FILIPI 4:12 - Kitta' Passitallikang Bau KAREBA BAJI'

¹² Baji' kuisse'na apa injo kakurangang surang baji' todo' kuisse'na apa injo kala'bi-la'biang. Lalang risikonjo katallasang surang lalang risikonjo passala gele rie' manna se're nua'jari harasia mae ri nakke; baji' injo lalang rihattu bassoro, iyareka lalang rihattu pa're, baji' lalang rihattu kala'bi-la'biang iyareka lalang rihattu kakurangang.

FILIPI 4:12 Iomraidhean Croise

MATIUS 11:29

Sompoi erang Kupierangiang injoko na appilajarako ri Nakke, saba' Nakke lumu nyaha na tuna pa'mai' na nyahamu nguppa kasannangang.

MATIUS 13:52

Jari appaui Isa mange ri iyai, ”Injomo saba'na, sikonjo guru Tora' narima injo pappilajarang passala Pakkaraengang Suruga injo assimpole opu sapo appasulu' pa'barang-barangang bau na nutoa battu ri panaroanna.”

2 KORINTUS 10:1

Nakke, Paulus, nulapau tau: se're tugele barani ampa assia'rakangki, mingka baranii ampa nakke derea battu ri kau, nakke appiu'rangi mange ri kaui passabakang ri Almase tulumu nyaha na baji' pa'mai'na.

2 KORINTUS 10:10

Saba', lakua tau passala ri nakke, sikonjo sura'na toje' terasai na karrasa, mingka ampa assia'rakangki lumu nyahai na sikonjo pauna tide' jua battuanna.

2 KORINTUS 11:27

Nakke sanna' pakkaresoku surang anjama terasa; biasa todo'a gele tinro; pa're surang tirere; nakke biasa todo'a appuasa surang gele a'baju,

2 KORINTUS 11:7

Apa nakke anggeokang nusala, ampa kupakatuna kalengku laappakala'biri ri kau, saba' nakke appala'bang Injili Allataala mange ri kaui na gele juai parallu mubajara?

2 KORINTUS 11:9

Na rihattungku lalang rikakurangang ritangnga-tangngamu, gelea appakasusa manna se're tau, saba' nukurang ri nakke, lapakaganna'i risikonjo urang siana' rie' injo battu ri Makedonia. Lalang ri iangase'na passala kujagai kalengku, solanna andai a'jari pamberaki ri kau. Na nakke tulusu laa'geo' appakonjo.