IBRANI 10:1 - Kitta' Passitallikang Bau KAREBA BAJI'

¹ Lalang ri hukkung Tora' nurie' sangga nuta'bajang-bajang jua battu risikonjo passala nubaji' larie' injo sallo', na gelepa nusitoje'na. Kanara injo, hukkung Tora' gelei ma'ring lanyangkaki ri iyai turieki injo assambajang passabakang koro'bang assimpole, nuattaung-taung ripassidakkaang.

IBRANI 10:1 Iomraidhean Croise

ROMA 8:3

Saba' apa nugele ma'ring lageokang hukkung Tora' kanara tide' pakkullena ria'ra' rupatau, maeng lageokammu Allataala. Rilasurona Ana'Na a'jari assimpole rupatau doraka, na lallappasi kadorakaang, Ia maeng assaremu hukkungang mange rikadorakaang rie' injo lalang ri rupatau inni,

KOLOSE 2:17

iangase'na injo sanging bajang-bajang jua battu rinulaparallu injo rie', na katojekanna rie'i lalang ri Almase.

IBRANI 10:22

Injomo saba'na, maeki mange ri Allataala surangang ati lambusu na katappakang jarre', kanara atita maeng ritangkasimu battu ri ati daa injo sipa'na na batangkalenta maeng ribissaimu surangang ere si'nong.

IBRANI 7:11

Umma' Israele maengimu narimai Tora'. Mingka, so'di patteteang rikaimanganna injo maeng ngimbolong kasangkakang inni, ngura parallu juapai ritantuang se're tau maraeng laa'jari imang bakka' assituru' atoranna Melkisedek na ripassala'na ia gelei ripau assituru' atoranna Harun?

IBRANI 8:5

Iyai injo anjampangi lalang ri kema nua'jari injo ja'banganna na bajang-bajanna nurie' ri suruga, assimpole numeng injo ripappauwang mange ri Musa, rihattunna ia a'ra' appaenteng kema, pauNa: ”Pariatilalo! Kau parallu a'bua' iangase'na injo assituru' ja'bangang numaeng ripappijanjangang injo mange ri kau rate ribaho bonto.”

IBRANI 9:11

Mingka Almase maemmu rie' laa'jari Imang Bakka' risikonjo passala nubaji' larie' injo: Ia maengmu antama' ri kema nula'bi bakkakang na nula'bi sangkakang, nugele ribua' ri rupatau, battuanna nugele antama' nuripaa'jari ri lino inni.

IBRANI 9:23

Jari, sikuanna nuta'bajang-bajang apa nurie' ri suruga parallui ripakatangkasa appakonjo, mingka sikuanna pakakasa ri suruga parallui ripakatangkasa risikonjo passidakka nula'bi baji' battu ri injo.

IBRANI 9:25

Ia antama'i mae ri lino inni gelei laa'mole-mole lapassidakkaang kalenNa, appaanteekamua Imang Bakka' injo attaung-taungi antama' ri tampa' tangkasa injo surangang rara na gele rara kalenna.