FILIPI 4:19 - Kitta' Passitallikang Bau KAREBA BAJI'

¹⁹ Allataalaku lalasangkaki sikuanna kaparalluammu assituru' kalammorang na kala'biran-Na lalang ri Isa Almase.

FILIPI 4:19 Iomraidhean Croise

MATIUS 6:32

Iangase'na injo labojai tau maraeng gele injo tappa' ri Allataala. Mingka Ammammu ri suruga laisse'i ma'nassana kau muparalluangi iangase'na injo.

YAHYA 20:17

Lakua Isa mange ri ia, ”Ako a'bitantang tarrusu ri Nakke, saba' Nakke gelepa a'lampa mange ri Amma, mingka a'lampamoko mange ri sikonjo urangKu siana' na pau-paui mange ri iyai ma'nassana konni-konnina Nakke laa'lampa mange ri AmmangKu na Ammammu, mange ri AllataalaKu surang Allataalamu.”

YAHYA 20:27

Maeng injo Ia appaui mange ri Tomas, ”Taro karamemmu ri inni, na janjangi limangKu, patanjo limammu na pantama'i ri la'beKu na andamoko pole gele tappa', mingka tappa'moko.”

ROMA 1:8

La'bi rioloa sukkuru mange ri Allataalaku saba' Isa Almase ri kau ngase', saba' tassiaramu kareba passala katappakammu risibatu lino.

ROMA 11:33

O, sanna' lohena kakalumannyangang, pangisse' na kasara'dekanna Allataala! Toje'i gele akkulle risalidiki sikonjo katappukanNa na toje'i gele akkulle riamu-amu sikonjo pa'lalanganNa!

ROMA 2:4

Apa murapangi gele bakka' kalammoranNa, kasabbaranNa surang kalogaang nyahaNa? Geleika muisse' ma'nassana battuang kalammorang Allataala iamo intu larurungko mange ripangu'rangi ri Allataala?

ROMA 8:18

Saba' kujarreki ma'nassana kamarasaiang rihattu konni-konnina gele akkulle ripassimpole surangang kala'birang nularipappijanjangang injo mae ri ditte.

ROMA 9:23

mingka lalapappijanjangangi kabakkakang kala'biranNa mange risikonjo panaroang pangamaseanNa numaeng lapakasadia injomo tujunna kala'birang,

2 KORINTUS 12:21

Nakke bata-bata ma'nassana ampa nakke rie' pole, Allataalaku appakatuna ri nakke ri a'rakammu na nakke lapa'risi ri lohe tau nukanara rihattu riolo anggeokangi kadorakaang na gelepai jarra battu rikarammasang, kabalerang surang risikonjo passala gele injo siratang rigeokang.

2 KORINTUS 4:17

Saba' kamarasaiang ringang rikonni-konnina, laappabattui ri kambe kala'birang tide' tappu'na nualla'bi risikuanna, sarro la'bi bakkakanna battu rikamarasaiamba.

EFESUS 1:18

Jari solanna Ia lapaa'jari mata atimu sinara, bisannabali mupahangi apa ripattajalliang ri Ia tumaeng injo lakeo' injoko: Anteekamua lohena kala'birang nulapidahuang mange risikuanna tau tappa'.

EFESUS 1:7

Saba' lalang ri Isa ditte nguppa pallappasi rikanara raraNa, iamo intu pangampungang kadorakaang, assituru' kalammorang pangamaseanNa,

EFESUS 2:7

solanna rihattu larie' injo sallo' Ia lapappijo'jokangi mae ri ditte kakalumannyangang pangamaseanNa nulohe injo assituru' rikabajikanNa mae ri ditte lalang ri Isa Almase.

EFESUS 3:16

Nakke ngera dowaang solanna Ia, assituru' kakalumannyangang kala'biranNa, appakaterasa ri kau surangang kahasa patteteang ri NyahaNa lalang ri batemmu,

EFESUS 3:8

Mae ri nakke, tukaminang daa inni risikuanna tau tappa', maeng ripassareang pangamaseang inni, laappala'bang mange risikuanna tau gele injo Yahudi kakalumannyanganna Almase, nugele injo risanna-sanna.

FILIPI 4:7

Dame salehangang ri Allataala, nugele injo laalle naha-naha, lakalahaki atimu surang pikkirammu lalang ri Isa Almase.

KOLOSE 1:27

Mange ri iyai Allataala a'ra'i lapappiissekang, anteekamua kalumannyanna surang la'biri'na harasia injo ritangnga-tangngana tau maraeng, iamo intu: Almase rie'i ri tangnga-tangngamu, Almase a'jari pattajalliang rikala'birang!

KOLOSE 3:16

Parallui pau-pauna Almase ammari surangang kala'bi-la'biang ritangnga-tangngamu, sa'genna kau lalang risikuanna kasara'dekang akkulle ngajara surang appiu'rangi tau maraeng na akkelong-kelong masmuru surang kelong-kelong pappakala'biri na kelong pallengung-lengung, kau appanai' sukkuru mange ri Allataala lalang ri atimu.

1 TESALONIKA 2:12

na sanna' taerana, solanna kau tallasa assituru' ria'ra' Allataala, tuakkeo' injo ri kau antama' ri Pakkaraengang surang kala'biranNa.

1 TIMOTIUS 6:17

Piu'rangilaloi sikuanna tau kalumannyang ri lino inni solanna iyai anda a'la'bi'-la'biri na akolalo tajalli mange rise're nugele attantu assimpole kakalumannyangang, mingka mange ri Allataala lalang rikakalumannyanganNa lapassareangi sikuanna mae ri ditte larikasia'i.

FILEMON 1:4

Nakke appanai'a sukkuru ri Allataalaku, ampa kuu'rangiko lalang ripangera dowaangku,

1 PETRUS 5:1

Nakke appaiu'rangi mange risikonjo tutoa-toa ri kau, nakke todo' uranna tutoa-toa injo surang sa'bi kasissaanna Almase, ri tunguppa injo todo' dahuang lalang ri kala'birang nularipappijanjangang injo sallo'.

1 PETRUS 5:10

Na Allataala, poong riiangase'na barakka' pangamaseang, tumaeng akkeo' injo ri kau lalang ri Almase mange rikala'biranNa nutide' injo la'busu'na, laappakasangka', laappakajarre', laappakagassing surang laappakasa'ga' ri kau, rimaemmumo sissa sinampe'.