FILIPI 3:9 - Kitta' Passitallikang Bau KAREBA BAJI'

⁹ na rie' ri Ia gele kanara kanabaangku to'jua lalang anggeokang ri hukkung Tora', mingka surangang kanabaang kanara tappa' mange ri Almase, iamo intu kanabaang nulapassareang injo Allataala assituru' katappakang.

FILIPI 3:9 Iomraidhean Croise

MATIUS 9:13

Jari, a'lampako na pilajari battuanna pau inni: NuKukaa'raki iamo intu pangamaseang na gele passidakka, saba' Nakke rie' mae konni gele lakkeo' tau naba, passangadinna ri tau doraka injo.”

ROMA 1:17

Saba' assinna lalang a'butti pappa'naba ri Allataala, pappoonganna nubattu rikatappakang na ngerangi mange rikatappakang, assimpole rie' ta'ukiri: ”Tau ripa'naba injo laattallasai, rikanara katappakang.”

ROMA 10:10

Saba' lalang ri atina tau inni tappa' na ripa'naba, na lalang ri babana tau inni ngaku na ripakasalama'.

ROMA 16:7

Sallangku mange ri Andronikus na Yunias, sikonjo urang siana' julu kampongku, tumaeng injo ritarungku surangang nakke, iamo intu sikuanna tau rikangalikang risikonjo suro na maeng tallasai lalang ri Almase rioloangangku.

ROMA 5:21

solanna, assimpole kadorakaang lakahasa lalang ri linona kamateang, appakonjo todo'i pangamaseang lakahasa patteteang pappa'naba laattallasa mannannungang, rikanara Isa Almase, Karaengta.

ROMA 8:1

Ri appakonjonamo, konni-konnina gele sikalimo rie' hukkungang mange ri iyai turie' injo lalang ri Isa Almase.

ROMA 8:3

Saba' apa nugele ma'ring lageokang hukkung Tora' kanara tide' pakkullena ria'ra' rupatau, maeng lageokammu Allataala. Rilasurona Ana'Na a'jari assimpole rupatau doraka, na lallappasi kadorakaang, Ia maeng assaremu hukkungang mange rikadorakaang rie' injo lalang ri rupatau inni,

1 KORINTUS 1:30

Mingka rikanara Ia kau rie' lalang ri Isa Almase, nubattu ri Allataala maeng a'jari kasara'dekangi mae ri ditte. Ia appa'nabai na appakatangkasai surang allappasi ri ditte.

2 KORINTUS 5:17

Jari, inai rie' lalang ri Almase, iamo ripaa'jari bau: Allalomu nutoa injo, sitoje'na rie'mu nubau injo.

2 KORINTUS 5:21

Ia tugele injo ngisse' doraka Ia maeng ribua'mu a'jari doraka rikanarata, solanna lalang ri Ia ditte ripa'naba ri Allataala.

GALATIA 2:16

Ditte ri isse'i ma'nassana gele rie' manna se're tau ripa'naba kanara hukkung Tora', mingka patteteang katappakang jua lalang ri Isa Almase. Injomo saba'na, manna kambe maeng tappa'kang mange ri Isa Almase, solanna kambe ripa'naba kanara tappa' lalang ri Isa Almase nagele rikanara anggeokang hukkung Tora'. Saba': ”Gele rie' manna se're tau ripa'naba” karana rianggeokanna hukung Tora'.

FILIPI 3:6

passala rijarrekinna Hukkung Tora' injo nakke anrabung-rabung jamaah, passala kanabaang lalang ripaminahangang ri hukkung Tora' injo nakke tide' sallaanna.

2 TIMOTIUS 1:9

Iamo appakasalama' ri ditte surang akkeo' ri ditte laa'jari tau anunna, gele assituru' ripanggeokangta, mingka assituru' ria'ra' surang barakka' pangamaseanNa to'jua, numaeng lapasareang injo mae ri ditte patteteang ri Isa Almase minang rigelenapa ripaa'jari lino inni

TITUS 3:5

rihattu injomo Ia appakasalama' ri ditte. Kasalamakang injo riuppai gele kanara panggeokang naba numaeng injo rigeokang, mingka kanara barakka'Na patteteang ri Nyaha Tangkasa nuassare injo mae riditte pambaui na kalaherang muliang passabakang rilabisssainta.

IBRANI 6:18

Rua injo passala nugele akkulle appinra na Allataala gelei ma'ring a'bura-bura ripassala injo. Injomo saba'na ditte tua'boja inni pa'lengukang, nguppaki katerasang laa'bitantang ripattajalliang nurie' injo ri a'rakanta.

YAKOBUS 3:2

Saba' ditte ngase' salaki lalang rilohe passala; inai gele minang anggeokang nusala battu ripappauna, iamo tau sangka', tuakkulle injo todo' lakahasai sibatu kalenna.

2 PETRUS 1:1

Battu ri Simon Petrus, ata surang suro ri Isa Almase. Mange ri iyai tuassurang-surang injo kambe nguppa katappakang kanara kaadelanna Allataala surang Pappakasalama'ta, Isa Almase.

1 YAHYA 3:4

Sikuanna tau anggeokang injo kadorakaang, labaliang todo'i hukkunna Allataala, saba' kadorakaang iamo intu a'bali rihukkunna Allataala.