FILIPI 3:16 - Kitta' Passitallikang Bau KAREBA BAJI'

¹⁶ Ri appakonjona baji'mu pangisse' numaeng riuppa injo ritarrusangi assituru' pamolongang numaeng ripa'lalangi injo.

FILIPI 3:16 Iomraidhean Croise

ROMA 12:16

Paralluko a'julu akkala pikkirang lalang ritallasa'mu; akolalo mupikkiri sikonjo passala langkasa, mingka pa'batu pikkirammu mange risikonjo passala appaantee jua kamua. Akolalo rapangi kalemmu sara'de'!

ROMA 15:5

Bisannabali Allataala, poong kasabbarang na panimu-nimu injo, assare mange ri kau tallasa a'julu akkala pikkirang, assituru' ria'ra'na Isa Almase,

GALATIA 5:7

Riolo a'lassi'-lassirangiko mange ri kabajikang. Inaimo appisangka ri kau, sa'genna gelei mupinahangi kanabaang injo?

GALATIA 6:16

Mange risikuanna tau lapassareang injo kalenna rirurung riukkurang inni, naummu dame salehangang surang barakka' ri iyai na ri Israele anunna Allataala.

FILIPI 1:27

Nuparallu tallasa'mu assituru'i surangang Injili Almase, solanna, ampa nakke rie' anjanjang ri kau, na ampa nakke gelea rie' injo kulangngerei ma'nassana kau jarre' ammenteng lalang ripassituru'-turukang laapparri-parri assirutu' rikatappakang nubattu injo ri Injili.

FILIPI 2:2

jari pisangkakilalo karannuangku lalang ri inni: Paralluilaloko a'julu ati surang pikkirang, lalang rise're pangamaseang, a'julu nyaha, se're oloang,

FILIPI 4:2

Euodia kupiu'rangi surang Sintikhe kupiu'rangi, solanna a'julu ati surang pikkirang lalang ri Karaeng.

KOLOSE 2:6

Maeng mutarimai Almase, Karaengta. Injomo saba'na parallui tallasa'mu tulusu lalang ri Ia.

KOLOSE 4:2

Sabbaralaloiko lalang ripangera dowaang na ri appakonjona a'jaga-jagaiko surangang appanai' sukkuru.

PANJANJANNA YAHYA 3:3

Injomo saba'na, u'rangilalo apa numaeng mutarima surang mupilangngeri; turuki ngase'laloi injo na jarrako! Saba' ampa geleko ngu'rangi, Nakke labattua assimpole palukka' na kau gelei muisse' rihattu ngurana na sikalinna Nakke rie'a battu mange ri kau.