FILIPI 4:8 - Kitta' Passitallikang Bau KAREBA BAJI'

⁸ Jari, kala'busanna, Urang siana', sikonjo nunaba, sikonjo nutangkasa, sikonjo nutanning, sikonjo nubaji' rilangngere, sikonjo nuriare' kabajikang surang nusiratang ripakabakka, pikkirilaloi iangase'na injo.

FILIPI 4:8 Iomraidhean Croise

MATIUS 22:16

Lasuroimu ana'-ana' gurunna assurang-surang tau Herodian lakkuta'nang mange ri Ia, ”Guru, baji' taisse'na, Ditte se're tau lambusu na lambusui ripangajara a'ra'na Allataala na Ditte tide' tau rikamallaki, saba' Ditte gele a'ra' riare'.

MARKUS 6:20

Saba' Herodes ngali'i ri Yahya ma'nassana Yahya se'rei tau naba na tangkasa, jari ia laurangangi Yahya. Ampa lalangngere Yahya, sanging bata atina, mingka ia tulusu langai appilangngeri ri Yahya.

LUKAS 16:15

Jari lakuamo Isa mange ri iyai, ”Kau mupa'nabai kalemmu ri a'rakanna parammu tau, mingka Allataala laisse'i atimu. Saba' apa nusanna' langaina rupatau, lakalikkingangi Allataala.

LUKAS 2:25

Ri Yerusalem rie' se're tau riareng Simeon. Ia se'rei tau naba na lambusu geo'na na attajangi panyihi-nyihi ri Israele, na Nyaha Tangkasa rie'i ri ia.

LUKAS 23:50

Rie'mo se're tau riareng Yusuf. Ia se'rei urang ri Pangadelang Agama, na se'rei tau baji' na naba todo'i. Ia gele assamaturu' ripanappukinna surang ripanggeokanna hakking injo.

YAHYA 7:18

Inai jua appau-pau nubattu ri kalenna to'jua, ia a'bojai kala'birang tuju kalenna, mingka inai jua a'boja kala'birang mange ri Ia ri tuassuro injo ri ia, ia nabai na tide' nugele naba ri ia.

PAU-PAUWANNA SIKONJO SURO-SURO 10:22

Appihali ngase'mu, ”Kornelius, se'rei parawira lambusu atina na malla'i ri Allataala, na baji' laisse'na risikonjo tau Yahudi, maengi risare pappijo'jo' rise're malaeka' Tangkasa, solanna ia lakeo'ko mange ri saponna na lalapilangngeri nulamupau injo.”

PAU-PAUWANNA SIKONJO SURO-SURO 22:12

Ri injo rie' se're tau riareng Ananias, se'rei tau baji' assituru' hukkung Tora' na baji' riisse'na risikuanna tau Yahudi rie' ri injo.

PAU-PAUWANNA SIKONJO SURO-SURO 6:3

Injomo saba'na, urang siana', anjo'jokiko tuju tau battu ri kaui, tau muisse' injo baji' na rassi Nyaha Tangkasa na ngisse'i, solanna lataangka'i rijama-jamaang injo,

ROMA 13:13

Maemuki tallasa baji' assimpole tallasa rihattu allona, anda lalang ripa'roa'-roakang na kahujaang, anda lalang ripassangkilang surang napasu daa, anda lalang ripa'beserang na siriati.

ROMA 13:3

Saba' ampa se're inni tau a'geo' baji', ia andamu malla' ri pamarenta, injo jua ampa daa geo'na. A'rakiko tallasa gele malla' ripamarenta? Geokanglalo nubaji' inni languppaiko pappakala'biri battu ri ia.

ROMA 14:18

Saba' inai jua anjampangi Almase lalang rita'ra appakonni, ia baji'i ri Allataala na rikangalikangi ri rupatau.

ROMA 2:29

Mingka tau Yahudi toje' inni iamo intu tau gele injo kajanjangang Yahudina na sunna' toje' inni iamo intu lalang ri ati, ri bateng, gele nukajanjangang injo. Jari kala'birang ri tau assimpole injo gele nubattu ri rupatau, mingka nubattu ri Allataala.

