IBRANI 13:5 - Kitta' Passitallikang Bau KAREBA BAJI'

⁵ Akolalo kau a'jari ata ri doe' na pakaganna' tommoi kalemmu ri apa nurie' ri kau. Saba' Allataala maengi appau, ”Gele sikaliko laKulappasang na gele sikaliko laKubokoi.”

IBRANI 13:5 Iomraidhean Croise

MATIUS 6:19

”Akolalo apparappung kakalumannyangang ri kalemmu ri lino; ri lino rangnga' na ta'gara lamanraki na palukka' langonsala ampai lalukka'.

MATIUS 6:25

”Injomo saba'na, Nakke appau mange ri kaui: Akolalo bata-bata ripassala tallasa'mu, ripassala apa nua'ra' lamukanre iyareka lamuinung, na akolalo todo' bata-bata ripassala batangkalemmu, ripassala apa nua'ra' lamupake. Gelejua tallasa intu la'bi parallu battu rikanre na batangkale intu la'bi parallu battu ri pakeang

MATIUS 6:34

Injomo saba'na, akolalo bata-bata ripassala allo mintara, saba' allo mintara rie' to'jua bata-batana. Kasusaang siallo ganna'mu ri siallo.”

MARKUS 7:22

passangkilang, kangowaang, geo' daa, pa'buraang, geo' sala injo, siriati, pattua-tua, katampoang, na kakumbalang.

LUKAS 3:14

Sikonjo sorodadu rieki injo akkuta'nangi todo'i mange ri ia, ”Ri kambe, apamo parallu latageokang?” Lakuamo Yahya mange ri iyai, ”Ako anrapusu surang ako massa-massai na pakaganna'i ri kalemmu battu ri gajimu.”

LUKAS 8:14

Nua'dappe' injo ri rompo' bunga jabe iamo intu tau maeng injo allangngere pauna Allataala, na lalang ripattimboang situlusu'na laappui bata-bata surang lapakaa'maling-malingi rikakalumannyangang na kasannangang lino jua tuli laboja, sa'genna gele baji' pambuana.

ROMA 1:29

rassi rilohe rupanna geo' daa, sipa' daa, kangowaang na nuambottoki, rassi siriati, passihunoang, pa'beserang, pambanja'-banja' surang akkala daa.

1 KORINTUS 5:11

Mingka nukuukiri mange ri kaui konni-konnina iamo intu, solanna andako a'bahaangi, manna injo tulaare'i kalenna urang siana' julu katappakang iamo intu tau balere injo, pakaha-kaha, tau nyomba-nyomba barahala, papitina, pa'bengoang iyareka pakelo-kelo; akolalo assurang-surangi nganre ri tau a'geo' appakonjo injo.

1 KORINTUS 6:10

palukka', tau pakaha-kaha, pa'bengoang, papitina surang tau pakelo-kelo gele languppa dahuang lalang ri Pakkaraengang Allataala.

2 KORINTUS 4:9

kambe ripakamarasai, mingka gelekang ribokoi akkale-kale, ripatappasakang, mingka gelekang mate.

EFESUS 5:3

Mingka kabalerang surang lohe rupanna karammasang iyareka kangowaang manna ripauna jua anda rie' ri kau, appaanteekamua paralluna mange ri tau tangkasa injo.

EFESUS 5:5

Saba' u'rangi baji'laloi inni: Gele rie' tau pasangkili, tau rammasa iyareka tau ngowa, battuanganna tunyomba barahala, languppa dahuang lalang ri Pakaraenganna Almase na Allataala.

KOLOSE 3:5

Injomo saba'na, hunoi lalang ri kalemmu sikonjo rupanna sipa' lino, iamo intu kabalerang, karammasang, hawa napasu daa, napasu sipa' daa, surang pole kangowaang, nuassimpole nyomba barahala,

1 TIMOTIUS 3:3

gelei painung, gele tupakkukukang mingka tungamaseang, appaa'damei, gele sanging doe' jua laboja,

2 PETRUS 2:14

Matanna rassi napasu passangkilang na iyai injo gele rie' lanrena anggeokang nudoraka. Iyai injo ngelo-ngeloi ri tau lamma injo. Atina narammu rikangowaang. Iyai injo sanging tau busung!

2 PETRUS 2:3

Na kanara ngoana guru palusu injo apparri-parrii laa'boja passahalang battu ri kau lalang laga'-lagarang burana. Mingka ripanggeokang appakonjona injo hukkungang maeng sadiamu na kapanrakanna gelemu latappasoho'.

YUDAS 1:11

Silakamo mange ri iyai, saba' iyai minahangi ripa'lalangang nulapa'lalangi injo Kain na kanara languppa passahalang iyai laapantama'i kalenna lalang rikalinguang assimpole Bileam rihattu riolo, na mate ngase'i kanara pamarontakang assimpole Korah.