FILIPI 3:2 - Kitta' Passitallikang Bau KAREBA BAJI'

² Ngu'rangiilaloko mange risikuanna tau assipa' asu, ngu'rangiilaloko mange risikonjo pajama daa intu sipa'na, ngu'rangiilaloko mange risikonjo pasunna' intu!

FILIPI 3:2 Iomraidhean Croise

MATIUS 24:10

na lohe tau laa'bali'ballang na lassipassareangi surang lassikalikkingang.

MATIUS 7:15

”Tutulaloko mange ri nabbi palusu rie' injo mange ri kau surangang assimpole jimbala, mingka sitoje'na iyai injo asu borong.

MATIUS 7:6

”Ako assare pa'barang-barangang tangkasa mange ri asu na ako pabuangi muttiaramu mange ri bahi, solanna andai lalisa'-lisakang ri bangkenna, ampai a'giling ri kau lalokokiko.”

ROMA 2:28

Saba' tau Yahudi toje' injo gele turilaherang injo ri tau Yahudi, na sunna' toje' injo gele sunna' ri batangkale injo.

2 KORINTUS 11:13

Saba' tau injo sanging suro-suro palusu, sanging pajama jekkong, a'geo' assimpole suro-suro ri Almase.

GALATIA 5:13

Urang siana', toje'i kaui maeng rikeo' lalaloasa. Mingka andalalo kau pattuju kalaloasaang injo assimpole sa'la' hattu rikatallasang lalang rikadorakaang, mingka assijampangilaloko lalang ripangamaseang.

GALATIA 5:15

Mingka ampa kau assiota na assikanre, tutuilaloko, saba' laassipanrakiko intu.

GALATIA 5:6

Saba' mange ri tau rie' injo lalang ri Isa Almase passala assunna' iyareka gele assunna' tide' jua battuanganna, sangga katappakang jua anjama rikanara pangamaseang.

FILIPI 3:19

Kala'busang ri iyai iamo intu kapanrakang, Karaeng ri iyai iamo intu pomponna, kala'birang ri iyai iamo intu sipa' daana, pikkirannai sanging angngolo mange rikakalumannyanganna lino inni.

FILIPI 3:3

Saba' dittemo inni tau assuna' toje' injo nuassambajang ripappijo'jo'na Nyaha Allataala na a'bakka' sumanga' lalang ri Isa Almase surang andaiko tappa' risikonjo passala nukajanjangang injo.

1 TIMOTIUS 1:19

Rie'mo sikura tau maeng latolla'i ati alusu nusi'nong injo, na kanara injo tassengke'mu katappakanna,

TITUS 1:16

Iyai injo laakui laisse' Allataala, mingka panggeokanna a'bokojuai ri Allataaa. Iyaimo turikalikkingang ri Allataala saba' gelei tunru' surang gelei akkulle anggeokang nubaji' manna siso'di'.

2 PETRUS 2:22

Mange ri iyai siratangi ripauna pakkalebarang inni: ”Asu inni muliangi pole mange ripirua'na, na bahi ririo inni, muliangi pole ri pattombanganna.”

YUDAS 1:4

Saba' kaissekangi rie' tau maraeng maeng antama' sa'bu-sa'bu ritangnga-tangngamu, iamo intu tau sallomo ritantuang larihukkung. Iyai injo tau gele tappa' ri Allataala tuappalingka sala injo barakka' Allataalata laappakasannang ri hawa napasuna to'jua, na lasangkali se're-se'renna Tukahasa na Karaengta, Isa Almase.

PANJANJANNA YAHYA 2:9

Kuisse'i kasusaammu surang kaasi-asiammu, mingka kalumannyangiko. Na Kuisse' todo'i pappitinanai, ri tau laareng injo kalenna tau Yahudi, mingka nusitoje'na gelei appakonjo, sibale'na iyai injo jamaah ri Ibilisi.

PANJANJANNA YAHYA 21:8

Mingka sikuanna tau mallakang, sikuanna tau gele tappa', sikuanna tau gagarang, sikuanna tau pahuno, sikuanna tau pasangkili, tau pasehere, tau nyomba barahala na sikuanna tau pa'buraang, iyai injo laripabuang todo'i antama' ri bola' api bakka' akkadaparang na halirang a'bola'-bola'; iamo inni kamateang makarua.”

PANJANJANNA YAHYA 22:15

Mingka tau daa injo geo'na surang pasehere, tau bandarang, pahuno rupatau, pasomba barahala surang sikuanna tau langai injo a'bura-bura na lageokangi, laammarii pantarang kota injo.

PANJANJANNA YAHYA 3:9

Janjangimu, rie' sikura tau lohena battu ri jamaah Ibilisi, iamo intu iyai tulaare' injo kalenna tau Yahudi, mingka sitoje'na gelei appakonjo, mingka iyai pabura-bura, laKupassareangi mange ri kau. Toje'i Nakke laassuro ri iyai na joppa'i ri a'rakang bangkemmu na iyai laisse'i ma'nassana Nakke ngamaseang ri kau.