IBRANI 1:3 - Kitta' Passitallikang Bau KAREBA BAJI'

³ Isamo appatillo' ri sau kala'birang Allataala na ja'bangang parie'na Allataala nutoje' injo na lasalanggai sikuanna nurie' patteteang ripauNa nurassi kahasa. Sungka'i a'maemmo lageokang panangkasi kadorakaang, Ia attolommu risa'ri kananNa Tukaminang Bakka' injo, na ri tampa' kaminang la'biri,

IBRANI 1:3 Iomraidhean Croise

MATIUS 22:24

”Guru, Musa lapaui ma'nassana ampa rie' se're tau mate na tide'pa ana'na, urannamo siana' parallu labontingi bahinenna injo laassare pinangka' ri uranna siana'.

MARKUS 16:19

Rimaenna Karaeng Isa a'bisara appakonjo ri iyai, tarangka'mu nai' ri Suruga, ampai attolong risa'ri kananNa Allataala.

YAHYA 1:14

Pau injo maemmu a'jari rupatau, na ammarii ripassa'lakanta, na ditte maemmu rijanjang kala'biranNa, iamo intu kala'birang nurisareang injo mange ri Ia assimpole ana' sitau-tau ri AmmanNa, rassi barakka' na katojekang.

YAHYA 1:29

Rimintara'namo mae Yahya lajanjangi Isa ambattu mange ri ia na lakuamo, ”Janjangimu Ana' jimbala'na Allataala, nulaappakalappasa injo kadorakaang ri lino inni.

YAHYA 1:4

Lalang ri Ia rie' tallasa na tallasa injo assare sinara ri rupatau inni.

PAU-PAUWANNA SIKONJO SURO-SURO 2:33

Sungka'i maemmo ripakala'biri risa'ri kananNa Allataala na narimai battu ri Amma, Nyaha Tangkasa nulatallikang injo, jari lapaturumMu Nyaha injo assimpole numujanjang na numulangngere ri inni.

PAU-PAUWANNA SIKONJO SURO-SURO 7:56

Jari lakuamo, ”Toje'i, kujanjammu ta'bungkara langi' na Ana' Rupatau ammenteng risa'ri kananna Allataala.”

ROMA 1:16

Saba' nakke gelea siri' rikanara Injili, saba' Injili intu iamo kagassinganna Allataala nuappakasalama' mange risikuanna tau tappa', pakaramula ri tau Yahudi, mingka mange todo' ri tau Yunani.

ROMA 8:34

Isa Almase, maemmu mate? Na la'bipa pole; maeng attallasamo muliang, na attolong todo'i ri sa'ri kananna Allataala, na laa'jari Urang ri ditte?

2 KORINTUS 4:4

iamo intu sikuanna tau gele injo tappa', nupikkiranna maeng ripakabuta ri Ibilisi tukahasana jammang inni, sa'genna gele lajanjangi sinara Injili passala kala'birang Almase iamo ja'banganna Allataala.

KOLOSE 3:1

Injomo saba'na, ampa ripakaattallasako assurangang Almase, bojai sikonjo passala nurie' rate, ripariekanna Almase, attolong risa'ri kananna Allataala.

TITUS 2:14

Iamo maeng lapassareang kalenNa mae ri ditte laappakalappasa ri ditte battu riiangase'na sipa' daa na lapakatangkasaki laa'jari umma'Na, nusanging anggeokang nubaji'.

IBRANI 1:13

Saba' Allataala gelei minang appau mange risikonjo malaeka' injo, ”Attolommoko risa'ri kanangKu, sa'genna sikonjo balimMu Kupaa'jari pa'lisakang bangkemMu?”

IBRANI 10:12

Mingka sungka'i maeng appassidakka se're koro'bang kanara kadorakaang, Almase attolongi risa'ri kanang Allataala situlusu'na.

IBRANI 12:2

Maemaki rigeokangi surangang mata ammonga mange ri Isa, tulaurang injoki lalang ri katappakang na laerang katapakanta injo mange rikasangkakang. Ia gelei lapiduli katunaang inni na sabbarai nyompo salli' passambe kate'neang nuripasadiaang injo mange ri Ia, nukonni-konina attolongi risa'ri kanang kadera pattolonganna Allataala.

