FILIPI 3:8 - Kitta' Passitallikang Bau KAREBA BAJI'

⁸ La'bipa pole iangasena kuare'i karugiang, kanara tappa' ri Isa Almase, Karaengku, kaminang la'biri battu risikuanna. Saba' ri Iamo nakke maeng kupela' ngase'mu sikuanna injo na kurapangi loro, solanna kuuppai Almase,

FILIPI 3:8 Iomraidhean Croise

LUKAS 1:43

Inai todo' nakke inni sa'genna idonna Karaeng Allataalaku rie' mae konni lauranga assijanjang?

LUKAS 11:20

Mingka ampa Nakke angga'gara setang battu rikahasana Allataala, jari sitoje'na Pakkaraengang Allataala rie'mu mange ri kau.

YAHYA 14:20

Rihattu injomo kau lamuisse'i ma'nassana Nakke lalang ri AmmangKu na kau lalang ri Nakke na Nakke lalang ri kau.

YAHYA 14:7

So'di injo muissekia, tantu muissekinna todo' AmmangKu. Konni-konnina Ia muissekimu na Ia maemmu mujanjangi.”

YAHYA 16:3

Iyai injo a'bua' appakonjo, kanara geleinna laisse' baji' ri Amma iyareka ri Nakke.

YAHYA 17:3

Iamo inni tallasa mannannungang, iamo intu ma'nassana iyai ngisse'i ri Ditte, Allataala tide' ruana, na laisseki todo'i Isa Almase Tumaeng injo Risuro.

YAHYA 17:8

Saba' sikuanna pau nuRipabattu injo mae ri Nakke maemmu Kupabattu mange ri iyai na maemmu latarimai. Iyai injo laisse'i ma'nassana Nakke rie' battu ri Ditte na iyai tappa'i ma'nassana Dittemo assuro ri Nakke.

YAHYA 20:13

Appaui malaeka' injo mange ri Maria, ”Idong ngura apparauko?” Appihali Maria mange ri iyai, ”Rie'mo tau laalle Karaengku na gelei kuisse' ri antee mae lapaonrangi.”

YAHYA 20:28

Appihali Tomas mange ri Ia, ”Io' Karaengku na Allataalaku!”

PAU-PAUWANNA SIKONJO SURO-SURO 20:24

Mingka gelejuai kukarimanangi nyahaku manna siso'di', assala akkulle kurapi' passimbangang kala'busang na kupa'maengi panjampangi nulapassuroang injo Karaeng Isa mae ri nakke laassa'bi passala Injili pangamaseang ri Allataala.

ROMA 8:18

Saba' kujarreki ma'nassana kamarasaiang rihattu konni-konnina gele akkulle ripassimpole surangang kala'birang nularipappijanjangang injo mae ri ditte.

ROMA 8:39

iyareka sikonjo kakahasaang, baji' nurie' injo rate iyareka nurie' rahangang, iyareka sikonjo mahallo' maraeng, gelei akkulle lapassisa'la'ki battu ripangamaseanna Allataala, nurie' injo lalang ri Isa Almase, Karaengta.

1 KORINTUS 2:2

Saba' maeng kutappukimu gele kupappiissekang ri kau rimaraenganna Isa Almase, iamo intu Ia turisalli' injo.

1 KORINTUS 9:10

Iyareka dittemo Ia lakuangang? Ya, tujuntamo passala inni riukiri, iamo intu tau anrangkala tana parallui anrangkala lalang pattajalliang na tau anjama inni parallui anjama lalang ripattajalliang languppa dahuang.

2 KORINTUS 4:4

iamo intu sikuanna tau gele injo tappa', nupikkiranna maeng ripakabuta ri Ibilisi tukahasana jammang inni, sa'genna gele lajanjangi sinara Injili passala kala'birang Almase iamo ja'banganna Allataala.

2 KORINTUS 4:6

Saba' Allataala maengi appau, ”Battu lalang rikalammang laambassi' sinara!”, Ia todo' labua'i sinara'Na assau lalang ri atita, solanna ditte nguppa sinara battu ripangisse' passala kala'birang Allataala nukajanjangang injo ri rupanna Almase.