1 KORINTUS 4:5

Injomo saba'na, akolalo ngadeli rigelenapa larapi' hattunna, iamo intu rigelenapa rie' Karaeng Isa. Ia lanyinari, manna pole nuta'lengu' injo lalang rikalammang, na Ia lapappijanjangangi apa nurinaha-naha lalang ri ati. Sallo' sikuanna tau lanarima kala'birang battu ri Allataala.

2 KORINTUS 13:7

Kambe ngera dowaang mange ri Allataala, bisannabali andaiko anggeokang sipa' daa gele solanna kambe kaissekang attahang ripasso'ri, mingka solanna kau akkulle anggeokang nubaji', manna injo sitoje'na kambe gelekang attahang ripasso'ri.

2 KORINTUS 6:8

hattu ripakala'biri iyareka ri tua-tuai; hattu risalla iyareka ripau baji'; hattu rirapang assimpole pabura-bura, toje'i tau naba,

2 KORINTUS 8:18

Assurang-surangkang assuro ri urang siana'ta, turipakala'biri risikonjo jamaah kanara jama-jamaanna lalang ripappala'bangang Injili.

2 KORINTUS 8:21

Kanara kambe nubaji' tapikkiri, gele sangga ri a'rakanna Karaeng Isa, mingka ri a'rakanna todo' rupatau inni.

GALATIA 5:22

Mingka hassele Nyaha iamo intu: Pangamaseang, karannuang, dame salehangang, kalammorang pa'mai', kabajikang, kamallangang,

EFESUS 4:25

Injomo saba'na pela'laloi bura-bura injo na lambusiko ripanggeokang mange ri parammu tau, saba' dittei inni sanging tu'urangki.

EFESUS 5:9

saba' sinara injo sanging nubaji' hassele'na na kaadelang surang kanabaang,

EFESUS 6:14

Jari, ammenteng ka'jangiko, a'ka'ba' aja' kanabaang na pakei baju kaadelang,

FILIPI 3:1

Kala'busanna, urang siana'ku, arannu-rannuilaloko lalang ri Karaeng. Ngukiri passala inni pole mange ri kau gelejuai terasa kusa'ring na assare katojekang mange ri kaui.

KOLOSE 4:5

Tallasako surangang baji' pangisse' mange ri tau pantarang injo, pakei hattu nurie' injo.

1 TESALONIKA 4:12

sa'genna kau tallasa assimpole tau lumu nyaha ri a'rakang matanna tau maraeng na gele anrannuang mange ri iyai.

1 TIMOTIUS 2:2

risikonjo karaeng surang risikonjo tukahasa, solanna akkulle sannang tallasa'ta na masagena lalang risikonjo katunrukang ri Allataala surang la'biri ri tau maraeng.

1 TIMOTIUS 3:11

Appakonjo todo'i sibaji'na bahinenna tau rikangalikang, gelei papitina, sibaji'na ia akkulle latahang kalenna na akkullei ripatappa' lalang risikuanna passala.

1 TIMOTIUS 3:4

se'rei amma baji' ri saponna, rikamallakangi surang rikangalikangi ri ana'-ana'na,

1 TIMOTIUS 4:12

Andarie' manna se're tau larapangko ki'di' kanara longko juapako. A'jarilaloko pinahangang mange risikuanna tau tappa', lalang ripappaumu, lalang ripanggeokammu, lalang ripangamaseammu, lalang rikamallangammu, surang lalang rikalambusammu.

1 TIMOTIUS 5:10

na toje'i maengi anggeokang jama-jamaang baji', assimpole akkalahaki ana', assare pamminsamboang, ambissai bangkeng ri urang siana' julu katappakang, assare pattulungang mange ri tau tallasa injo lalang ri kakurangang – bodona pau iyai tumaeng injo lapake hattunna lappaanggeokang baji'.