IBRANI 4:14

Jari, kanara ditte konni-konnina riampunnai Imang Bakka' kaminang la'biri, tumaeng lalimbangi langi', iamo intu Isa, Ana' Allataala, baji'mu ditte a'bitantang jarre' ripangakuang katappakanta.

IBRANI 7:27

Ia gelei assimpole sikonjo imang bakka' nuallo-allona parallui appassidakka koro'bang tujunna rikadorakaanna to'jua na rimaengnapa injo ampamo kadorakaanna risikonjo umma'. Saba' passala injo Ia maemmu lageokang sikali na situlusu'na, rihattunna Ia lapassidakkaang kalenNa to'jua.

IBRANI 8:1

Anto' risikuanna nuribisara injo iamo intu: Ditte ngampunnai Imang Bakka' appakonjo, nuattolong risa'ri kanang kaderana Tukaminang Bakka' injo ri suruga.

IBRANI 9:16

Saba' ri antee mae rie' sura' kaharisang, ri injo parallui ripappisa'biang passala maeng mateanamo tau a'bua' injo sura' kaharisang.

IBRANI 9:26

Saba' ampa appakonjoi Ia parallui akkuling-kuling lasissa pakaramula rihattunna ripaa'jari lino inni. Mingka, konni-konnina Ia pinsikali juai lapappijanjangang kalenNa rihattu seppa'namo kala'busang jammang laallappasi kadorakaang passabakang rilakoro'banganna kalenNa.

1 PETRUS 1:21

Patteteang ri Iamo kau tappa' mange ri Allataala. Allataala maeng injo lapakaattallasai muliang Ia battu rikamateang na maeng appakala'biri ri Ia, sa'genna katappakammu na pattajalliammu a'ma'ra' mange ri Allataala.

1 PETRUS 3:22

tuattolong injo risa'ri kananna Allataala. Sungka'na Ia nai' ri suruga rimaenna sikonjo malaeka', kahasa surang kagassingang ripatunru' mange ri Ia.

2 PETRUS 1:16

Saba' kambe gelekang minahang ritula-tulaanna rupatau inni nutide' injo matu-matunna, rihattu tappappiissekanna mange ri kau kahasa na pariekanna Karaengta, Isa Almase assimpole Karaeng, sibale'na kambemo sa'bi battu rikabakkakanNa.

2 PETRUS 1:17

Saba' Ia nguppai kabakkakang surang kala'birang battu ri Allataala Amma, rihattu rie'na sa'ra battu ri Tukaminang la'biri mange ri Ia, nulakua injo: ”Iamo inni Ana' Kukamaseang, mange ri Ia jua Nakke angngai.”

1 YAHYA 1:7

Mingka ampa ditte tallasa lalang risinara assimpole Ia rie' lalang risinara, injo ditte nguppaki passe're-se'reang surangang tau maraeng, na rarana Isa, Ana'Na injo, laappakatangkasa ri ditte battu risikonjo kadorakaang.

1 YAHYA 3:5

Na kau muisse'i ma'nassana Ia maeng lapappisa'biammu kalenNa, solanna Ia lalu'lu'i sikonjo kadorakaang, na lalang ri Ia gele rie' kadorakaang.

YUDAS 1:25

Iamo Allataala tuse're injo, Pappakasalama'ta patteteang ri Isa Almase, Karaengta, mange ri Iamo kala'birang, kabakkakang, kagassingang na kahasa rigelenapa sikonjo jammang na konni-konnina surang sa'genna situlusu'na. Aming.

PANJANJANNA YAHYA 3:21

Inai jua ambeta, ia Kupatolong assurang Nakke rate ri kadera pattolongangKu, appaanteekamua Nakke maeng ambeta na attolong assurangang AmmangKu rate ri kadera pattolonganNa.

PANJANJANNA YAHYA 4:11

”O Karaeng surang Allataala ri kambe, Kau siratang lanarima kelong-kelong na pappakala'biri surang kahasa; saba' Kaumo appaa'jari risikuanna; na kanara ria'ra'Mu, rie'i iangase'na injo na ripaa'jari.”