FILIPI 3:19 - Kitta' Passitallikang Bau KAREBA BAJI'

¹⁹ Kala'busang ri iyai iamo intu kapanrakang, Karaeng ri iyai iamo intu pomponna, kala'birang ri iyai iamo intu sipa' daana, pikkirannai sanging angngolo mange rikakalumannyanganna lino inni.

FILIPI 3:19 Iomraidhean Croise

MATIUS 16:23

Jari gilingi Isa na appaui mange ri Petrus, ”A'lampako Ibilisi. Kau a'jari se're batu pangampang ri Nakke, saba' gele mupikkiri nulapikkiri injo Allataala, passangadinna nulapikkiri injo jua rupatau.”

MATIUS 25:41

Ia Lappau todo'i mange ri iyai tau rie' injo risa'ri kairinNa: A'lampako battu ri a'rakangKu, oe tau doraka intu, a'lampako antama' ri api nugele injo minang mate bola'na numaeng ripakasadia injo ri Ibilisi na sikonjo malaeka'na.

LUKAS 12:19

Ampa maemmo injo lakupaui mange ri nyahaku: Nyahaku, lohemo pa'barang-barangammu attambung, akkulle ripake attaung-taung sallona; jari ammari-marimoko, nganreko na nginungko surang a'rannu-rannuko.

LUKAS 16:19

”Rie' se're tau kalumannyang sanging makeangi pakeang ballo alusu, na allo-alloi a'buaki bakka'.

LUKAS 18:4

Sallomu hattunna sanging palatolla'i hakking injo. Mingka maeng injo lanaha-nahai lalang ri atina: Mannamamo gelea malla' ri Allataala na gele todo' rie' tau kukangaliki,

ROMA 16:18

Saba' tau appakonjo injo gele anjampangi ri Almase, Karaengta, mingka pomponna jua lajampangi. Lalang ripau burana na ribisara baji'na lakelo sikuanna tau lambusu injo atina.

ROMA 6:21

Hassele apamo akkulle mualle battu ri iangase'na nulapassabaki injoko a'jari siri' konni-konnina? Kala'busang ri iangase'na iamo intu kamateang.

1 KORINTUS 3:3

Saba' kau rupatau kasara juapa. Saba', ampa ri kau rie' passiiriatiang surang pa'beserang gelejua passala injo lapappiissekangi ma'nassana kau rupatau ri lino na attallasa assituru' rupatau gele nguppa ri Nyaha Allataala?

1 KORINTUS 5:2

Manna appakonjoi tampoi juako. Geleika la'bi siratang ri kaui pa'risi na mupakaderei tau injo ritangnga-tangngamui?

1 KORINTUS 5:6

Gele baji' katampoammu. Geleka muisse' ma'nassana so'di' bibi appakaassoho injo buakang kanrejaha?

2 KORINTUS 11:12

Mingka apa kugeokang, latuli kugeokangi lamolo'-molongi ri iyai tua'boja injo hattu lalapappijanjangangi ma'nassana iyai injo assimpole juai kambe lalang ripassala a'bangga-bangga.

2 KORINTUS 11:15

Jari, gelejua se're passala mara'-maraeng, ampa sikonjo pajampanginna a'geo' assimpole pajampangi kanabaang. Kala'busang ri iyai laassimpole surangang panggeokanna.

GALATIA 6:13

Saba' iyai tulasunnaki injo kalenna, gelei lapiara hukkung Tora'. Mingka iyai lakaa'raki, solanna musunna'i kalemmu, bisannabali iyai akkulle a'bakka' nyaha ritallasa kajanjangang injo.

FILIPI 2:21

saba' sanging kaparalluannai to'jua laboja, gelemo kaparalluang ri Isa Almase.

KOLOSE 3:2

Pikkirilaloi sikonjo passala nurie' rate, gele nurie' injo ri lino.

2 TESALONIKA 1:9

Iyai inni languppa hukkungang kapanrakang situlusu'na, ripakaderei ri a'rakanna Karaeng na gelei languppa dahuang rikakahasaang kala'biranNa,

2 TESALONIKA 2:12

solanna sikuanna tau gele tappa' mange rikareba baji' battu ri Allataala na angngai sipa' daa larihukkung ngase'i.

