FILIPI 4:14 - Kitta' Passitallikang Bau KAREBA BAJI'

¹⁴ Mingka baji' todo'i panggeokammu ma'nassana maemmoko ngalle dahuang lalang rikasinsaraangku.

FILIPI 4:14 Iomraidhean Croise

MATIUS 25:21

Jari lakuamo karaenna mange ri ia: Sanna' baji'na panggeokammu injo, oe pagahe mallang na lambusu; mallangko surang lambusuko rijama-jamaang ki'di', jari lakusareko jama-jamaang nula'bi bakkakang. Antama'ko mae na minahangko rikate'neanna karaemmu.

ROMA 15:27

Katappukang injo maeng lapassamaturuki ngase'i, na injo sitoje'na a'jari tanggongannai. Saba', ampa sikuanna tau maraeng maemmu nguppa dahuang rikasalamakanna tau Yahudi, injo sitoje'na parallu todo'i sikuanna tau maraeng laanjampangi tau Yahudi injo battu rikakalumannyang rie' injo ri iyai.

GALATIA 6:6

Jari sibaji'na ia, tunarima injo pangajara lalang ripauna Allataala, assare todo'i nubaji' rituassare injo pangajara ri kau.

FILIPI 1:7

Toje' siratammu nakke appikkiri appakonjo passala ri kau ngase', saba' kau ngase' rie' lalang ri atiku, rikanara minahangimmu nguppa dahuang lalang ripangamaseang nuripassareang injo mae ri nakke, baji' rihattungku rie' ri pattarungkuang, iyareka rihattungku assa'bi surang appakajarre' Kareba Injili.

FILIPI 4:18

Hattu inni maeng ngase'mu kutarima nuparallu battu injo ri kau, la'bipa pole battu ri injo. Nakke kala'bi-la'biang, saba' maeng kutarima pappikatumu battu ri Epafroditus, se're passidakka nuhondu rasanna, se're koro'bang nuringai surang nubaji' mange ri Allataala.

1 TIMOTIUS 6:18

Piu'rangilaloi solanna iyai injo nubaji' lageokang, a'jari kalumannyang lalang ripanggeokang baji', langai assare surang a'dahu-dahu

IBRANI 10:33

Rihattu injo ripaa'jariiko janja'-janjangiang surangang pattua-tuai na kasissaang, iyareka rihattummui todo' ngalle dahuang lalang rikasissaanna turibua' appakonjo injo.

IBRANI 10:34

Kau maeng todo'ko minahang ngalle dahuang lalang rikasissaanna sikuanna tau ritarungku na rihattu pa'barang-barangammu rilukkaki, mutarima baji'i passala injo lalang rikate'neang, saba' kau muisse'i ma'nassana kau todo' ngampunnai pa'barang-barangang nula'bi baji' na nulatulusu rie'.

IBRANI 13:16

Akolalo takkaluppa anggeokang nubaji' na assare sokongang, saba' koro'bang appakonjomo langai Allataala.

PANJANJANNA YAHYA 1:9

Nakke, Yahya, urang siana' julu katappakammu tuminahang injo lalang rikasissaang, lalang Pakkaraengang na lalang rikasabbarang attajang ri Isa. Nakke ammari ri pulo riare' Patmos kanara pauna Allataala na passa'bi nurisareang ri Isa.