GALATIA 1:16

A'ra'i lapappisa'biang Ana'Na lalang ri nakke, solanna Ia kupala'bang mange risikuanna tau maraeng gele injo Yahudi, manna siso'di' hattu gelejua ngera tangara battu ri rupatau.

EFESUS 4:13

sa'genna ditte ngase' akkullei ripa'batu tappa'ta surang pangisse' nunaba injo ripassala Ana' Allataala, baji'mu pangisse'ta, na pa'bakkakang injo assituru'i rikasangkakanna Almase,

FILIPI 1:1

Battu ri Paulus surang ri Timotius, suro-suro ri Isa Almase. Mange risikuanna tau tappa' ri Isa Almase rie' ri Filipi, surang sikonjo panatua na diakeng.

FILIPI 3:10

Nukuminasai iamo intu tappa' mange ri Ia surang nguppa kahasa riattallasa'-Na muliang na passamaturukang lalang rikasissaan-Na, na anteekamua akkullea assimpole Ia lalang rikamatean-Na,

FILIPI 3:12

Gele rikua kamaeng kuuppamu passala inni iyareka maeng sangka'ma, mingka nakke tulusu kubojai, barangkomo apa akkulle todo'i kujakkala, saba' nakke maeng todo'ma rijakkala ri Isa Almase.

FILIPI 3:7

Mingka apa nukuare' injo riolo se're passahalang ri nakke, konni-konnina kurapangi karugiang bakka' kanara Almase.

2 TIMOTIUS 4:6

Passala kalengku, raraku injo pakaramulamu ripaatti' laa'jari passidakka mange ri Allataala na hattu kamateangku gelemu sallo.

IBRANI 3:14

Saba' ditte maeng a'jari dahuang battu ri Almase, ampa a'bitantang jarre'ki rikatappakang surang ripattajalliang nuripa'bangga-banggaang sa'genna ambattu mange rikala'busang.

1 PETRUS 2:7

Injomo saba'na, mange ri kau, Ia ka'jalai, mingka mange ri iyai tugele injo tappa': ”Batu maeng ripela' injo ri tukang batu, maeng a'jarimu batu possi', a'jari todo'i batu pangali-ngali na se'rei batu patatto'roang.”

2 PETRUS 1:2

Barakka' pangamaseang na dame salehangang kala'bi-la'biang ri kau passabakang pangisse' ri Allataala surang ri Isa, Karaengta.

2 PETRUS 1:3

Kahasa kakaraenganNa maeng lapassareammu mae ri ditte risikonjo nurie' matu-matunna laattallasa baji' passabakang pangisse'ta ri Ia tumaeng akkeo' injo ri ditte passabakang kahasaNa nula'biri surang nugele injo samara.

2 PETRUS 1:8

Saba' ampa iangase'na injo rie' kala'bi-la'biang ri kau, injo kau laripakadetto' na laripakabaji' pappahammu mange ri Isa Almase, Karaengta.

2 PETRUS 3:18

Mingka a'bakka'laloko lalang ribarakka' pangamaseang na pangisse' ri karaeng surang Pappasalama'ta, Isa Almase. Mange ri Iamo kala'birang, konni-konnina na sa'genna situlusu'na.

1 YAHYA 1:3

Apa numaeng tajanjang surang numaeng talangngere, injo tapala'bang todo'i mange ri kau, solanna manna kau nguppa todo'mo passe're-se'reang surangang kambe. Na passe're-se'reang ri kambe iamo intu passe're-se'reang ri Amma surangang Ana'Na, Isa Almase.

1 YAHYA 2:19

Iyai toje'i assala'na tubattu ri ditte, mingka iyai toje'i tugele antama' ri ditte, saba' ampa antama'i risala se'renna ri ditte, iyai tulusu assurang-surangi ri ditte. Mingka passala injo a'jari, solanna kaissekangi ma'nassana iyai ngase' injo gelei antama' ri ditte.

1 YAHYA 5:20

Mingka, ditte riisse'i ma'nassana Ana' Allataala maemmu rie' na assarei pangisse' mae ri ditte, solanna ditte ngisse' ri Tunaba injo; na ditte rie' lalang ri Tunaba, lalang ri Ana'Na Isa Almase. Iamo Allataala nunaba surang tallasa mannannungang.