IBRANI 11:1 - Kitta' Passitallikang Bau KAREBA BAJI'

¹ Katappakang iamo intu pallangga battu ri iangase'na nuritajallii na tanra battu ri iangase'na nugele injo kajanjangang.

IBRANI 11:1 Iomraidhean Croise

PAU-PAUWANNA SIKONJO SURO-SURO 20:21

nakke sanging assa'bi mange risikuanna tau Yahudi na mange ri tau Yunani, solanna jarrai na ngu'rangi mange ri Allataala surang tappa'i ri Karaengta, Isa.

1 KORINTUS 13:13

Appakonjomu ammari talluiya passala inni, iamo intu katappakang, tajalli surang pangamaseang, na nukaminang bakka' ri talluiya injo iamo intu pangamaseang.

2 KORINTUS 11:17

Apa nukupau injo, nakke appau gele assimpole se're tau appau assituru' pau Karaeng, passangadinna assimpole se're tau ba'ga rie' kajarrekanna ma'nassana ia akkullei bakka' sumanga'.

2 KORINTUS 4:18

Saba' kambe gelekang appariati nukajanjangang, passangadinna nugele kajanjangang, saba' nukajanjangang intu sinampe' juai, mingka nugele intu kajanjangang iamo tide' tappu'na.

2 KORINTUS 5:17

Jari, inai rie' lalang ri Almase, iamo ripaa'jari bau: Allalomu nutoa injo, sitoje'na rie'mu nubau injo.

2 KORINTUS 5:7

saba' tallasa'ba inni iamo intu tallasa assituru' katappakang, gele assituru' apa nukajanjanang –

2 KORINTUS 9:4

solanna, ampa sikuanna tau ri Makedonia rie' mae minahang ri nakke andai lajanjang geleipako sadia, sa'genna kambe – lagele appau ri kau – laappisa'ring siri' rikatappakang ri kambe injo.

GALATIA 5:6

Saba' mange ri tau rie' injo lalang ri Isa Almase passala assunna' iyareka gele assunna' tide' jua battuanganna, sangga katappakang jua anjama rikanara pangamaseang.

TITUS 1:1

Battu ri Paulus, atanna Allataala surang suro ri Isa Almase laappakajarre' katappakang ri tau ripile injo ri Allataala na pangisse' ripassala kareba baji' battu ri Allataala assimpole nukajanjangang injo ripassambajangangta,

IBRANI 10:22

Injomo saba'na, maeki mange ri Allataala surangang ati lambusu na katappakang jarre', kanara atita maeng ritangkasimu battu ri ati daa injo sipa'na na batangkalenta maeng ribissaimu surangang ere si'nong.

IBRANI 10:39

Mingka ditte gelemo tau laa'boko na lamate, mingka tau tappa'mo na nguppa katallasang.

IBRANI 11:13

Lalang katappakang iyai ngase' inni nagele nguppa ri nuritallikang injo, mingka sangga lajanjangna jua na akkape-kape derei mange rituritallikang injo. Iyai injo rirapangi assimpole tubattu-battu na tumae'-maeang ri lino inni.

IBRANI 11:27

Kanara katappakang, ia labokoi tana Massere na gelemu malla' rikuku'na karaeng Firaun. Ia attahangi assimpole ia anjanjang apa nugele kajanjangang.

IBRANI 11:7

Kanara katappakang, Nuhung ripiu'rangi ri Allataala rise're passala nugelepa kajanjangang maeng injo tunru'i naappakasadiai lopi lalapakasalama' bija-bijanna. Na kanara katappakang injo ia assare hukkungang ri lino, na ia a'jarii tuharisi'na kanabang, assituru' rikatappakanna.

IBRANI 2:3

Anteeki kamua lalappasa, ampa gele ripa'matu-matui kasalamakang bakka' injo, nupakaramula ripappiissekang ri Karaeng na ripattoje'i mae ri ditte ri iyai tumaeng allangngere ri Ia?

IBRANI 3:14

Saba' ditte maeng a'jari dahuang battu ri Almase, ampa a'bitantang jarre'ki rikatappakang surang ripattajalliang nuripa'bangga-banggaang sa'genna ambattu mange rikala'busang.

IBRANI 3:6

Mingka Almase mallangi anjama assimpole Ana' attanggongjawa' ri saponna Allataala; na saponna Allataala iamo intu ditte, ampa a'bitantang jarre'ki rikatappakang surang ripattajalliang nuripa'bangga-banggaang sa'genna ambattu mange rikala'busang.

IBRANI 6:12

Nukukaa'raki bisannabali kau anda a'jari sabala, mingka attallasa assimpole tau laharisi ritalli' injo saba' tappa' na sabbara attajang sikonjo talli'.

2 PETRUS 1:1

Battu ri Simon Petrus, ata surang suro ri Isa Almase. Mange ri iyai tuassurang-surang injo kambe nguppa katappakang kanara kaadelanna Allataala surang Pappakasalama'ta, Isa Almase.