1 TIMOTIUS 5:2

bahine toa injo assimpole se're idong na bahine longko injo assimpole arimmu lalang rikalambusang.

TITUS 1:8

mingka langaii assare pamminsamboang, langai nubaji' inni, lumu nyahai, adelei, sanging pangera dowaangi, akkullei lakahasai kalenna

TITUS 2:14

Iamo maeng lapassareang kalenNa mae ri ditte laappakalappasa ri ditte battu riiangase'na sipa' daa na lapakatangkasaki laa'jari umma'Na, nusanging anggeokang nubaji'.

TITUS 2:2

Bura'ne toa injomo sibaji'na akkullei lakahasai kalenna, rikangalikangi, rassii pangisse', nabai lalang ripangajarang, ripangamaseang surang kasabbarang.

TITUS 2:7

Na paa'jari kalemmu laa'jari pinahangang ripanggeokang baji'. Sibaji'na kau lambusu surang attoje'-toje' rihattu ngajara'mu,

TITUS 3:14

Na lappasammu sikuanna tau riditte appilajara anggeokang jama-jamaang baji' laakkullei lasangkaki kaparalluang tallasa'na nupoong injo, solanna tallasa'na andai tide' hassele'na.

IBRANI 11:2

Saba' surangang rikatappakammo maeng ripassareangi passa'bi ma'nassana Allataala angngai mange ri puwa-puwata.

IBRANI 13:18

Tarru'-tarrusuko ngera dowaang; saba' kambe jarre'kang ma'nassana si'nongi atiba, kanara lalang risikuanna passala, injo a'rakang tallasa baji'.

YAKOBUS 1:27

Sambajang nutoje' na nugele injo rie' daana ri a'rakang Allataala, Ammanta, iamo intu appariati na a'lingka-lingka mange ri ana' kukang na tubalu-balu lalang risikonjo kasusaanna, na tulusu rikatutui solanna kalenta andai ripakarammasa ri lino.

YAKOBUS 3:17

Mingka pangisse' nubattu ri suruga makase're si'nongi, sitarrusu'na langai dame inni, lumu nyahai, katuru'-turukangi, rassi pangamaseang na lohe nubaji' lageokang, gelei mile tau assituru' nukajanjangang injo jua na gelei munape'.

1 PETRUS 1:22

Kanara maennamo mutangkasi kalemmu passabakang tunru' rikanbaang, jari akkulleiko ngamaseang mange ri urang siana' julu katappakammu. Injomo saba'na parallui mupassukku' atimu laassikamaseang.

1 PETRUS 2:12

Pakei tallasa baji' inni ritangnga-tangngana sikuanna tau gele injo tappa' ri Allataala, solanna ampa iyai injo appitina ri kau assimpole tau anggeokang nudaa, injo iyai akkullei lajanjang sikonjo panggeokang baji'mu na appakala'birii Allataala rihattunnamo Ia ambattu mange ri iyai.

1 PETRUS 4:8

Mingka numakasere: Passukku'i pangamaseammu ri tau maraeng, saba' pangamaseang intu sanna' lohe kadorakaang latongko'.

2 PETRUS 3:1

Urang siana' mala'biri'ku, inni sura' makapinruammo, nukuukiri injo mange ri kau. Lalang ri ruaiya sura' injo nakke apparri-parri appakabaji' pappahammu lalang risikonjo pappiu'rangi,

1 YAHYA 3:18

Ana'-ana'ku, maeki assikamaseang gele sangga ripau jua iyareka ri mori-mori jua, mingka ripanggeokang surang kanabaang.

1 YAHYA 3:3

Sikuanna tau lataro injo pattajallianna mange ri Ia, lapakatangkasa kalenna assimpole Ia tutangkasa.

1 YAHYA 4:1

Urang siana' mala'biri'ku, akolalo tappa' mange risikonjo nyaha, mingka so'ri ngase'i sikonjo nyaha, apa injo assala'na nubattu ri Allataala; saba' lohe nabbi palusu maeng ammumba na a'lampai lapila'bangi sibatu lino.