IBRANI 1:2 - Kitta' Passitallikang Bau KAREBA BAJI'

² Mingka rijammang kala'busang inni Ia a'bisarai mae ri ditte patteteang ri Ana'Na numaeng injo Ia latantuang laharisi risikuanna. Patteteang ri Isa Almase maeng appaa'jari risikuanna.

IBRANI 1:2 Iomraidhean Croise

MATIUS 13:39

Bali appatahuru injo lamungang rea iamo intu Ibilisi. Hattu panduru iamo intu jammang kala'busang na paduru injo iamo intu malaeka'.

MATIUS 17:5

Sikalinna rihattu appauna juapa rie'mo salihu' sinara lakalimbukii na battu lalang ri salihu' sinara injo rie' sa'ra lalangngeri, lakua, ”Innimo Ana' Kukamaseang, mange ri Ia jua Kukarannuang, Iamo pilangngeri.”

MATIUS 21:38

Mingka rihattu lajanjanna pasahala injo ana' injo, assamaturuki ngase'mu, lakua: Iamo inni tulaharisi'na, maemoko narihunoi, larialle kaharisanna.

MATIUS 26:63

Mingka Isa tulusu gele appihali. Jari appaui pole Imang Bakka' injo mange ri Ia, ”Passabakang ri Allataala, paui mae ri nakke, apa Kaumo Almase, Ana' Allataala, iyareka gele.”

MATIUS 28:18

Mangei Isa ri iyai na appaui, ”Ri Nakke maeng risareamma sikonjo kahasa ri Suruga surang ri lino.

MATIUS 3:17

maeng injo kalangngerammu sa'ra battu ri suruga appau, ”Iamo inni Ana'Ku, mange ri Ia jua Nakke angngai.”

MARKUS 1:1

Iamo inni pakaramulana Injili passala'na Isa Almase, Ana' Allataala.

MARKUS 12:6

Rie' juapa se're tau maraeng ri ia, iamo intu ana' lakamaseang injo. Na rikateppusanna iamo lasuro mange risikonjo pasahala, lakua: Ana'ku lalakangalikangi.

MARKUS 12:7

Mingka assipauwang ngase'i pasahala injo: Iamo inni tulaharisi'na, baji'i ampa rihuno, jari kaharisanna inni a'jarimu anunta.

YAHYA 1:10

Ia rie'mu lalang ri lino inni na lino inni ripaa'jari kanara ri Ia, mingka Ia gelei riisse' ri lino inni.

YAHYA 1:14

Pau injo maemmu a'jari rupatau, na ammarii ripassa'lakanta, na ditte maemmu rijanjang kala'biranNa, iamo intu kala'birang nurisareang injo mange ri Ia assimpole ana' sitau-tau ri AmmanNa, rassi barakka' na katojekang.

YAHYA 1:3

Iangase'na Ia appaa'jari na ampa gele kanara ri Ia tide' nua'jari manna se're risikuanna numaeng injo ripaa'jari.

YAHYA 13:3

Isa laisse'i ma'nassana Amma maemmu lapassareang sikuanna mange ri Ia na ma'nassana Ia battui ri Allataala na lamuliangi pole mange ri Allataala.

YAHYA 13:32

Ampa Allataala ripakala'biri lalang ri Ia, Ia laripakala'biri todo'i ri Allataala lalang ri kalenNa, na Iamo laripakala'biri.

YAHYA 15:15

Nakke geleimoko Kuareki pole ata, saba' ata inni gele laisse', apa lageokang tau lapaa'jari injo ata, mingka Kuarekiko bahaang, saba' Nakke maeng Kupappiissekammu mange ri kaui sikonjo nuKulangngere battu ri AmmangKu.

YAHYA 16:15

Iangase'na nulaampunnai Amma injo anungKu; injomo saba'na Nakke appau: Ia laappa'rupai mange ri kaui apa numaeng latarima injo battu ri Nakke.”

YAHYA 17:2

Assimpole Ditte maeng assare mange ri Ia kahasa risikonjo nuattallasa, appakonjo todo'i Ia assare tallasa mannannungang mange risikonjo numaeng injo Ripassareang mange ri Ia.

YAHYA 3:16

Saba' pammate lakamaseanNa Allataala assinna lino inni, sa'genna Ia lapassareammu Ana' sitau-tauNa, solanna sikuanna tau tappa' mange ri Ia gele lamate tulusu, mingka nguppai tallasa mannannungang.

YAHYA 3:25

Jari rie'mo passisala pahangang ri ana'-ana' gurunna Yahya surang se're tau Yahudi passala ripanangkasi.

YAHYA 5:26

Saba' assimpole Amma rie' tallasa lalang ri kalenNa, appakonjo todo'i rilasareanNa Ana' rie' tallasa lalang ri kalenNa.

YAHYA 5:27

Ia maeng assare kahasa mange ri Ia langadeli, saba' Iamo Ana' Rupatau.

YAHYA 9:29

Kambe taisse'i ma'nassana Allataala maengi appaui mange ri Musa, mingka passala'na Ia injo kambe gele taisse' battu ri antee mae assala'na.”

PAU-PAUWANNA SIKONJO SURO-SURO 10:36

Iamo pau numaeng lapabattu injo mange risikuanna tau ri Israele rihattunna Ia lapappiissekangi dame salehangang patteteang ri Isa Almase Iamo Karaeng ri iangase'na rupatau.

