FILIPI 4:7 - Kitta' Passitallikang Bau KAREBA BAJI'

⁷ Dame salehangang ri Allataala, nugele injo laalle naha-naha, lakalahaki atimu surang pikkirammu lalang ri Isa Almase.

FILIPI 4:7 Iomraidhean Croise

LUKAS 1:79

lalasinari iyai ngase' tau ammari injo lalang rikalammang na tau rie' injo lalang kahasana kamateang lapakalambusui engkang bangkenta mange ripa'lalangang dame salehangang injo.”

LUKAS 2:14

”Kala'birang ri Allataala ri tampa' nukaminang la'biri, na dame salehangang ri lino ritangngana rupatau ringai injo ri Ia.”

YAHYA 14:27

Dame salehangang Kubokoi ri kaui. Dame salehangang Kupassareang mange ri kaui, na nuKupassareang injo gelei assimpole nulapassareang a'ra'na lino inni mange ri kaui. Andamu balisa na bentere atimu.

YAHYA 16:33

Iangase'na injo Kupau mange ri kaui, solanna nguppaiko dame salehangang lalang ri Nakke. Lalang ri lino inni lasissaiko ripama'ri'-ma'risi, mingka pakasa'ga'i nyahamu, saba' Nakkemo ambeta lino.”

ROMA 1:7

Mange ri kau ngase' tau ammari intu ri Roma, turikamaseang ri Allataala, turikeo' na turipaa'jari tangkasa: Larurungko barakka' na dame salehangang ri Allataala, Ammanta, na battu ri Karaeng Isa Almase.

ROMA 14:17

Saba' Pakkaraengang Allataala gele passala kanreang na inungang, mingka passala kanabaang, dame salehangang na te'ne pa'mai' lalang ri Nyaha Tangkasa.

ROMA 15:13

Bisannabali Allataala, poong pattajalliang injo, lapirassiiko lalang risikonjo kate'neang na dame salehangang lalang katappakammu, solanna rikagassingang Nyaha Tangkasa kala'bi-la'biangiko lalang ripattajalliang.

ROMA 5:1

Injomo saba'na, ditte turipa'naba injo kanara tappa', ditte attallasaki lalang dame salehangang surangang Allataala patteteang ri Karaengta, Isa Almase.

ROMA 8:6

Saba' a'ra'na rupatau inni iamo intu kamateang, mingka a'ra'na Nyaha Tangkasa iamo intu tallasa na dame salehangang.

2 KORINTUS 10:5

Kambe tapela'i sikonjo naha-naha daana tau inni na tapakalammai sikonjo pa'lengukang nuripaenteng injo rikatampoanna rupatau laa'bali pangisse' ri Allataala. Kambe a'bali sikonjo pikkirang na lataerangi mange ri Almase,

2 KORINTUS 13:11

Kala'busanna, Urang siana'ku, a'rannu-rannulaloko, parri-parri kalemmu solanna a'jari sangka'. Tarimalaloi sikonjo pappiu'rangingku! Paralluiko assituru'-turu', na attallasako lalang dame salehangang; jari Allataala, poong pangamaseang surang dame salehangang injo minahangi ri kau!

GALATIA 5:22

Mingka hassele Nyaha iamo intu: Pangamaseang, karannuang, dame salehangang, kalammorang pa'mai', kabajikang, kamallangang,

EFESUS 3:19

na akkulle ngisse' ripangamaseang injo nungompo' risikonjo kasara'dekang. Nakke ngera dowaang, solanna kau ripakasangka' lalang risikuanna kasangkakang ri Allataala.

FILIPI 1:1

Battu ri Paulus surang ri Timotius, suro-suro ri Isa Almase. Mange risikuanna tau tappa' ri Isa Almase rie' ri Filipi, surang sikonjo panatua na diakeng.

FILIPI 1:2

Pangamaseang surang dame salehangang battu ri Allataala, Ammanta, na battu ri Karaeng Isa Almase minahang ri kau.

FILIPI 4:19

Allataalaku lalasangkaki sikuanna kaparalluammu assituru' kalammorang na kala'biran-Na lalang ri Isa Almase.

FILIPI 4:21

Pabattulaloi sallangku mange risikuanna tau tappa' lalang ri Isa Almase. Sallang mange ri kaui battu risikonjo urang siana' julu katappakang tuassurang-surang injo nakke.

FILIPI 4:9

Apa numaeng mupappilajari surang apa numaeng mutarima, na apa numaeng mujanjang ri nakke, geokanglaloi injo. Ri appakonjona, Allataala poong dame salehangang laminahang ri kau.

KOLOSE 3:15

Parallui dame salehangang Almase marenta lalang ri atimu, saba' iamo injo kanarana kau rikeo' lalang rise're batangkale. Na sukkurulaloko.

2 TESALONIKA 3:16

Bisannabali Ia, Karaeng dame salehangang, lapassareangi situlusu'na dame salehanganNa mae ri kau lalang risikonjo passala. Karaeng minahang ri kau ngase'.

IBRANI 13:20

Allataala ripatteteang rara passitallikang nutide' injo tappu'na maeng laerangi muliang battu risikuanna tau mate Pakalahaki Bakka' risikonjo jimbala, iamo intu Isa, Karaengta.

YUDAS 1:1

Battu ri Yudas, ata ri Isa Almase na urang siana'na Yakobus. Mange ri iyai turikeo' injo, turikamaseang lalang ri Allataala Amma na takkatuho tujunna Isa Almase.

PANJANJANNA YAHYA 1:4

Battu ri Yahya mange ri tujuiya jamaah nurie' ri Asia ki'di': Barakka' pangamaseang na dame salehangang minahang ri kau, battu ri Ia, turie'mo na maemmu rie' riolo surang larie'i pole, na battu ri tujuiya nyaha nurie' injo ri a'rakang pattolonganNa,

PANJANJANNA YAHYA 2:17

Inai jua attoli, sibaji'na ia appilangngeri apa nulapau injo Nyaha mange risikonjo jamaah. Inai jua ambeta mange ri ia laKusarei Manna nutassa'bu ri suruga; na Nakke laassare mange ri ia batu pute, nuribahonna rie' ta'ukiri areng bau, natide' tulaisse'i manna se're tau, rimaraenganna ri tunarima injo.”