FILIPI 4:3 - Kitta' Passitallikang Bau KAREBA BAJI'

³ La'bipa pole, kuera todo'i ri kau, Sunsugos, urang mallangku: Tulungilalo bahine rua injo. Kanara iyai injo maemmu anjama terasa surangang nakke lalang ripappala'bangang Injili, assurang-surangi Klemens na baha'-bahaang sipanjamaangku tumaraeng injo, turie' injo ngase' ta'ukiri lalang ri kitta' katallasang.

FILIPI 4:3 Iomraidhean Croise

LUKAS 10:20

Mingka mannamamo appakonjo, ako rannu kanara tunru'na sikonjo setang injo mange ri kau, mingka rannuimoko kanara rie'na aremmu ta'ukiri ri Suruga.”

ROMA 12:1

Injomo saba'na, urang siana', rikabajikanna Allataala nakke appainga' mange ri kau, solanna mupassidakkaangi kalemmu assimpole passidakka nuattallasa, nutangkasa na nulangai Allataala: Injomo sambajang toje'mu.

ROMA 16:12

Sallang mange ri Trifena na ri Trifosa, tuterasa injo bukunna anjama lalang panjampangi ri Karaeng. Sallangku mange ri Persis, tukukamaseang, tuterasa injo bukunna anjama lalang panjampangi ri Karaeng.

ROMA 16:9

Sallangku mange ri Urbanus, urang sipanjamaangku lalang ri Almase, na sallangku mange ri Stakhis tukukamaseang injo.

FILIPI 1:12

Kukaa'raki, urang siana', solanna muisseki ma'nassana apa nua'jari mae ri nakke injo maeng a'jari passabakang rialla'banna Injili,

FILIPI 1:16

Iyai inni appala'bangi Almase kanara pangamaseang, saba' iyai injo laisse'i ma'nassana nakke rie' ri inni laappakabakka' Injili,

FILIPI 1:27

Nuparallu tallasa'mu assituru'i surangang Injili Almase, solanna, ampa nakke rie' anjanjang ri kau, na ampa nakke gelea rie' injo kulangngerei ma'nassana kau jarre' ammenteng lalang ripassituru'-turukang laapparri-parri assirutu' rikatappakang nubattu injo ri Injili.

FILIPI 1:5

Nakke appanai' sukkuru ri Allataalaku kanara passamaturukammu assare sokongang mae ri nakke lalang ri Kareba Injili minang riolo sa'genna rikonni-konnina.

FILIPI 1:7

Toje' siratammu nakke appikkiri appakonjo passala ri kau ngase', saba' kau ngase' rie' lalang ri atiku, rikanara minahangimmu nguppa dahuang lalang ripangamaseang nuripassareang injo mae ri nakke, baji' rihattungku rie' ri pattarungkuang, iyareka rihattungku assa'bi surang appakajarre' Kareba Injili.

FILIPI 4:2

Euodia kupiu'rangi surang Sintikhe kupiu'rangi, solanna a'julu ati surang pikkirang lalang ri Karaeng.

KOLOSE 1:7

Iangase'na injo maeng muisse'mu battu ri Epafras, bahaang sipanjampangiang tutakamaseang injo, numange ri kaui pajampangi ri Almase kaminang mallang.

PANJANJANNA YAHYA 13:8

Sikuanna tau ammari ri lino inni lanyombai ri ia, iamo intu sikuanna tau numinang rikaramulana ripaa'jari lino gelei ta'ukiri arenna lalang ri kitta' katallasang battu ri Ana' Jimbala, tumaeng risumbele injo.

PANJANJANNA YAHYA 17:8

Binantang numujanjang injo, maengi rie', na rikonni-konnina gelemu rie', mingka ia laansulu' juapai battu ri balo kamateang, na ia lamangei rikamateang. Iyai tuammari injo ri lino inni, iamo intu iyai tugele injo ta'ukiri lalang ri kitta' katallasang minang riuruna ripaa'jari lino, latakkajanna'i. Saba' binantang injo maengi rie', na rikonni-konnina gelemu rie', mingka laammumba juapai.

PANJANJANNA YAHYA 20:12

Na nakke anjanjanga lohe tau mate, baji' injo tuki'di' iyareka tubakka', ammenteng ri a'rakang pattolongang kakaraengang injo. Maeng injo risungkei sikonjo kitta' na risungke todo'i se're kitta' maraeng, iamo injo kitta' katallasang. Sikuanna tau mate larihukkungi assituru' panggeokanna, assituru' anteekamua rie' ta'ukiri lalang ri kitta' injo.

PANJANJANNA YAHYA 20:15

Sikuanna tau gele injo rirumpa' arenna ta'ukiri lalang ri kitta' katallasang injo, iamo laripabuang antama' ri api a'bola' injo.

PANJANJANNA YAHYA 21:27

Mingka gelei laantama' lalang ri injo sikuanna nurammasa na tau anggeokang nurammasa iyareka bura, passangadinna iyai jua tuarenna ta'ukiri lalang ri kitta' katallasanna Ana' Jimbala injo.

PANJANJANNA YAHYA 3:5

Inai jua ambeta, ia laripipakei pakeang pute appakonjo; Nakke gelei laKulu'lu' arenna ri kitta' katallasang, mingka Kuani arenna ri a'rakanna AmmangKu surang ri a'rakanna sikonjo malaeka'Na.