PAU-PAUWANNA SIKONJO SURO-SURO 2:17

Lakajariangi rihattu kala'busang – appakonjomu pauna Allataala – ma'nassana LaKupaturungi NyahaKu mange risikonjo rupatau; jari sikonjo ana' bura'nemu na ana' bahinemu laKupappiissekangi mange ri kau passala nulaKupauwangi injo mange ri iyai, na ana' bura'ne longkomu surang ana'raramu laanjanjangi passala nulaKupijanjangiang injo mange ri iyai, na sikonjo tutoa-toamu languppai so'na.

ROMA 1:4

na assituru' Nyaha Tangkasa lapappisa'biangi ri attalasa'Na muliang battu rialla'na tau mate, ma'nassana Ia Ana' Allataala Tukahasa, Isa Almase Karaengta.

ROMA 8:17

Ampa dittemo ana', dittemo intu languppa dahuang, battuanganna tau lanarima risikonjo nulasappattaang Allataala, nularitarima injo surangi Almase, iamo intu ampa sissaki surangang Almase, solanna ditte ripakala'biri todo' surangang Almase.

1 KORINTUS 2:7

Mingka kareba nutapala'bang iamo intu pangisse' ri Allataala nuta'lengu' surang harasia, rigelenapa ripaa'jari lino inni, maeng lapakasadiamu Allataala tujunna kala'biranta.

1 KORINTUS 8:6

mingka mae ri ditte se're jua Allataala, iamo intu Amma, iangase'na nubattu ri Ia na mange ri Ia tallasa'ta, na se're jua Karaeng, iamo intu Isa Almase, nupatteteang ri Ia sikuanna maeng ripaa'jari na kanara ri Ia ditte nguppa tallasa.

GALATIA 4:4

Mingka sungka'i ganna'mu hattunna, injo Allataala lasuro Ana'Na turianakang injo battu rise're bahine na tunru'i mange ri hukkung Tora'.

EFESUS 1:10

assimpole parasadiaang laripa'rupana hattu laripasse'rena sikuanna lalang ri Almase assimpole ulu, baji' nurie' ri suruga iyareka nurie' ri lino.

EFESUS 3:9

Na lalabua'i sikuanna tau laanjanjang naha-naha harasia numaeng a'bilangang taung injo tassa'bu lalang ri Allataala tuappaa'jari injo risikuanna,

IBRANI 1:5

Saba' Allataala gelei minang appau mange risikonjo malaeka', ”Kaumo Ana'Ku! Kau a'jari Ana'Ku allo inni? na Nakke laa'jari AmmanNa, na Ia laa'jari Ana'Ku?”

IBRANI 1:8

Ripassala Ana' maeng lapaui, ”O Allataala, Kadera kakaraengamMu, latuli rie' tarrusui na situlusu'na, na tukkang kakaraengamMu iamo intu tukkang kanabaang.

IBRANI 11:3

Kanara katappakang ditte riisse'i ma'nassana lino inni maeng ripaa'jari battu ripauna Allataala, jari apa nukajanjangang maeng ripaa'jarimu battu rinugele kajanjangang.

IBRANI 2:3

Anteeki kamua lalappasa, ampa gele ripa'matu-matui kasalamakang bakka' injo, nupakaramula ripappiissekang ri Karaeng na ripattoje'i mae ri ditte ri iyai tumaeng allangngere ri Ia?

IBRANI 3:6

Mingka Almase mallangi anjama assimpole Ana' attanggongjawa' ri saponna Allataala; na saponna Allataala iamo intu ditte, ampa a'bitantang jarre'ki rikatappakang surang ripattajalliang nuripa'bangga-banggaang sa'genna ambattu mange rikala'busang.

IBRANI 4:14

Jari, kanara ditte konni-konnina riampunnai Imang Bakka' kaminang la'biri, tumaeng lalimbangi langi', iamo intu Isa, Ana' Allataala, baji'mu ditte a'bitantang jarre' ripangakuang katappakanta.

IBRANI 5:8

Manna injo Isa intu Ana'i, Ia maengi appilajara tunru' battu rikasissaanNa

IBRANI 7:28

Saba' hukkung Tora' anjo'jo' tau rie' kalammaanna laa'jari Imang Bakka', mingka sapatta nuripau injo rilappasa'namo hukkung Tora', anjo'jo'i Ana' numaeng ripaa'jari sangka' situli-tulinna.

IBRANI 7:3

Ia tide' ammanna, tide' idonna, tide' pappuwa-puwaanna, hattunna tide' pakaramulana na tallasa'na tide' puppusu'na, na passabakang ri ia ripaa'jari assimpole Ana' Allataala, injomo saba'na ia latuli a'jari imangi situli-tulinna.

IBRANI 9:26

Saba' ampa appakonjoi Ia parallui akkuling-kuling lasissa pakaramula rihattunna ripaa'jari lino inni. Mingka, konni-konnina Ia pinsikali juai lapappijanjangang kalenNa rihattu seppa'namo kala'busang jammang laallappasi kadorakaang passabakang rilakoro'banganna kalenNa.

1 PETRUS 1:20

Ia maeng ripilei rigelenapa ripaa'jari lino. Mingka rijammang kala'busang innipa ampamu lapappijanjangang kalenNa kanara kau.

2 PETRUS 3:3

Nukaminang parallu muisse' iamo intu ma'nasana rihattu kala'busang larie' lohe patua-tua lalang risikonjo pattua-tuana, iamo intu tau attallasa laturuki injo hawa napasuna.

YUDAS 1:18

Saba' iyai maeng appau mange ri kau, ”Rilakala'busanna jammang larie' patua-tua laattallasa laturuki hawa napasu daana.”