FILIPI 4:5 - Kitta' Passitallikang Bau KAREBA BAJI'

⁵ Parallui kabajikanna atimu laisse'i sikuanna tau. Seppa'mu Karaeng!

FILIPI 4:5 Iomraidhean Croise

MATIUS 6:25

”Injomo saba'na, Nakke appau mange ri kaui: Akolalo bata-bata ripassala tallasa'mu, ripassala apa nua'ra' lamukanre iyareka lamuinung, na akolalo todo' bata-bata ripassala batangkalemmu, ripassala apa nua'ra' lamupake. Gelejua tallasa intu la'bi parallu battu rikanre na batangkale intu la'bi parallu battu ri pakeang

MATIUS 6:34

Injomo saba'na, akolalo bata-bata ripassala allo mintara, saba' allo mintara rie' to'jua bata-batana. Kasusaang siallo ganna'mu ri siallo.”

LUKAS 21:34

”Jagailalo kalemmu, na atimu andai tulusu appikkiri ripa'roa'-roakang na a'huja-huja surang rikabata-bataang tuju tallasa siallo sibangngi solanna rihattu rie'na Ana' Rupatau andai appabangka ri kau assimpole turipengko.

1 KORINTUS 16:22

Inai jua gele ngamaseang ri Karaeng, laallelaloi pua. Karaengba rie'muKi!

1 KORINTUS 6:7

Parie'na jua palakara ri kaui injo assimpolemu se're kabetaang ri kaui. Ngura nagele la'bi mungaiang assinsara rinugele adele? Ngura nagele la'bi mungaiang riparugi?

1 KORINTUS 8:13

Injomo saba'na, ampa kanre injo laa'jari batu patatto'roang ri urang siana' julu katappakangku, nakke gelema langanre assi binantang situlusu'na, solanna nakke gelea a'jari batu patatto'roang ri urang siana' julu katappakangku.

1 KORINTUS 9:25

Sikuanna tau minahang ngase'i ngalle dahuang lalang ripattandingang, latahangi kalenna lalang risikuanna passala. Iyai a'geo' appakonjo languppa songko' kakaraengang nuladaa, mingka ditte languppaki songko' kakaraengang nugelemo ladaa.

2 KORINTUS 10:1

Nakke, Paulus, nulapau tau: se're tugele barani ampa assia'rakangki, mingka baranii ampa nakke derea battu ri kau, nakke appiu'rangi mange ri kaui passabakang ri Almase tulumu nyaha na baji' pa'mai'na.

2 TESALONIKA 2:2

solanna andaiko lassiri ammangnga-mangnga surang balisa, baji' injo ripanjanjang, iyareka ripappala'bangang iyareka sura' nuripau injo battu ri kambe, assimpolekalena larapi'mu hattunna Karaeng.

TITUS 3:2

Andalalo iyai injo appitina, andalaloi iyai a'besere, sibaji'na iyai sanging baji' ampe na lumu nyahai mange risikuanna tau.

IBRANI 10:25

Andalalo ditte ripakadere kalenta ripasse're-se'reang passambajanganta, assimpole nubiasa injo lageokang lohe tau, mingka maemaki assipiu'rangi, saba' muisse'i ma'nassana hattunna Karaeng gelemu sallo nalarie'i.

IBRANI 10:37

”Saba' siso'di', la'bipa pole sanna' so'di'mamo hattu, na Ia tularie' injo, gelemu sallo narie'i na gelei laappasoho' hattu pariekanNa.

1 PETRUS 1:11

Iyai pole maressa sikuraiya hattu na anteeang lakuangang ri Nyaha Almase, nurie' lalang ri iyai. Nyaha injomo assa'ra laassa'bi ripassala sikuanna kasissaang nulalataba injo Almase na sikuanna passala kala'birang numinahang rimaennamo a'jari.

1 PETRUS 4:7

Gelemu sallo nakala'busangi ri iangase'na, injomo saba'na, kahasai kalemmu na a'jaga-jagalaloko, solanna akkulleko ngera dowaang.

PANJANJANNA YAHYA 22:20

Ia tuassa'bi ripassala iangase'na inni, appau, ”Nakke laliba rie'!” Toje'i na nabai, rie'mo ko, Karaeng Isa!

PANJANJANNA YAHYA 22:7

Isa appau: ”Sitoje'na Nakke laliba rie'. Sunggui tau lapinahang injo pau-pau panjanjang allo riboko ri kitta' inni!”