FILIPI 3:15 - Kitta' Passitallikang Bau KAREBA BAJI'

¹⁵ Injomo saba'na, ditte tusangka' inni, maemuki appikkiri appakonjo. Na ampa maraengi pikkirammu risala se'renna passala, injo lalapappisa'biang todo'i Allataala mange ri kaui.

FILIPI 3:15 Iomraidhean Croise

MATIUS 5:48

Injomo saba'na, sibaji'na kaui sangka', assimpole sangka'na Ammammu ri Suruga.”

LUKAS 11:13

Jari ampa kau tudaa intu sipa'na ngisse' assare ri ana'mu nubaji', la'bipa pole Ammammu Turie' injo ri Suruga! Ia laassare Nyaha Tangkasa mange ri tungera injo ri Ia.”

YAHYA 6:45

Rie' ta'ukiri lalang ri kitta'na sikonjo nabbi: Iyai ngase' lariajarai ri Allataala. Sikuanna tau, tumaeng allangngere na appilajara ri Amma, battui mae ri Nakke.

YAHYA 7:17

Inai jua a'ra' lageokangi a'ra'Na, lalaisse'i apa ajarangKu inni nubattu ri Allataala, iyareka Nakke appau nubattu ri kalengKu to'jua.

ROMA 15:1

Ditte, tau sa'ga' inni, parallui ritanggong kalammaanna tau gele injo sa'ga' na andalalo kasannanganta jua riboja.

1 KORINTUS 14:20

Urang siana', akolalo assimpole ana'-ana' lalang ripikkirammu. A'jariko ana'-ana' lalang ri sipa' daa, mingka tau toa lalang ripikkirammu!

1 KORINTUS 2:6

Manna mamo appakonjo kambe appala'bang kareba pangisse' mange ri iyai tubaji' injomo tappa'na, iamo intu pangisse' nugele battu ri lino inni, na nugele battu ri tukahasana lino inni, iamo intu tukahasa nularipakatide' injo.

GALATIA 5:10

Lalang ri Karaeng nakke jarre'a ri kau ma'nassana ri kau gele rie' pammentengang maraeng battu ri inni. Mingka appakaa'maling-maling injo ri kau lanarimai hukkungang, manna inai jua ia.

EFESUS 1:17

na ngera mange ri Allataala Karaengta Isa Almase, iamo intu Amma tumala'biri injo, solanna Ia assare mange ri kau Nyaha kasara'dekang surang pappijo'jo' labaji' pangisse'mu mange ri Ia.

KOLOSE 1:28

Injomo tapala'bang ampa rie' tau tapiu'rangi surang ampa rie' tau taajara lalang risikonjo pangisse', langurang sikuanna tau solanna laa'jari toa pangisse'na lalang ri Almase.

KOLOSE 4:12

Sallang battu ri Epafras mange ri kaui ia se'rei tau battu ri kau, ata ri Isa Almase, tusanging poso naha-nahanna ripangera dowaang tujummu, solanna kau ammenteng ka'jang, assimpole tau toa pangisse' surang rassi kajarrekang lalang risikonjo passala nulakaa'raki injo Allataala.

1 TESALONIKA 4:9

Passala passikamaseang ri urang siana' gelejuai parallu riukiri mange ri kaui, kanara maemmoko appilajara assikamaseang battu ri Allataala.

2 TIMOTIUS 3:17

Ri appakonjona sikuanna rupatau anunna Allataala nuripisangkaki risikonjo panggeokang baji'.

IBRANI 5:14

Mingka kanre terasa iamo intu tujunna tau toa, turie'mo pappisammuna laappassisa'la' antee nubaji' na anteeang nudaa.

1 YAHYA 2:5

Mingka inai laturuki pauNa, lalang ri tau injo sangka' toje'mu pangamaseanna Allataala; lalang ri injomo ditte riisse'i ma'nassana ditte rie' lalang ri Ia.