleiko lalappasangi riso'ri alla'bi rikagassingammu. Rihattummu riso'ri Ia laassare pikkirang pansulukang mange ri kaui, jari akkullei mutanggong.

1 KORINTUS 11:1

Pinahangi panggeokangku, assimpole todo' nakke minahang ri panggeokanna Almase.

1 KORINTUS 4:16

Injomo saba'na nakke appiu'rangi mange ri kaui: Pinahangi panggeokangku!

FILIPI 3:17

Urang siana', pinahangi panggeokangku na pariati tau lohe injo, tuattallasa assimpole injo kambe a'jari pinahangang ri kau.

1 TESALONIKA 1:6

Na kau minahang ripanggeokamba surang ripanggeokanna Karaeng; lalang ripassissa bakka' injo kau maeng narima pau Allataala lalang rikarannuang nulajama injo Nyaha Tangkasa,

1 TESALONIKA 2:13

Injomo saba'na gele todo'kang minang ammari-mari appanai' sukkuru mange ri Allataala, saba' maeng mutarimana pauna Allataala nutapala'bang injo, gelei assimpole pau rupatau, mingka assimpolei pau Allataala, injo todo'mo anjama ri kau tutappa' intu.

2 TESALONIKA 3:7

Saba' muisse'i, anteekamua kau parallu minahang ripanggeokang baji'ba, kanara gelekang takkaluppa anjama ritangnga-tangngamu,

2 TESALONIKA 3:9

Gele kanara kambe tide' dahuamba ri injo, mingka kanara a'ra'kang tapaa'jari kalemba pinahangang mange ri kaui, solanna minahangiko.

1 TIMOTIUS 3:5

ampa rie' tau gele ngisse' a'jari amma lalang ri saponna, anteekamua ia akkulle lapasilolongang jamaah Allataala?

IBRANI 13:17

Tunru'laloko risikonjo ponggahamu na ngali'laloko mange ri iyai, saba' iyai injo lajagai batemmu, assimpole tau parallu laattanggongjawa rateanna. Tunru'laloko mange riyai solanna iyai injo lageokangi jama-jamaanna lalang rikate'neang, gele surangang husa-husa, saba' passala injo gelei ngerang kabajikang mange ri kau.

IBRANI 13:24

Pabattuanglalo sallang mange risikuanna ponggahamu na sikuanna tau tappa'. Sikonjo urang siana' julu katappakang battu ri Italia appikatu sallang mange ri kau.

IBRANI 6:12

Nukukaa'raki bisannabali kau anda a'jari sabala, mingka attallasa assimpole tau laharisi ritalli' injo saba' tappa' na sabbara attajang sikonjo talli'.

1 PETRUS 4:11

Ampa rie' tau a'bisara, baji'mu ia a'bisara assimpole tau appabattu pau Allataala; ampa rie' tau anjampangi, baji'mu ia lageokangi lalang rikaterasang nulapassareang injo Allataala, solanna Allataala ripakala'biri lalang risikuanna passabakang ri Isa Almase. Iamo ampunna kala'birang surang kahasa sa'genna situli-tulinna! Aming.

PANJANJANNA YAHYA 1:9

Nakke, Yahya, urang siana' julu katappakammu tuminahang injo lalang rikasissaang, lalang Pakkaraengang na lalang rikasabbarang attajang ri Isa. Nakke ammari ri pulo riare' Patmos kanara pauna Allataala na passa'bi nurisareang ri Isa.

PANJANJANNA YAHYA 20:4

Maeng injo kujanjangi lohe pattolongang kakaraengang na lohe tau attolong ri injo; mange ri iyai risareangi kahasa langadeli. Kujanjang todo'i batenna, tumaeng ripappaki injo kallonna rikanara assare passa'bi ripassala'na Isa na rikanara appala'bang pauna Allataala. Iyai injo gelei nyomba mange ri binantang na mange ri dato'-dato'na surang gele todo'i a'ra' narima tanra ri linro iyareka ri limanna. Jari iyai attallasa ngase'i muliang surang lamarentai assimpole karaeng assurangang Almase lalang rihattu sisa'bu injo taung.

PANJANJANNA YAHYA 6:9

Rihattunna Ana' Jimbala injo allekkesi segele makalima, kujanjangi rirahangang mejang panaroang koro'bang nyahana tumaeng injo rihuno rikanara pauna Allataala surang rikanara passa'bi rie' injo ri iyai.