2 TESALONIKA 2:8

rihattu injomo tau doraka inni ampamu lapappisa'biang kalenna, mingka Karaeng Isa lalahunoi lalang rinapasa babaNa na lapakatide'i lalang rilapappijanjanganna kalenNa rihattu pariekanNa.

1 TIMOTIUS 6:5

pa'beserang ri tau gele injomo baji' pikkiranna na tide'mo nunabana. Iyai injo larapangi sambajang inni se're poong passahalang.

2 TIMOTIUS 3:4

langaii a'bali'ballang, gelei lambere pikkiranna, assimpole tusara'de', la'bi lapinahangi hawa napasu daana kalaminahangi ri Allataala.

YAKOBUS 4:16

Mingka konni-konina kau mupakala'biri kalemmu lalang rikatampoang na sikuanna kala'birang appakonjo gelei naba.

2 PETRUS 2:1

Appaanteekamua sikonjo nabbi palusu riolo ammumba ritangnga-tangngana umma' Allataala, appakonjo todo'i ri kaui larie' guru palusu. Iyai injo laappaantama' pangajarang lingu laappaakapanra', la'bipa pole iyai lalasangkali Tukahasa maeng injomo allappasi ri iyai na ri appakonjona lassirii appabattu kapanrakang mange ri iyai.

2 PETRUS 2:13

Iyai injo languppa passareang daa assimpole sahala risipa' daanai. Iyai langaii paa'labo-labo inni rihattu allona, injo larapangi se're nubaji'. Iyai injo sanging loro surang rammasa, tuhuja injo lalang ri hawa napasunai ampa iyai injo attolongi nganre nginung surangang kaui.

2 PETRUS 2:3

Na kanara ngoana guru palusu injo apparri-parrii laa'boja passahalang battu ri kau lalang laga'-lagarang burana. Mingka ripanggeokang appakonjona injo hukkungang maeng sadiamu na kapanrakanna gelemu latappasoho'.

YUDAS 1:10

Mingka, iyai injo tuattua-tuai mange risikuanna nugele laisseki. Iyai injo nusangga laissekinna jua lalang ri naha-nahanna assimpolei binantang nutide' injo akkala'na. Injomo nua'jari passabakang kamateang mange ri iyai.

YUDAS 1:16

Iyai injo tau a'moro-moro surang a'nganro ripassala passareanna, tallasa assituru' hawa napasuna, mingka babana appasulu'i pau bura na iyai injo tau a'bali'-ballang languppa passahalang.

YUDAS 1:4

Saba' kaissekangi rie' tau maraeng maeng antama' sa'bu-sa'bu ritangnga-tangngamu, iamo intu tau sallomo ritantuang larihukkung. Iyai injo tau gele tappa' ri Allataala tuappalingka sala injo barakka' Allataalata laappakasannang ri hawa napasuna to'jua, na lasangkali se're-se'renna Tukahasa na Karaengta, Isa Almase.

PANJANJANNA YAHYA 18:7

Sareangi mange ri ia sissaang surang pa'risi kamateang, assillohe kala'birang na kala'bi'-la'biang, numaeng injo ia lauppa. Saba' ia appau lalang ri atina: Nakke attolong assimpole karaeng bahine, nakke gelea balu-balu, na nakke gelea minang pa'risi rikamateang.

PANJANJANNA YAHYA 19:20

Manna binantang injo ta'jakkala todo'i na assurang-surangi nabbi palusu injo, tumaeng anggeokang sikonjo tanra ri a'rakang matanna sa'genna appalingu ri iyai tumaeng narima tanra battu ri binantang injo na maengi nyomba dato'-dato'na. Ruaiya ripamballung attallasa antama' lalang ri bola' api bakka' surang halirang.

PANJANJANNA YAHYA 21:8

Mingka sikuanna tau mallakang, sikuanna tau gele tappa', sikuanna tau gagarang, sikuanna tau pahuno, sikuanna tau pasangkili, tau pasehere, tau nyomba barahala na sikuanna tau pa'buraang, iyai injo laripabuang todo'i antama' ri bola' api bakka' akkadaparang na halirang a'bola'-bola'; iamo inni kamateang makarua.”

PANJANJANNA YAHYA 22:15

Mingka tau daa injo geo'na surang pasehere, tau bandarang, pahuno rupatau, pasomba barahala surang sikuanna tau langai injo a'bura-bura na lageokangi, laammarii pantarang kota injo.