IBRANI 1:6 - Kitta' Passitallikang Bau KAREBA BAJI'

⁶ Rie' pole, rihattunna Ia laerang Ana' lihuaNa antama' mae ri lino inni, Ia appaui, ”Sikonjo malaeka' Allataala parallui nyomba ri Ia.”

IBRANI 1:6 Iomraidhean Croise

MATIUS 24:14

Injili Pakkaraengang inni laripala'bangi risibatu lino a'jari passa'bi risikonjo bangsa, maempa injo ampamu larapi' allo kala'busanna.”

YAHYA 1:14

Pau injo maemmu a'jari rupatau, na ammarii ripassa'lakanta, na ditte maemmu rijanjang kala'biranNa, iamo intu kala'birang nurisareang injo mange ri Ia assimpole ana' sitau-tau ri AmmanNa, rassi barakka' na katojekang.

YAHYA 1:18

Gele rie' manna se're tau maeng anjanjang Allataala, mingka Ana' sitau-tauna Allataala, Turie' injo ri rihaanna Amma, Iamo lapalahere Allataala.

YAHYA 3:16

Saba' pammate lakamaseanNa Allataala assinna lino inni, sa'genna Ia lapassareammu Ana' sitau-tauNa, solanna sikuanna tau tappa' mange ri Ia gele lamate tulusu, mingka nguppai tallasa mannannungang.

ROMA 8:29

Saba' sikuanna tau ripile minang ripakaramulana, maeng ripattantu todo'i minang ripakaramulana laa'jari assimpole ja'bangang Ana'Na, solanna Isa, Ana'Na injo, a'jari lihua risikonjo urang siana'.

KOLOSE 1:15

Almase kajanjangang battu rija'banganna Allataala nugele injo kajanjangang, nulihua, nukaminang parallu battu risikuanna nuripaa'jari,

KOLOSE 1:18

Iamo ulu ri batangkale, iamo intu jamaah. Iamo lihua, kaminang riolo attallasa muliang battu risikuanna tau mate, sa'genna Iamo kaminang parallu lalang risikuanna.

IBRANI 1:5

Saba' Allataala gelei minang appau mange risikonjo malaeka', ”Kaumo Ana'Ku! Kau a'jari Ana'Ku allo inni? na Nakke laa'jari AmmanNa, na Ia laa'jari Ana'Ku?”

IBRANI 10:5

Injomo saba'na, rihattunna Ia antama' mae ri lino, Ia lapaui, ”Koro'bang na passidakka Kau gelei mukaa'raki – mingka Kau appakasadia batangkale mae ri nakke.

1 PETRUS 3:22

tuattolong injo risa'ri kananna Allataala. Sungka'na Ia nai' ri suruga rimaenna sikonjo malaeka', kahasa surang kagassingang ripatunru' mange ri Ia.

1 YAHYA 4:9

Lalang ripassala innimo pangamaseanna Allataala ripappisa'biang ritangnga-tangngata, iamo intu ma'nassana Allataala maeng lasuromu Ana' sitau-tauNa antama' mae ri lino inni, solanna ditte attallasa rikanaraNa.

PANJANJANNA YAHYA 1:5

na battu ri Isa Almase, Sa'bi mallang, tukaminang bungasa injo attallasa muliang battu ritangnga-tangngana tau mate na tukahasa risikonjo karaeng rie' ri lino inni. Mange ri Ia, tungamaseang injo ri ditte na tumaeng lalappasang injoki battu rikadorakaanta patteteang raraNa,