IBRANI 13:3 - Kitta' Passitallikang Bau KAREBA BAJI'

³ U'rangilalo tau rie' injo ri pattarungkuang, saba' manna kau intu tau ritarungku todo'. U'rangi todo'i sikuanna tau ribua' gele injo siratang, saba' manna kau attallasa juapako ri lino inni.

IBRANI 13:3 Iomraidhean Croise

MATIUS 25:36

rihattungKu assolara, assareko pakeang mae ri Nakke; rihattungKu garring, mangeko attimporong ri Nakke; rihattungKu lalang ri pattarungkuang, mangeko a'dowa' ri Nakke.

MATIUS 25:43

rihattungKu a'jari tau battu-battu, geleiko assare pamminsamboang mae ri Nakke; rihattungKu assolara, geleiko assare pakeang ri Nakke; rihattungKu garring na rie' ri pattarungkuang, geleiko mange a'dowa' ri Nakke.

PAU-PAUWANNA SIKONJO SURO-SURO 24:23

Jari ia lasuromu tantara injo tulusu latahangi Paulus, mingka ritahang pantara juai, nagele todo'i ripisangkai baha'-bahaanna mange latilingi iyareka lajampangii.

PAU-PAUWANNA SIKONJO SURO-SURO 27:3

Rimintara'namo mae assekkakang ri Sidon. Yulius baji'i mange ri Paulus, na lapa'biangi mange baha'-bahaanna, solanna lasangkakiang ngase'i kaparalluanna.

ROMA 12:15

Te'nelaloko surangang tau te'ne injo, apparauko surangang tau apparau injo!

1 KORINTUS 12:26

Injomo saba'na, ampa rie' se're bageang assinsara, iangase'na bageang minahang assinsara; ampa rie' se're bageang ripakala'biri, injo sibatu batangkale minahang a'rannu-rannu.

EFESUS 4:1

Injomo saba'na, nakke appiu'rangi mange ri kaui, nakke tau ritarungku kanara Karaeng Isa, appiu'rangi mange ri kaui, solanna kau tumaeng intu rikeo' tallasa assituru' ripakkeo' injo.

KOLOSE 4:18

Sallang battu ri nakke, Paulus. Sallang inni kuukirii surangang limangku to'jua. U'rangilaloi ma'nassana nakke lalang juapa ri pattarungkuang. Barakka' pangamaseang larurungiko.

IBRANI 10:34

Kau maeng todo'ko minahang ngalle dahuang lalang rikasissaanna sikuanna tau ritarungku na rihattu pa'barang-barangammu rilukkaki, mutarima baji'i passala injo lalang rikate'neang, saba' kau muisse'i ma'nassana kau todo' ngampunnai pa'barang-barangang nula'bi baji' na nulatulusu rie'.

IBRANI 11:37

Iyai ribunduki batu, rigara'gaji, rihuno surangang pa'dang; iyai injo pitilingka-lingkai mamo ammake pakeang kukkulu jimbala na kukkulu bembe na assinsara kalara', marasai na sissa.

1 PETRUS 3:8

Kala'busanna, parallulalo kau ngase' intu a'julu pau, assikatutui nyaha, ngamaseang risikonjo urang siana' julu katappakang, a'rikodong na tuna ati,